दानीएल 8:12 - Sunuwar Bible

¹² मिनु आ परमप्रभु कली काइ मटितीकेमी नाक्‍त किंत किंत ङा चढे़तीक मचढ़ेचा ङा पा गेय पाइब वोइक्‍तु। मिनु मेकोमी थमा पा शेंतीक कली खतम पोक्‍शा, आ मरिम्‍शो पतीक चहिं बारना बारन लपाइक्‍तु।

दानीएल 8:12 ပူးပေါင်းရင်းမြစ်များ

अय्‍युब 12:6

मिनु रोइक्‍ब आन ताम्‍बुम थुं नाइश्‍शा बाक्‍नीम। मिनु परमप्रभु कली गाइक्‍पाइक्‍बपुकी रिम्‍शो पा ब्रोंइशा बाक्‍नीम। मेकोपुकीम आंम सक्ति कली ठेयब सेल्‍नीम। हबकुक १:११

भजन संग्रह 119:142

इन निसाफ पतीके गेना हना यो ठीक बाक्‍ब। मिनु इन अरेशो लोव़ थमा लोव़ बाक्‍ब।

भजन संग्रह 119:43

गे इन थमा लोव़ पचा कली मतेक्‍यीनी। मारदे हना गो इन पतीक लोव़ आस पा बाक्‍नुङ।

भजन संग्रह 28:5

मेकोपुकीमी परमप्रभु यावे आ पशो नु आ गुइमी सेल्‍शो मारेइ ममिम्‍नीम। परमप्रभुमी मेको आन कली गेनायो मबोक्‍चा ङा पा क्‍याम्‍शा, लेंशा मसेल्‍ब। यसैया ५:१२-१३

यसैया 59:14

मिनु ठीक निसाफ मबाक्‍ब। ठीक पतीके ङोन बाक्‍ब। सुइ सुइमी जोल पाइनीम। मिनु रिम्‍शो थुं पाइश्‍शो मुर बाक्‍ने मचाप्‍नीम।

येरमीया 12:1

परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३

दानीएल 11:28

मिनु उत्तर ङा पिप शुश शोंप लाइश्‍शा, आ रागी लेश्‍शा लाइब। तन्‍न मेकोमी परमप्रभु यावे आ कबल पशो आ पर्बम शुश गाइश्‍शो बाक्‍ब। मिनु मेको पिपमी मार दाक्‍ता, मेको पाइब। मिनु आ रागीम लेश्‍शा लाइब।

दानीएल 7:21

मिनु गो कोव़ना कोव़न बाक्‍ङानु, मेको ग्रोव़मी नेल्‍ल क्‍येङा ठेयब आ मुर नु लडाइ पा ग्रात। प्रकाश १३:७

दानीएल 8:4

मिनु गो मेको सांडम पच्‍छिम, उत्तर नु दक्‍खिन गे ख्रुना ख्रुन पशो ताता। अरु जन्‍तु नेल्‍ल मेको आ ङोंइती राप्‍ने मचाप्‍बाक्‍तेक्‍म। मिनु सुइमी मेको आ सक्ति रे प्रोंइने मचाप्‍बाक्‍तेक्‍म। मेकोमी आ दाक्‍शो पशा, आ सक्ति बारत। दानीएल ८:४

प्रकाश 13:7

मेकोमी परमप्रभु यावे आ योव़शो मुरपुकी नु लडाइ पशा, ग्राचा कली अधिकार तशो बाक्‍त। मिनु मेको कली जात नेल्‍ल, मुर नेल्‍ल, आंम आंम लोव़ पाइब नु रागी रागी ङा मुर नेल्‍ल आन कली सासन पतीके अधिकार यो गेशो बाक्‍त। प्रकाश ११:७; दानीएल ७:२१

१ सामुएल 23:9

मिनु दाऊदमी आंम पर्बम मरिम्‍शो पचा चिक्‍शो तुइक्‍ता बाक्‍त। मिनु मेकोमी अबीयाथार चढ़ेब कली “निसाफ पतीक ऊरीम नु थुम्‍मीम बाक्‍शो झोला चाक्‍को” दे मदा बाक्‍त। १सामुएल ३०:७-८