दानीएल 8:10 - Sunuwar Bible

¹⁰ मिनु मेको कोल्‍शा, स्‍वर्ग ङा लडाइ पाइब आन हुल बाक्‍तीक सम्‍म जाक्‍दीश्‍शा, लडाइ पाइब का निक्‍शी नु सोरुल का निक्‍शी आन कली तोक्‍शा खोइलीमी दिम्‍ताक्‍व।

दानीएल 8:10 ပူးပေါင်းရင်းမြစ်များ

यसैया 14:13

गे इ थुंमी “गो स्‍वर्ग ङोइश्‍शा लाइनुङ। परमप्रभु आ सोरुल आन क्‍येङा आइक्‍था आं नित्‍तीके वोइक्‍नुङ। मिनु गो उत्तर ङा देवी देवता ग्रुम्‍तीक डांडाम नित्‍नुङ। भजन संग्रह ४८:३; इजीकीएल २८:१४

येरमीया 48:26

मिनु लेंशा “मेको कली दुक्‍पतीन। मारदे हना मेको ठेयब लेश्‍शो बाक्‍ब। मोआब आ मेशोमी दिङ दाङ गोल्‍ल। मिनु मेको शुक्‍शी पाइक्‍चा पुंइसीब दुम्‍ल। येरमीया २५:१५

दानीएल 11:28

मिनु उत्तर ङा पिप शुश शोंप लाइश्‍शा, आ रागी लेश्‍शा लाइब। तन्‍न मेकोमी परमप्रभु यावे आ कबल पशो आ पर्बम शुश गाइश्‍शो बाक्‍ब। मिनु मेको पिपमी मार दाक्‍ता, मेको पाइब। मिनु आ रागीम लेश्‍शा लाइब।

दानीएल 11:30

कित्तीम रे पा मेको नु लडाइ पचा कली जहाजपुकी जाक्‍नीम। मिनु मेको पिप आ थुं लुक्‍च लशा, आ रागी लेप्‍ब। मेकोमी परमप्रभु यावे आ कबल पशो आ पर्बम गाइश्‍शा, थमा सुइक्‍ब आन कली खेदा पाइब। मिनु परमप्रभु यावे आ कबल प्रोंइशो मुर नु गारब।

दानीएल 7:7

मिनु नोले गो नाक्‍दो ङा कोंइतीकेमी नेल्‍ल क्‍येङा नोले ङा जन्‍तु ग्रूशो ताता। मेको शुश हिंचा ङा, अर्को आन क्‍येङा बोल्‍यो बाक्‍त। मेको के फलाम के ठेयब ख्रुइ बाक्‍तेक्‍म। मिनु श्‍ये ब्‍वना ब्‍वन बाक्‍शा, लीशो श्‍ये आ खोइलीमी दिम्‍ताक्‍व। मेको ङोंइती ङा जन्‍तु आन खोदेंशो मबा। मारदे हना मेको के १० ओटा ग्रोव़ बाक्‍तेक्‍म।

दानीएल 8:7

मिनु गो मेको सांड गे दोरशो ताता। मेको थाम्‍पा गाइश्‍शा, मेको सांड कली ख्रुशा, आ ग्रोव़ निम्‍फा जिक्‍ताक्‍व। मेको सांड बोल मपाइश्‍शो दुम्‍शा, मेको बोका कली मारेइ पने मचब। मेको बोकामी मेको सांड कली खपीम तोक्‍शा, आ खोइलीमी दिम्‍ताक्‍व। मिनु सुइमी मेको सांड कली बोका आ सक्ति रे प्रोंइने मचबेम।

प्रकाश 12:4

मेको आ मीलुमी सरीङ ङा सोरुल भाग सां ङा भाग का कीशा, रागीमी तोक्‍तीमी। मिनु मेको ठेयब बुस्‍स मेको आल थिचशो मीश मुर आ ङोंइती राप्‍शा, आ आल ब्‍वचा कली रिम्‍शा बाक्‍त। दानीएल ८:१०