दानीएल 7:6 - Sunuwar Bible

⁶ मिनु गो कोव़शा बाक्‍ङानु, नोले अर्को जन्‍तु का ग्रूत। मेको जोइ खोदेंशो बाक्‍त। मेको आ चीमी ४ ओटा चिक्‍ब आ फ्रां खोदेंशो फ्रां बाक्‍तेक्‍म। मिनु मेको के ४ ओटा पिया बाक्‍तेक्‍म। मिनु मेकोमी सासन पतीक अधिकार ताप्‍तु।

दानीएल 7:6 ပူးပေါင်းရင်းမြစ်များ

इजीकीएल 17:3

मिनु परमप्रभु यावेमी मेको आन कली ‘लाइश्‍शो, ठेयब फ्रां पाइश्‍शो ठेयब ककाकुली का बाक्‍त। मेको आ शुश ओफ्‍ला शुश रङ ङा बाक्‍तेक्‍म। मेको लेबानोनम जाक्‍शा, लाइश्‍शो रवा आ ङर प्रोइक्‍तु।

दानीएल 10:20

मिनु मेकोमी “गो इ बाक्‍तीकेम मारदे जाक्‍ङा, तुइक्‍नेवे? गो पारसी राज्‍य कली कोव़ब सैतान आ गेय पाइब नु लडाइ पचा कली लेत्‍चा माल्‍नुङ। गो ग्राङा नोले ग्रीस रागी ङा सैतान आ गेय पाइब जाक्‍ब।

दानीएल 2:39

मिनु इन नोले इन क्‍येङा ग्‍युम्‍शो राज्‍य का जाक्‍ब। मिनु मेको आ नोले ङा अरु कांसा के खोदेंशो राज्‍य का जाक्‍ब। मिनु मेकोमी रागी नेल्‍ल आन कली अधिकार पाइब।

दानीएल 7:4

मेको ङोंइती ङा जन्‍तु गुप्‍स खोदेंशो बाक्‍शा, ककाकुली आ फ्रां खोदेंशो फ्रां पाइश्‍शो बाक्‍त। मिनु गो कोव़शा बाक्‍ङानु, मेको आ फ्रां तुल्‍चा पुंइसाक्‍व। मिनु मेको खप रे बोक्‍पाइश्‍शा, मुर खोदेंशो पा आ खोइल निक्‍शीमी राप्‍पाइक्‍चा पुंइसाक्‍व। मिनु मेकोमी मुर आ थुं ताप्‍तु।

दानीएल 7:5

मिनु मेको आ नोले अर्को जन्‍तु का ग्रूत। मेको वां खोदेंशो बाक्‍त। मेकोमी का पटटी रे बोक्‍शा, जेरी सां आ शोव़म काम्‍शो बाक्‍त। मिनु मेको कली “बोक्‍को, श्‍ये शुश ब्‍वावो” देंशो नेंता।

होसे 13:7

मोपतीके गो मेको आन कली गुप्‍स खोदेंशो पा नु जोइ खोदेंशो पा आन लांम बाप्‍शा बाक्‍नुङ। होसे ५:१४

प्रकाश 13:2

मिनु आं तशो जन्‍तु जोइ खोदेंशो बाक्‍त। आ खोइल चहिं वां के खोदेंशो बाक्‍त। आ शोव़ गुप्‍स आ शोव़ खोदेंशो बाक्‍त। मिनु मेको ठेयब बुस्‍सुमी आ सक्ति आ नित्‍तीके नु आ ठेयब अधिकार मेको जन्‍तु कली गेप्‍तु।