दानीएल 7:5 - Sunuwar Bible

⁵ मिनु मेको आ नोले अर्को जन्‍तु का ग्रूत। मेको वां खोदेंशो बाक्‍त। मेकोमी का पटटी रे बोक्‍शा, जेरी सां आ शोव़म काम्‍शो बाक्‍त। मिनु मेको कली “बोक्‍को, श्‍ये शुश ब्‍वावो” देंशो नेंता।

दानीएल 7:5 ပူးပေါင်းရင်းမြစ်များ

२ राजा 2:24

मिनु मेकोम लेश्‍शा कोव़शा, मेको आन कली परमप्रभु यावे आ नेंमी सराप पाइक्‍मी बाक्‍त। मिनु ब्‍वाकी रे छाउरी वां निक्‍शी ग्रूशा, मेको आन दाते ङा ४२ जना आन कली क्राइ‍श्‍शा साइक्‍मी बाक्‍त।

हितोपदेस 17:12

मूर्ख मुरुमी मूर्ख पवा ना ग्रुम्‍चा क्‍येङा आ चाइक्‍ब रोंइसीशो वां कली ग्रुम्‍चा रिम्‍शो बाक्‍ब।

यसैया 56:9

परमप्रभु यावेमी “गे जन्‍तु नेल्‍ल नु ब्‍वाकीम बाक्‍ब जन्‍तु नेल्‍लेम, जाक्‍शा ब्‍वने। येरमीया १२:९

दानीएल 11:2

मेकोमी लेंशा परमप्रभु यावे आ स्‍वर्ग ङा गेय पाइबमी “मुल गो इ कली मेको थमा लोव़ पाइनुङ। पिप दारा आ नोले पारसी रागीमी पिप सां दुम्‍‍नीम। मिनु मेको सांमी नोले जाक्‍ब पिप मेको ङोंइती ङा सां आन क्‍येङा शुश शोंप पाइश्‍शो दुम्‍ब। मिनु मेको पिपमी आ शोंपोमी आ सक्ति बारपाइक्‍ना पाइक्‍न लशा, रागी नेल्‍ल आन कली ग्रीस राज्‍य नु लडाइ पचा कली पोक्‍ब। दानीएल १०:२१

दानीएल 2:39

मिनु इन नोले इन क्‍येङा ग्‍युम्‍शो राज्‍य का जाक्‍ब। मिनु मेको आ नोले ङा अरु कांसा के खोदेंशो राज्‍य का जाक्‍ब। मिनु मेकोमी रागी नेल्‍ल आन कली अधिकार पाइब।

दानीएल 5:28

पेरेस आ अर्थ, इन राज्‍य निक्‍शी दुम्‍शा, मादी नु पारसी आन कली गेशो बाक्‍ब, देंशो रुम्‍सीब। मेको आ अर्थ एको बाक्‍ब” दे दानीएलमी देंत।

दानीएल 7:4

मेको ङोंइती ङा जन्‍तु गुप्‍स खोदेंशो बाक्‍शा, ककाकुली आ फ्रां खोदेंशो फ्रां पाइश्‍शो बाक्‍त। मिनु गो कोव़शा बाक्‍ङानु, मेको आ फ्रां तुल्‍चा पुंइसाक्‍व। मिनु मेको खप रे बोक्‍पाइश्‍शा, मुर खोदेंशो पा आ खोइल निक्‍शीमी राप्‍पाइक्‍चा पुंइसाक्‍व। मिनु मेकोमी मुर आ थुं ताप्‍तु।

दानीएल 7:6

मिनु गो कोव़शा बाक्‍ङानु, नोले अर्को जन्‍तु का ग्रूत। मेको जोइ खोदेंशो बाक्‍त। मेको आ चीमी ४ ओटा चिक्‍ब आ फ्रां खोदेंशो फ्रां बाक्‍तेक्‍म। मिनु मेको के ४ ओटा पिया बाक्‍तेक्‍म। मिनु मेकोमी सासन पतीक अधिकार ताप्‍तु।

होसे 13:8

चाइक्‍ब रोंइसीशो वां खोदेंशो पा मेको आन कली ग्‍याइश्‍शा आन रां चेत्‍नुङ। मिनु गुप्‍सुमी खोदेंशो पा मेको आन कली ब्‍वाइनुङ। मिनु ब्‍वाकी ङा जन्‍तुमी साइश्‍शो खोदेंशो पा साइक्‍नुङ।

प्रकाश 13:2

मिनु आं तशो जन्‍तु जोइ खोदेंशो बाक्‍त। आ खोइल चहिं वां के खोदेंशो बाक्‍त। आ शोव़ गुप्‍स आ शोव़ खोदेंशो बाक्‍त। मिनु मेको ठेयब बुस्‍सुमी आ सक्ति आ नित्‍तीके नु आ ठेयब अधिकार मेको जन्‍तु कली गेप्‍तु।