दानीएल 7:16 - Sunuwar Bible

¹⁶ मिनु गो मेकेर राप्‍शा बाक्‍ब का कली “एको लोव़ रे मार रुम्‍सीबा?” दे हिल्‍लो पाता। मिनु मेकोमी “गो इ कली नेल्‍ल रुप्‍पाइक्‍नुङ।

दानीएल 7:16 ပူးပေါင်းရင်းမြစ်များ

दानीएल 7:10

मिनु मेको शुश बर्स दुम्‍शो का आ ङोंइती रे मी के खोला खोदेंशो पा ग्रूत। मिनु हजार हजार आ स्‍वर्ग ङा गेय पाइबमी मेको कली गेय पाम्‍तेक्‍म। मिनु १०, १० हजार मेको आ ङोंइती बाक्‍तेक्‍म। मिनु मेको निसाफ पचा कली निस्‍साक्‍म। मिनु किताबपुकी प्राक्‍शा वोइक्‍तेक्‍म। प्रकाश ५:११; भजन संग्रह ६९:२९; प्रकाश २०:१२

दानीएल 7:17

मेको ४ ओटा ठेयब जन्‍तु रागी ङा ४ जना पिप बाक्‍‍नीम।

दानीएल 8:17

मिनु मेको परमप्रभु यावे आ स्‍वर्ग ङा गेय पाइब आं राप्‍शा बाक्‍तीके आं नेक्‍था जाक्‍त। मिनु गो थाम्‍पा हिंशा खुम्‍की पा बाप्‍ती। मिनु मेकोमी आं कली “ए मुर, एको कोंइतीके नेल्‍ल क्‍येङा नोले ङा नाक्‍त आ पर्बम बाक्‍ब, दे रुपो” देंत। प्रकाश १०:६

दानीएल 9:22

मिनु मेकोमी आं कली “दानीएल, मुल गो इ कली जोक्‍तीक तुइक्‍तीक नु रुप्‍तीक थुं गेथ जाक्‍ती।

जकरिया 1:19

मिनु गो नु लोव़ पाइब, स्‍वर्ग ङा गेय पाइब कली “एको मार में?” दे हिल्‍लो पा‍ता। मिनु मेकोमी “एको ग्रोव़पुकीमी यहूदा, इस्राएल नु यरूसलेम ङा मुर आन कली एर ओंथ फ्राम्‍तेक्‍म” देंत।

जकरिया 2:3

मिनु मेको गो नु लोव़ पाइब, स्‍वर्ग ङा गेय पाइब जाक्‍त। मिनु अर्को स्‍वर्ग ङा गेय पाइब मेको कली ग्रुम्‍थ जाक्‍त। इजीकीएल ३८:११

जकरिया 3:7

“मुर नेल्‍ल आन परमप्रभु यावेमी मार देंत देंशा हना ‘गे आं लांमी गाक्‍ते नु इ कली देंशो लोव़ टिप्‍तीवी हना, गे आं खिं नु आं लाङगा नेल्‍ल कोव़ब दुम्‍नेवे। मिनु एकेर राप्‍शा बाक्‍ब आन दा‍तेमी आं ङोंइती जाक्‍ने चाप्‍नेवे।

प्रकाश 5:5

मिनु मेको शेंब खाल्‍पा कामी आं कली “मङाक्‍को। मेको गुप्‍स, यहूदा आ थर ङा पिप दाऊद आ खिं ङा बाक्‍ब। मेकोमी सैतान कली ग्रात। मोपा मेको कागज ङा ७ ओटा छाप प्रुइश्‍शा प्राक्‍ने चाप्‍ब” देंत। उत्‍पत्ती ४९:९-१०; यसैया ११:१