दानीएल 6:7 - Sunuwar Bible

⁷ गो इन राज्‍य ङा ठेयब कोव़ब, आइक्‍च नु ठेयब हुकुम पाइब, अर्ती गेब नु इन रागी ङा ठेयब मुर नेल्‍ल नु गारशा, गे पिपमी, कानुन का सेल्‍चा माल्‍नीनी। मार कानुन सेल्‍चा माल्‍नीनी देंशा हना, मुल ३० नाक्‍त सम्‍म इन क्‍येङा लाक्‍शा, सुइ मुरपुकीम आंम देवी देवता नु मुर आन कली मारेइ पुंइने मचाप्‍नीम। इन क्‍येङा लाक्‍शा अरु सुइ कली पुंइतेक्‍म हना, मेको मुर गुप्‍स वोइक्‍तीकेमी ताइक्‍चा पुंइसीब, दे ब्रेक्‍शा छाप थोक्‍शा वोतीन।

दानीएल 6:7 ပူးပေါင်းရင်းမြစ်များ

भजन संग्रह 10:9

गुप्‍स ब्‍वाकीम बाप्‍शो खोदेंशो पा ख्रुइश्‍शा, प्रुङग आन कली रिम्‍नीम। प्रुङग आन कली आन ब्‍वारदम रेश्‍शा ग्‍याइक्‍नीम।

भजन संग्रह 2:2

मारदे रागी ङा पिपपुकी ठेयब मुरपुकी नु गारशा, परमप्रभु यावे नु आ तेल लुक्‍शा सोइश्‍शो आस पर्बम

भजन संग्रह 59:3

कोव़ङीन, मेकोपुकीमी आं कली साइक्‍चा कली बाप्‍शा बाक्‍शो बाक्‍नीम। परमप्रभु यावे, गो मारेइ मरिम्‍शो मपथु, मेको मुर साइक्‍बपुकीमी आं कली जिचा तोशो बाक्‍नीम।

भजन संग्रह 59:5

परमप्रभु यावे, मुर नेल्‍ल आन परमप्रभु, इस्राएल आ परमप्रभु, रागी रागी आन कली सजाइ गेचा कली बोक्‍कीन। इन कली प्रोंइशा, मरिम्‍शो पाइब आन कली काइ शिशी मपने। ठेयब सेंदा पा।

भजन संग्रह 62:4

मेकोपुकीमी ठेयब मुर कली साइक्‍चा माल्‍शो बाक्‍नीम। मेकोपुकी जोल पतीकेमी ग्‍येरसीनीम। मिनु शोव़म आसीक गेखु पाइनीम। तन्‍न आन थुंमी चहिं सराप पाइनीम। ठेयब सेंदा पा।

भजन संग्रह 83:5

मेकोपुकी थुं का दुम्‍शा, इन कली मरिम्‍शो पचा कली लोव़ गारपाइक्‍नीम।

भजन संग्रह 94:20

मार, इन अरेशो मटीब हुकुम पाइबपुकी गे नु गारनीमी ङा? मेकोपुकीमी इन फुल्‍लुम मुशा ब्रेक्‍शो लोव़ दूली सेल्‍शो बाक्‍नीमी।

दानीएल 2:4

मिनु सोरुल कोव़ब कल्‍दीपुकीमी आरामेइक लोव़ पा पिप कली “पिप, शुश ब्रोंइशा बाक्‍कीन। इन वाइल आन कली इन तशो ङोमु शोव़ङीन। मिनु गो, इन वाइलपुकीमी, मेको रे मार रुम्‍सीबा मेको शेंनीकी” देंतेक्‍म।

दानीएल 3:11

मिनु सु सुमी खुम्‍की पा सेउ मपाइनीमी, मेको ठेयब मी ब्रतीकेमी हुम्‍चा पुंइसीनीम’ दे हुकुम पाइतीनी।

दानीएल 3:2

मिनु पिप नेबुकदनेसरमी मेको मूर्ति सेल्‍ने थुम्‍शा, पूजा गोतीके नाक्‍त मानेचा कली पारसी रागी ङा हुकुम पाइब नेल्‍ल, अर्ती गेब, क्‍येट कोव़शा हिक्‍ब, निसाफ पाइब, लल पिया आन ठेयब मुर नु सरकार ङा अधिकार ताइब नेल्‍ल आन कली ब्रेत्‍ताक्‍व।

दानीएल 3:27

मिनु मेको पारसी रागी ङा हुकुम पाइब नेल्‍ल नु पिप कली अर्ती गेब नेल्‍ल बुक्‍शा “मीम एको सां आन कली मारेइ मपव। आन चां यो मग्रोंइश्‍शो बाक्‍त। मिनु आन वा यो मग्रोइक्‍थु, मी आ रिना यो मबाक्‍शो बाक्‍त” देंतेक्‍म। हिब्रू ११:३३-३४

दानीएल 3:6

मिनु सु सुमी मोदेंशो मपाइनीमी, मेको ठेयब मी ब्रतीकेमी हुम्‍चा पुंइसीनीम” दे ठेयब सेंदामी तुइक्‍पाइश्‍शा देंत।

दानीएल 6:16

मिनु नोले पिपमी “दानीएल कली चाक्‍कीन। मिनु गुप्‍स आन कली वोइक्‍तीकेमी तोक्‍कीन” दे हुकुम पाप्‍तु। मिनु मेकोपुकीम दानीएल कली गुप्‍स आन बाक्‍तीकेम तोक्‍तेक्‍म। मिनु पिपमी दानीएल कली “इ मप्रोंइथु, ठेयब सेल्‍शो परमप्रभुमी इ कली प्रोनल” देंत। दानीएल ३:१५

दानीएल 6:22

आं परमप्रभुमी आ स्‍वर्ग ङा गेय पाइब सोइश्‍शा, आं कली मारेइ मपाइक्‍पाइक्‍चा कली गुप्‍स आन शोव़ चोक्‍पाइक्‍तु। मारदे हना आं दोस मबा। हजुर पिप, इन ङोंइती यो मारेइ मरिम्‍शो मपङ” देंत। दानीएल ३:२८; भजन संग्रह २२:२२; हिब्रू ११:३३

मीका 6:5

आं मुरपुकी, मोआब ङा पिप बालाकम मार सल्‍ला पशो बाक्‍मे, मेको मिम्‍तीन। बेओर आ तौ बालाममी मेको कली मार लोव़ लेत्‍ता, मेको मिम्‍तीन। शित्तीम रे गिल्‍गाल सम्‍म ङा लांमी गाक्‍शोनु, मार मार दुम्‍मे, मेको मिम्‍तीन। मिनु परमप्रभु यावेमी इन कली दोपा प्रोंइशो बाक्‍मे, मेको तुइक्‍नीनी” देंत। गन्‍ती २२:-२४:-; यहोसु २:१; यहोसु ४:१९

नहुम 2:12

गुप्‍स खोदेंशो ठेयब मुरुमी आ तमी तौ आन कली शुश मार मार खुप्‍शो बाक्‍त। आ मीश कली मारेइ मारेइ चाक्‍शो बाक्‍त। आ दरवार शोंपोम प्रिंशो बाक्‍त। आ पुक्‍खी मार मार साइश्‍शा चाक्‍शा प्रिंशो बाक्‍ब।

मत्ती 12:14

मिनु फरिसीपुकीमी मेकेर रे ग्रूशा खुम्‍सीशा “मेको कली दोपा साइक्‍चा ताइनया?” दे लोव़सी पाम्‍तेक्‍म। यूहन्‍ना ५:१६

मत्ती 26:4

मेकोपुकीमी “मुर आन मतुइक्‍थु येसु कली दोपा ग्‍याइश्‍शा साइक्‍पाइक्‍चा” दे सल्‍ला पामेनु

मर्कूस 15:1

मिनु नां सोव़मेनु, ठेयब चढ़ेब, जोक्‍ब तुइक्‍बखाल्‍पा नु सास्‍त्रीपुकी, सभाम बाक्‍ब नेल्‍ल खुम्‍सीशा, सल्‍ला पामे बाक्‍त। मिनु येसु कली फ्रेंशा लाइश्‍शा, पिलातस आ गुइमी गेमे बाक्‍त।

यूहन्‍ना 12:10

ठेयब चढ़ेबपुकीमी “लाजरस कली यो साइक्‍चा” दे सल्‍ला पामे बाक्‍त।