दानीएल 6:26 - Sunuwar Bible

²⁶ आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।

दानीएल 6:26 ပူးပေါင်းရင်းမြစ်များ

एज्रा 1:3

मिनु इन दातेमी सु सु परमप्रभु आ मुर बाक्‍नीमी, मेको नु परमप्रभु बाक्‍ल। मिनु मेको मुरपुकी इर लशा, यहूदा रागी ङा यरूसलेममी बाक्‍ब परमप्रभु यावे, इस्राएली आन परमप्रभु आ खिं सेलीन।

एज्रा 7:21

गो, पिप आरता-सास्‍तमी, युफ्रेटीस आइक्‍ची हांबु ङा रागी ङा क्‍येट कोव़शा वोइक्‍ब आन कली हुकुम गेतामी। नेल्‍ल आन कली ‘स्‍वर्ग ङा परमप्रभु आ अरेशो लोव़ जोक्‍ब तुइक्‍ब चढ़ेब एज्रामी इन कली मार पुंइतु हना यो, रीब पा गेने।

भजन संग्रह 119:120

गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।

भजन संग्रह 146:10

परमप्रभु यावेमी गेना हना यो सासन पाइब। सियोन, इ परमप्रभुमी पाला पाला सम्‍म सासन पाइब। परमप्रभु यावे कली ठेयब सेलीन। भजन संग्रह ९३:१

भजन संग्रह 2:11

परमप्रभु यावे कली मान पा हिंशा, मेको आ देंशो गेय पने। हिंशा ख्रिंख्रि पा मेको आ ङोंइती ग्‍येरशा बाप्‍पीन। फिलिप्‍पी २:१२; हिब्रू १२:२८

भजन संग्रह 29:10

परमप्रभु यावे आ ठेयब नित्‍तीके ब्‍वाक्‍कु तारी बाक्‍ब। मेको आ ठेयब नित्‍तीकेम निश्‍शा, गेना हना यो सासन पाइब।

भजन संग्रह 42:2

मोपा आं थुं ब्रोंइशा बाक्‍ब परमप्रभु आ नेक्‍था बाक्‍चा दाक्‍ब। गो गेना परमप्रभु आ ङोंइती बाक्‍चा ताइनुङा? भजन संग्रह ६३:२; भजन संग्रह ८४:३; भजन संग्रह १४३:६

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

यसैया 9:7

मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४

येरमीया 10:10

तन्‍न परमप्रभु यावे थमा ङा परमप्रभु बाक्‍ब। मेको ब्रोंइशा बाक्‍ब परमप्रभु नु गेना हना यो लीब पिप बाक्‍ब। मेको गाइक्‍तानु, रागीम ख्रिनु कुइब। मिनु रागी रागी ङा मुरपुकीम मेको आ गाइश्‍शो फाल्‍ने मचाप्‍नीम। येरमीया ५:२

दानीएल 2:44

मेको पिप आन पालामी स्‍वर्ग ङा परमप्रभुमी अर्को राज्‍य का सेल्‍ब। मेको राज्‍य गेनायो ब्रोल चिल मदुम्‍ब। मेको राज्‍य ङा मुर खाल का ङा बाक्‍नीम। मेकोमी अरु राज्‍य नेल्‍ल आन कली रोब चिब पा थुम्‍पाइक्‍ब। तन्‍न मेको आ राज्‍य गेना हना यो लीब। दानीएल १४:२७; यसैया ९:६; १कोरिन्‍थी १५:२४; प्रकाश ११:१५

दानीएल 3:29

मोपतीके गो ‘जात जात ङा, रागी रागी ङा नु आंम आंम लोव़ पाइब मुर नेल्‍ल, सु सुमी शद्रक, मेशक नु अबेद-नेगो आन परमप्रभु आ पर्बम मरिम्‍शो लोव़ पा शुक्‍शी पाइनीमी, मेको आन गुइ खोइल ख्रोइश्‍शा साइक्‍चा पुंइसीनीम। मिनु मेको आन खिं यो प्रेश्‍शा गेचा पुंइसीनीम’ दे हुकुम पाइनुङ। मारदे हना मेको आन परमप्रभु का ला बाक्‍ब। देवी देवताम मोदेंशो पा प्रोंइने मचाप्‍नीम” देंत। दानीएल २:४७

दानीएल 4:3

मेको आ कोंइशो चिन्‍ड गिश ठेयब बाक्‍नीमी। मिनु आ छक लाक्‍चा ङा गेय गिश सक्ति पाइश्‍शो बाक्‍नीमी। आ राज्‍य गेना हना यो ली‍ब। मिनु आ अधिकार यो गेना हना यो लीब। दानीएल २:४४; दानीएल ४:३१; दानीएल ६:२७; दानीएल ७:१४,२७; भजन संग्रह १४५:१३

दानीएल 4:34

मिनु पिपमी “मेको देंशो नेल्‍ल जाक्‍दीम नोले, गो आं पिया पोक्‍शा सरीङ गे कोव़ता। मिनु आं निप्‍स लेंशा रिम्‍शो दुम्‍त। मिनु गो नेल्‍ल क्‍येङा ठेयब नु गेना हना यो ब्रोंइशा बाक्‍ब परमप्रभु कली ठेयब सेल्‍शा, मान पाता। मेको आ सासन पतीके गेना हना यो लीब। मेको आ राज्‍य पाला पाला सम्‍म लीब। दानीएल ३:३३

दानीएल 6:20

मिनु गुप्‍स आन बाक्‍तीके आ नेक्‍था जाक्‍दीश्‍शा, शुश हिंशा दानीएल कली “दानीएल, ब्रोंइशा बाक्‍ब परमप्रभु आ गेय पाइब, इ गेना हना यो ठेयब सेल्‍ना सेल्‍न बाक्‍शो परमप्रभुमी इ कली गुप्‍स रे प्रोना?” दे हिल्‍लो पा ब्रेत्‍ताक्‍व। दानीएल ३:१७

दानीएल 7:14

मिनु मेको कली सासन पतीक अधिकार, मान ततीक नु पिप सेल्‍‍शा राज्‍य गेशो ताता। मिनु जात जात नु रागी रागी ङा आंम आंम लोव़ पाइब मुर नेल्‍लेमी मेको कली गेय पशो ताता। आ सासन पतीके अधिकार गेना हना यो लीबाक्‍त। आ पिप दुम्‍शो राज्‍य गेनायो खतम मदुम्‍बाक्‍त।

दानीएल 7:27

मिनु राज्‍य, सासन पतीक अधिकार नु राज्‍य नेल्‍ल आन ठेयब दुम्‍तीके नेल्‍ल क्‍येङा ठेयब आ मुर आन कली गेचा पुंइसीनीम। मेको आन राज्‍य गेना हना यो लीब राज्‍य दुम्‍ब। मिनु सक्ति पाइश्‍शो नेल्‍लेमी मेको आ गेय पा, मेको कली टीनीम” देंत।

होसे 1:10

इस्राएलीपुकी समुन्‍द्र ङा बाल्‍वा खोदेंशो पा शुश दुम्‍नीम। मिनु सुइमी मेको आन कली पुक्‍ने नु हिक्‍ने मचाप्‍नीम। ते मेको आन कली ‘गेपुकी आं मुर मननी’ देंशो बाक्‍मे मेकेर मेको आन कली ‘गेना हना यो ब्रोंइशा बाक्‍ब परमप्रभु आ मुर’ देंनीम। उत्‍पत्ती २२:१७; रोमी ९:२६

मलाकी 3:6

मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्‍म ब्रोंइशो बाक्‍नीनी।

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

लूका 1:33

मिनु मेको याकूब आ खिं ङा मुर, यहूदी आन पिप दुम्‍शा, हुकुम पाइब। मिनु आ राज्‍य गेनायो मनुप्‍ब” देंमाक्‍त।

लूका 12:5

तन्‍न परमप्रभु यावे कली मान पा हिनीन। मारदे हना मुर आन कली साइश्‍शा, नाराक सोइक्‍तीक सक्ति मेको नु बाक्‍ब। मोपतीके मेको कली तशा मान पा हिनीन। हिब्रू १२:२९

प्रेरित 17:25

मुरपुकीमी परमप्रभु कली मारेइ गेचा ममाल्‍नीमी। आं कका रागीमी बाक्‍ब नेल्‍ल आन कली ब्रोंइतीक सोक्‍त नु आन माल्‍शो नेल्‍ल गेशो बाक्‍ब। भजन संग्रह ५०:९-१२

रोमी 9:26

ङोंइती मेको रागीमी परमप्रभु यावे आ मुर मबाक्‍म। नोले चहिं ब्रोंइशा बाक्‍ब परमप्रभु यावे आ तमी तौ ब्रेत्‍चा पुंइसीनीम” दे ब्रेक्‍शो बाक्‍त। होसे २:२५; होसे २:१

ब्‍यवस्‍था 5:26

मिनु सु मुरुम इं खोदेंशो पा ब्रोंइशा बाक्‍ब परमप्रभु आ सेंदा मी आ दाते रे पा नेंशा यो ब्रोंइशो बाक्‍बा?

१ थिस्‍सलोनिकी 1:9

मेकोपुकीमी इं पर्बम लोव़ पाम्‍तेक्‍म। मार लोव़ पाम्‍तेक्‍म देंशा हना, थिस्‍सलोनिकी सहर ङा मुरपुकीमी आंइ कली मिश रिम्‍शो ब्राम्‍तेक्‍म। मिनु गेपुकी इन मूर्ति कली प्रोंइशा, परमप्रभु यावे कली थमा सुइक्‍ब दुम्‍शा, ब्रोंइशा बाक्‍ब, थमा परमप्रभु यावे आ गेय पाइब दुम्‍तीनी। प्रेरित १४:१५; १कोरिन्‍थी १२:२

हिब्रू 12:29

इं परमप्रभु यावे नेल्‍ल खतम सेल्‍ब मी खोदेंशो बाक्‍ब। हिब्रू १०:३१; ब्‍यवस्‍था ४:२४

याकूब 1:17

हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।

प्रकाश 4:10

मेको २४ जना शेंब खाल्‍पामी मेको ठेयब नित्‍तीकेमी निप्‍ब आ ङोंइती आन पोक्‍च थेक्‍शा सेउ पाम्‍तेक्‍म। मिनु गेना हना यो ब्रोंइशा बाक्‍ब कली मान पाम्‍तेक्‍म। मिनु मेकोपुकीमी आन सिरपेच पुइश्‍शा, मेको ठेयब नित्‍तीकेमी निप्‍ब आ ङोंइती वोइश्‍शा

प्रकाश 5:14

मिनु मेको ४ ओटा सेस जन्‍तुमी “आमेन” देंतेक्‍म। मिनु मेको खाल्‍पापुकीमी बाप्‍शा सेउ पाम्‍तेक्‍म।

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।

१ सामुएल 17:36

गो जोइ वांपुकी साइ‍श्‍शो बाक्‍नुङ। मेको ख्रोइक्‍तीक चिनु मख्रोइश्‍शो पलिस्‍ती यो मेको आन खोदेंशो दुम्‍ब। मेकोमी गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पशो बाक्‍ब।