दानीएल 6:24 - Sunuwar Bible

²⁴ मिनु पिपमी “दानीएल कली दोस गेब, आन मीश नु आन तमी तौ नेल्‍ल आन कली गुप्‍स वोइक्‍तीकेमी तोक्‍कीन” दे हुकुम पाप्‍तु। मिनु मेको आन कली मेकेर तोक्‍तेक्‍म। मिनु मेकोपुकी गुप्‍स आन बाक्‍तीके मजाक्‍दीत्‍थु, गुप्‍सपुकी प्रेक्‍शा ग्राम्‍शा मेको आन रुश का यो मवोइक्‍थु नेक्‍तेक्‍म।

दानीएल 6:24 ပူးပေါင်းရင်းမြစ်များ

२ राजा 14:6

तन्‍न मेकोमी मोसा आ अरेशो किताबम ब्रेक्‍शो खोदेंशो पा “तमी तौ आन पाप आ पर्बम आन आम आफ आस कली मसतीन। मिनु आम आफ आस पाप आ पर्बम यो आन तमी तौ आन कली मसतीन। सुम पाप पाइनीमी मेको ला साइक्‍चा पुंइसमल” देंशो, मेकोमी परमप्रभु यावे आ लोव़ टिशा, नेल्‍ल आंम आन पशो पापम ला साइक्‍चा पुंइसीनीम। ब्‍यवस्‍था २४:१६

एस्‍तर 7:10

मिनु मेकोपुकीमी मोरदेकै कली साइक्‍चा, दे ग्रुक्‍शो थाममी, हामान कली लाइश्‍शा क्‍युक्‍तेक्‍म। मिनु पिप आ थुं नांइसाक्‍व।

एस्‍तर 9:10

मिनु मेको यहूदी आन जोरी सत्रु हम्‍मदाता आ तौ हामान आ १० जना तौ कली यो साइक्‍तेक्‍म। मेको आन शोंप नु आन थेरशो रू चहिं मरोइक्‍तेम।

एस्‍तर 9:25

मिनु मेको लोव़ पिप कली तुइक्‍पदमे नोले पिपमी, ब्रेक्‍स पा यहूदी आन कली मरिम्‍शो नु श्‍येत गेचा मिम्‍शो नेल्‍ल हामान आंम आ पियामी कोप्‍ताक्‍व। मिनु मेको नु आ तौ थामम क्‍युक्‍शा साइक्‍चा पुंइसाक्‍म, दे छाप आप्‍शो ब्रेक्‍तीक का ब्रेक्‍शा ग्रुंइ‍ताक्‍व। एस्‍तर ७:१०

भजन संग्रह 54:5

सु सुम आं कली मरिम्‍शो पाइ‍नीमी, मेको आन कली मरिम्‍शो दुम्‍ल। इन दाक्‍शा मप्रोंइतीकेमी मेको आन कली खतम पोक्‍कीन।

हितोपदेस 11:8

ठीक पाइब मुर हिंचा ङा श्‍येत रे प्रोंइचा पुंइसीनीम। तन्‍न परमप्रभु यावे आ अरेशो मटीबपुकी मेको श्‍येतमी हुम्‍सीनीम।

हितोपदेस 19:9

जोल पा सांकछी बाक्‍ब मुर सजाइ मतथु मब्रोंइब। मिनु जोल पाइब मुर खतम दुम्‍नीम

यसैया 38:13

सुनी सम्‍म आं थुं कली रिम्‍पाइक्‍ना पाइक्‍न बाक्‍ती। गुप्‍सम खोदेंशो पा आं खोइल जिक्‍ताक्‍यीनी। काबु नाक्‍दो नाक्‍तीमी गे आं कली खतम पोक्‍तीनी।

येरमीया 34:17

मोपतीके परमप्रभु यावेमी “गेपुकीम आं देंशो मटिनी। मिनु आंम रागी ङा आंम नेक्‍था ङा मुर नु आंम वारच आन कली वाइलीम वाइल दुम्‍तीक रे मप्रोंइनी। मोपतीके गो मुल इन कली प्रोंइनन्‍नी। गो इन कली तरवार, मुर बेक्‍तीक रोइ नु अन्‍कालम साइक्‍पाइक्‍चा कली प्रोंइनन्‍नी। गो इन कली राज्‍य नेल्‍लेम शुश हिंचा ङा सेल्‍नन्‍नी।

दानीएल 3:22

मारदे हना पिपमी “रीब पा पने” दे हुकुम पाप्‍तु। मिनु मेको मीम शद्रक, मेशक नु अबेद-नेगो आन कली हुम्‍थ लाइक्‍ब आन कली ग्रु दाक्‍तु।

ब्‍यवस्‍था 24:16

मुर आ तमी तौम साइक्‍चा ङा पाप पाप्‍तु हना, आफ कली मसाइक्‍चा। मिनु आफोमी साइक्‍चा ङा पाप पाप्‍तु हना, आ तमी तौ आन कली मसाइक्‍चा। सुमी पाप पाइबा, मेको ला साइक्‍चा पुंइसीब। २राजा १४:६