दानीएल 5:2 - Sunuwar Bible2 मिनु मेको पिप शांबुमी दुक्शा “आं आफ नेबुकदनेसरमी यरूसलेम सहर ङा परमप्रभु आ खिं रे चाक्शो सुन नु चांदी के बोसपुकी एक चाक्कीन। गो, आं राज्य ङा ठेयब अधिकार ताइबपुकी, आं ग्युंबे पशो मीशपुकी नु आं अरु चाक्शो मीशपुकी गारशा, मेको बोसम तूनीकी” देंत। दानीएल १:२; २इतिहास ३६:१०; एज्रा १:७-११ အခန်းကိုကြည့်ပါ။ |
दानीएल 5:2
23 ပူးပေါင်းရင်းမြစ်များ
इन राज्यमी ठेयब देवता आन सोक्त पाइश्शो मुर का बाक्ब। इन आफ आ पालामी मेको नु देवी देवता के खोदेंशो पा सोक्त आ मिम्शो रुप्तीके तुइक्तीके नु जोक्ब तुइक्ब थुं बाक्त। मोपतीके इन आफ पिप नेबुकदनेसर मी मेको कली जादू, मन्तर तन्तर पाइब, सोरुल कोव़ब कल्दी नु चिन्ड आ अर्थ जोक्ब आन ठेयब मुर सेल्शो बाक्त। दानीएल ४:५; दानीएल २:४८
‘गो स्वर्ग ङा परमप्रभु क्येङा ठेयब नङ’ दे आंम कली ठेयब सेल्तीनी। मिनु गे परमप्रभु आ खिं ङा बोसपुकी चाक्पाइश्शा, गे नु इन राज्यम अधिकार ताइब, इन ग्युंबे पशो मीशपुकी नु इन अरु चाक्शो मीशपुकीमी मेको बोसम अङगुर शांबु तूतीनी। मिनु सुन, चांदी, कांसा, फलाम, शी नु फुल्लु के सेल्शो मिक्च मताइब, मनेंब, मरुप्ब देवी देवता आन कली सेउ पाइतीनी। तन्न इन कली ब्रोंइतीक सोक्त गेब नु इन लां कोंइब परमप्रभु कली मान मपनी।
ကြော်ငြာတွေ