दानीएल 5:16 - Sunuwar Bible

¹⁶ मिनु गे एको चिन्‍ड आ अर्थ मार रुम्‍सीबा, दे शेंने चाप्‍ब नु मारेइ मारेइ श्‍येत रे ग्रुंइने चाप्‍ब बाक्‍नेवे, देंशो लोव़ नेंता। मिनु मुल एको ब्रेक्‍स पढेशा, मार रुम्‍सीबा मेको आं कली शेंने चाप्‍तीवी हना, गे प्‍याजी रङ ङा वा फेक्‍पाइ‍श्‍शा, सुन के माला रेल्‍चा पुंइसीनेवे। मिनु गे आं राज्‍य ङा आं क्‍येङा नु आं ठेयब गेय पाइब आ नोले ङा ठेयब हुकुम पाइब दुम्‍नेवे” देंत।

दानीएल 5:16 ပူးပေါင်းရင်းမြစ်များ

उत्पत्ती 40:8

मिनु मेको निक्‍शीमी “गो ङोमु ताइतस्‍कु। मिनु मेको ङोमु आ अर्थ मरुप्‍स्‍कु। शेंब मुर मबा” देंसा बाक्‍त। मिनु योसेफमी “परमप्रभुमी मेको ङोमु मार बाक्‍बा दे शेंबा ममाइ ङा? लो, आं कली देनीन” दे माइक्‍सी बाक्‍त। उत्‍पत्ती ४१:१५-१६; दानीएल २:२७-२८

उत्पत्ती 41:15

मिनु फाराओमी योसेफ कली “गो ङोमु निक्‍शी ताता। सुइमी मेको आस अर्थ शेंने मचबेम। मिनु गो इ पर्बम लोव़ नेंता। गे मुर आन तशो ङोमु आ अर्थ शेंने चाप्‍नेवे ने” देंमाक्‍त।

उत्पत्ती 41:42

मिनु फाराओम आ छाप क्‍येप्‍तीक औंठी आ ब्रेप्‍चो रे प्रुइश्‍शा, योसेफ आ ब्रेप्‍चोम लिक्‍ता बाक्‍त। मिनु योसेफ कली दारशो बुश वा फेक्‍पाइश्‍शा, सुन के माला रेल्‍दा बाक्‍त। एस्‍तर ३:३०; दानीएल ५:२९

दानीएल 2:48

मिनु पिपमी दानीएल आ मान बारपाइक्‍तु। मिनु शुश शोंप गेप्‍तु। मिनु बेबीलोन रागी नेल्‍ल कली हुकुम पाइब नु जोक्‍ब तुइक्‍ब मुर नेल्‍ल आन ठेयब मुर सेल्‍तु।

दानीएल 2:6

तन्‍न आं तशो ङोमु नु मेको रे मार रुम्‍सीबा, मेको शोव़तीनी हना, गो इन कली मार मार रिम्‍शो थोव़क, इनाम नु ठेयब मान गेनुङ। मोपतीके आं तशो ङोमु शोव़शा, मेको रे मार रुम्‍सीबा, शेंदीनी” दे माइक्‍तीमी।

दानीएल 5:29

मिनु पिप बेल-शजरमी “दानीएल कली प्‍याजी वा फेक्‍तीन। सुन के माला रेल्‍दीन। मिनु मुर नेल्‍ल आन कली ‘मेको राज्‍य ङा पिप, आं क्‍येङा नु आं ठेयब गेय पाइब क्‍येङा नोले ङा हुकुम पाइब बाक्‍ब’ दे मुर नेल्‍ल आन कली शेंदीन” देंत। दानीएल २:२८; उत्‍पत्ती ४१:४२-४३

दानीएल 5:7

मिनु पिपमी “बेबीलोन रागी ङा मन्‍तर तन्‍तर पाइब, सोरुल कोव़ब कल्‍दी नु चिन्‍ड आ अर्थ जोक्‍ब चाक्‍कीन” दे हुकुम पाप्‍तु। मिनु पिपम मेको बेबीलोन रागी ङा जोक्‍ब तुइक्‍ब आन कली “सुमी एको ब्रेक्‍शो पढेशा, आं अर्थ आं कली शेंने चाप्‍बा, मेको प्‍याजी रङ ङा वा फेक्‍पाइ‍श्‍शा, सुन के माला रेल्‍चा पुंइसीब। मिनु गो नु आं राज्‍य ङा ठेयब गेय पाइब आ नोले ङा हुकुम पाइब सेल्‍नुङ” देंत।

दानीएल 6:2

मिनु पिप दाराम मारेइ मजाम्‍ल, दे मेको नेल्‍ल आन कली ठेयब कोव़ब मुर सां वोइश्‍शो बाक्‍‍त। मिनु मेको सां आन दातेमी का दानीएल बाक्‍त। मेको हुकुम पाइबपुकीमी ठेयब कोव़ब मुर सां आन कली रागीम मार दुम्‍मे, मेको शोव़चा माल्‍शो बाक्‍‍तेक्‍म।

प्रेरित 8:18

मिनु सिमोनमी मेको सोइश्‍शो आस गुइ थमा सुइक्‍ब आन तारी वोइश्‍शा, परमप्रभु यावे आ सोक्‍त गेशो तशा, मेको आस कली “क्‍येट गेनुङ।