दानीएल 4:9 - Sunuwar Bible

⁹ मिनु गो मेको कली “बेल्‍त-शजर, जादू पाइब आन ठेयब मुर, इ आगाम नेल्‍ल क्‍येङा ठेयब देवी देवता आन सोक्‍त बाक्‍त। मिनु ख्रुइश्‍शो लोव़ मारेइ मारेइ शेंने चाप्‍ब बाक्‍नेवे। मोपतीके आं तशो ङोमु आ कोंइतीक देनो। मिनु मेको रे मार रुम्‍सीबा शेंदी” दे माइक्‍ता।

दानीएल 4:9 ပူးပေါင်းရင်းမြစ်များ

उत्पत्ती 41:38

मिनु फाराओम आ गेय पाइब आन कली “गो योसेफ खोदेंशो मुर अर्को सु थिन्‍ने चाप्‍नया ङा? परमप्रभु आ सोक्‍तीम ब्रीशो मुर का थिन्‍ने चाप्‍नया ङा?” दे हिल्‍लो पामी बाक्‍त। प्रस्‍थान ३१:३; हितोपदेस २:६

यसैया 33:18

मिनु गेपुकी इन ङोंइती ङा हिंतीके मिम्‍नीनी। हिक्‍ब मुर ते लमा? क्‍येट पोक्‍ब मुर ते लाक्‍ग‍मे? मिनु मेको लाइश्‍शो खिं हिक्‍ब ते बाक्‍मा?

यसैया 54:14

मिनु ठीक पतीकेमी इ कली बोल्‍यो सेल्‍ब। गे श्‍येत गेब आन क्‍येङा ङोन बाक्‍नेवे। मिनु गे काइ महिंनेवे। मारदे हना हिंचा ङा श्‍येत इ नेक्‍था मजाक्‍ब।

इजीकीएल 17:23

गो मेको इस्राएल ङा लाइश्‍शो पहाड मेर ख्रुम्‍नुङ। मिनु मेकोम शुश राशी दाप्‍पाइश्‍शा फल सिप्‍पाइश्‍शा, थम दारशो लेबानोन ङा लाइश्‍शो रवा का दुम्‍ब। मिनु नेल्‍ल खाल ङा चिक्‍ब आ राशीम बाक्‍नीम। मिनु मेकेर ठेयब चिक्‍बपुकीम ग्‍योव़ सेल्‍शा, मेको आ वांकुम बाक्‍नीम। इजीकीएल २०:४०; १सामुएल २:७०८

इजीकीएल 28:3

गे दानीएल क्‍येङा यो जोक्‍ब तुइक्‍ब बाक्‍नेवे। मारेइ ख्रुइक्‍तीक लोव़ इ रे मख्रुंइसी‍शो बाक्‍ब। इजीकीएल १४:१४; दानीएल १:१७

दानीएल 1:20

मिनु पिपमी आ माल्‍शो रुप्‍तीके नु तुइक्‍तीके आ पर्बम हिल्‍लो पवानु, आ रागी ङा जादू नु मन्‍तर तन्‍तर पाइब नेल्‍ल आन क्‍येङा मेको ४ जना आन कली १० खेयप शुश जोक्‍ब तुइक्‍ब ताप्‍तु।

दानीएल 2:47

मिनु पिपमी दानीएल कली “थमान, इन परमप्रभु देवी देवता आन परमप्रभु नु पिप आन परमप्रभु बाक्‍ब। मिनु ख्रुइश्‍शो लोव़ तुइक्‍पाइक्‍ब बाक्‍ब। मोपतीके गे एको ख्रुइश्‍शो लोव़ रुप्‍पाइक्‍ने चाप्‍तीनी” देंत। दानीएल ३:२९; यहोसु २:११; भजन संग्रह ८६:८; यसैया ४२:८

दानीएल 2:48

मिनु पिपमी दानीएल आ मान बारपाइक्‍तु। मिनु शुश शोंप गेप्‍तु। मिनु बेबीलोन रागी नेल्‍ल कली हुकुम पाइब नु जोक्‍ब तुइक्‍ब मुर नेल्‍ल आन ठेयब मुर सेल्‍तु।

दानीएल 4:18

मोपा गो पिप, नेबुकदनेसरमी ङोमु का ताता। मुल बेल्‍त-शजर, गे एको ङोमु रे मार रुम्‍सीबा, मेको शेंदी। आं राज्‍यम बाक्‍ब जोक्‍ब तुइक्‍ब नेल्‍लेमी मेको शेंने मचबेम। गे चहिं मेको शेंने चाप्‍नेवे। मारदे हना इ आगाम ठेयब देवता आ सोक्‍त बाक्‍ब” दे माइक्‍ता।

दानीएल 4:5

मिनु गो आं दरवारम बाक्‍ङानु, ङोमु का ताता। मेको तशा, थाम्‍पा हिंती। आं थुंमी मार मार मिम्‍शा, मेको कोंइतीके तशा, ख्रिंख्रि पाता।

दानीएल 4:8

मिनु नेल्‍ल क्‍येङा नोले दानीएल आं ङोंइती जाक्‍त। मेको आ नें आं देवता आ नें खोदेंशो पा बेल्‍त-शजर बाक्‍त। मिनु मेको आ आगाम नेल्‍ल क्‍येङा ठेयब देवता आ सोक्‍त बाक्‍त। मिनु मेको कली गो ङोमु का ताता” दे शोव़ता। दानीएल ५:११,१४

दानीएल 5:11

इन राज्‍यमी ठेयब देवता आन सोक्‍त पाइश्‍शो मुर का बाक्‍ब। इन आफ आ पालामी मेको नु देवी देवता के खोदेंशो पा सोक्‍त आ मिम्‍शो रुप्‍तीके तुइक्‍तीके नु जोक्‍ब तुइक्‍ब थुं बाक्‍त। मोपतीके इन आफ पिप नेबुकदनेसर मी मेको कली जादू, मन्‍तर तन्‍तर पाइब, सोरुल कोव़ब कल्‍दी नु चिन्‍ड आ अर्थ जोक्‍ब आन ठेयब मुर सेल्‍शो बाक्‍त। दानीएल ४:५; दानीएल २:४८

१ सामुएल 4:8

आबी, मुल गो बेक्‍नय। मो देंशो ङोंइती गेनायो मदुम्‍शो बाक्‍त” देंमा बाक्‍त। “आबी, सुम आंइ कली मेको शुश सक्ति पाइश्‍शो परमप्रभु रे प्रोंइबा? मेकोम इजीप्‍ती आन कली श्‍येत गेशा गोरशो रागीम बेक्‍तीक रोइ पपाइश्‍शा साइश्‍शो बाक्‍त।