दानीएल 4:21 - Sunuwar Bible

²¹ मेको आ सफा थम दारशो बाक्‍तेक्‍म। मेको रवाम शुश फल सिश्‍शो बाक्‍त। मिनु मेको रे नेल्‍लेमी जाइबाक्‍तेक्‍म। मिनु जन्‍तुपुकी मेको रवा आ पुंमी बाक्‍बाक्‍तेक्‍म। मिनु चिक्‍ब आ राशीम बास बाक्‍बाक्‍तेक्‍म।

दानीएल 4:21 ပူးပေါင်းရင်းမြစ်များ

भजन संग्रह 104:17

मेकेर चिक्‍बमी आन ग्‍योव़ सेल्‍नीम। मिनु ठेयब बुश चिक्‍बपुकीमी स‍ला रवाम आन ग्‍योव़ सेल्‍नीम।

इजीकीएल 17:23

गो मेको इस्राएल ङा लाइश्‍शो पहाड मेर ख्रुम्‍नुङ। मिनु मेकोम शुश राशी दाप्‍पाइश्‍शा फल सिप्‍पाइश्‍शा, थम दारशो लेबानोन ङा लाइश्‍शो रवा का दुम्‍ब। मिनु नेल्‍ल खाल ङा चिक्‍ब आ राशीम बाक्‍नीम। मिनु मेकेर ठेयब चिक्‍बपुकीम ग्‍योव़ सेल्‍शा, मेको आ वांकुम बाक्‍नीम। इजीकीएल २०:४०; १सामुएल २:७०८

इजीकीएल 31:6

सरीङ ङा चिक्‍बपुकीम मेको आ राशीम आन ग्‍योव़ सेल्‍तेक्‍म। मेको आ राशी आगाम ब्‍वाकी ङा जन्‍तु नेल्‍लेम आन चाइक्‍ब जरमेम्‍तेक्‍म। मिनु मेको आ वांकु आगाम रागी रागी ङा मुर जाक्‍शा बाक्‍तेक्‍म।

दानीएल 2:38

मिनु मेकोमी तेइ तेइ बाक्‍ब मुर, ब्‍वाकी ङा जन्‍तु नु सरीङम बेरब चिक्‍ब नेल्‍ल आन कली इन कली गेशो बाक्‍ब। मिनु गे मेको नेल्‍ल आन कली सासन पाइनीनी। गे मेको मूर्ति आ सुन के पिया बाक्‍नीनी। येरमीया २७:६; येरमीया २८:१४

दानीएल 4:11

मिनु मेको रवा थम लाइश्‍शो बाक्‍त। मेको रवा ठेयब नु बोल्‍यो दुम्‍त। आ ङरीमी सरीङ थिप्‍तु। मिनु मेको रवा रागी रागी रे तांइसीबाक्‍त।

दानीएल 4:20

इन ङोमुम तशो रवा ठेयब नु बोल्‍यो दुम्‍शा, आ ङरीमी सरीङ थिप्‍तु। मिनु मेको रवा कली रागी रागी रे तांइसीबाक्‍त। इजीकीएल ३१:३-१४

दानीएल 4:22

हजुर, पिप, गे मेको रवा बाक्‍नीनी। गे ठेयब नु सक्ति पाइश्‍शो दुम्‍तीनी। इन सक्ति बारशा, सरीङ सम्‍म जाक्‍दीश्‍शो बाक्‍त। मिनु इन अधिकार बारशा, रागी नेल्‍ल आन कली हुकुम पाइतीनी।

लूका 13:19

मुर कामी आ रूमी तोरी शोक्‍गा बाक्‍त। मिनु वाशा ठेयब रवा दुम्‍माक्‍त। मेको रवाम चिक्‍बपुकीमी ग्‍योव़ सेल्‍मे बाक्‍त।