दानीएल 4:12 - Sunuwar Bible

¹² मेको आ सफा थम दारशो बाक्‍तेक्‍म। मिनु मेको रवाम शुश फल सिश्‍शो बाक्‍त। मिनु मेको रे नेल्‍लेमी जाइबाक्‍तेक्‍म। मिनु जन्‍तु मेको रवा आ पुंमी बाक्‍बाक्‍तेक्‍म। मिनु चिक्‍ब आ राशीम ग्‍योव़ सेल्‍‍बाक्‍तेक्‍म। मिनु ब्रोंइ‍शा बाक्‍ब नेल्‍लेमी मेकेर रे जचा ताइबाक्‍तेक्‍म।

दानीएल 4:12 ပူးပေါင်းရင်းမြစ်များ

अय्‍युब 12:24

रागी ङा हुकुम पाइब आन कली मरुप्‍ब सेल्‍‍ब। मिनु नोले मेको आन कली लां मबाक्‍शो गोरशो रागीम एर ओंथ हिरपाइक्‍ब।

अय्‍युब 14:7

रवा कली आस बाक्‍ब। तिम्‍शो नोले यो कोच्‍वा दाप्‍ब। मिनु वाना वान बाक्‍नीम।

अय्‍युब 14:9

लेंशा इच्‍का ब्‍वाक्‍कु तवानु, वाब। मिनु ठेयब रवा खोदेंशो पा राशी दाप्‍ब।

बिलाप 4:20

मेकोपुकीमी परमप्रभु यावे आ तेल लुक्‍शो, आंइ कली ब्रोंइचा गेब कली ग्‍याइक्‍ताक्‍म। मेको आ पर्बम गोपुकीमी “मेको आ वांकुम रागी रागी ङा मुर आन दातेम बाक्‍नीकी” दे मिम्‍शो नकी।

इजीकीएल 17:23

गो मेको इस्राएल ङा लाइश्‍शो पहाड मेर ख्रुम्‍नुङ। मिनु मेकोम शुश राशी दाप्‍पाइश्‍शा फल सिप्‍पाइश्‍शा, थम दारशो लेबानोन ङा लाइश्‍शो रवा का दुम्‍ब। मिनु नेल्‍ल खाल ङा चिक्‍ब आ राशीम बाक्‍नीम। मिनु मेकेर ठेयब चिक्‍बपुकीम ग्‍योव़ सेल्‍शा, मेको आ वांकुम बाक्‍नीम। इजीकीएल २०:४०; १सामुएल २:७०८

इजीकीएल 31:17

मेको तरवारम साइक्‍चा पुंइसीशो नु मेको रागी कली वारच पा अर्को रागी ङा मुर आ वांकुम बाक्‍ब नेल्‍ल बेक्‍शो मुर आन बाक्‍तीक लाम्‍तेक्‍म।

दानीएल 4:14

मेकोमी ठेयब शेंदा पा “एको रवा कली तिमीन। आ राशी नेल्‍ल क्‍योरीन, आ सफा हेमीन। मिनु आ फल फ्रशा गेने। मिनु जन्‍तु आन कली आ पुं रे प्रोक्‍पतीन। मिनु चिक्‍ब आन कली मेको आ राशी रे खेरीन।

मत्ती 13:32

वांचेर नेल्‍ल क्‍येङा आइक्‍च गेडा तोरी गेडा बाक्‍माक्‍त हना यो, वाशा ठेयब रवा दुम्‍माक्‍त। मेको रवामी चिक्‍बीम ग्‍योव़ सेल्‍शा बाक्‍मा बाक्‍त” दे अर्को कथा का शेंताक्‍मी।

मर्कूस 13:32

मोदेंशो गेना दुम्‍ब, दे सुइमी मतुइक्‍नीम। परमप्रभु यावे आ स्‍वर्ग ङा गेय पाइबपुकीमी यो मतुइक्‍नीम। तौमी लायो मतुइक्‍ब। आं आफोमी ला तुइक्‍ब।

मर्कूस 4:32

तोरी गेडा वाशा, शुश राशी पाइश्‍शा गिग घांस आन क्‍येङा ठेयब रवा दुम्‍ब। मेको रवामी चिक्‍बीमी ग्‍योव़ सेल्‍शा, फाम्‍सीशा बाक्‍ने चाप्‍नीम। परमप्रभु यावे आ राज्‍य मेको खोदेंशोन बाक्‍ब” दे शेंदीमी बाक्‍त।

लूका 13:19

मुर कामी आ रूमी तोरी शोक्‍गा बाक्‍त। मिनु वाशा ठेयब रवा दुम्‍माक्‍त। मेको रवाम चिक्‍बपुकीमी ग्‍योव़ सेल्‍मे बाक्‍त।