दानीएल 3:6 - Sunuwar Bible6 मिनु सु सुमी मोदेंशो मपाइनीमी, मेको ठेयब मी ब्रतीकेमी हुम्चा पुंइसीनीम” दे ठेयब सेंदामी तुइक्पाइश्शा देंत। အခန်းကိုကြည့်ပါ။ |
दानीएल 3:6
20 ပူးပေါင်းရင်းမြစ်များ
मेको आन कली बाप्शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्ब नु आ अरेशो मटीब मुर आन आल, चच, युइ नु युइ आन युइ आन पाला सम्म यो सजाइ गेब परमप्रभु नङ। प्रस्थान ३४:१४; ब्यवस्था ४:२४; ब्यवस्था ५:९; ब्यवस्था ६:१५; अय्युब २१:१९; येरमीया ३१:२९-३१; इजीकीएल १८:२५
गेपुकीमी मुल ग्रोव़, मुराली, ठेयब नु आइक्च तार पाइश्शो नु मार मार ताप्तीक ताप्शो नेंनीनु, आं सेल्शो मूर्ति आ ङोंइती खुम्की पा बाप्शा, सेउ पाइतीनी हना, मेको इन कली रिम्शो दुम्ब। तन्न खुम्की पा बाप्शा, सेउ मपाइतीनी हना, इन कली ठेयब मी ब्रतीकेमी बो हुम्चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्म?” दे माइक्तीमी। प्रस्थान ५:२; २राजा १८:३५
मोपा परमप्रभुमी मेको कली ठेयब दुम्तीके गेतीके जात जात नु रागी रागी ङा आंम आंम लोव़ पाइब मुर नेल्ल मेको क्येङा हिंशा, ख्रिंख्रि पाम्तेक्म। मिनु मेकोमी सु कली साइक्चा दाक्ता, मेको कली साइक्तु। सु कली ब्रोंइचा गेचा दाक्ता, मेको कली ब्रोंइचा गेप्तु। मिनु मान बारपाइक्चा दाक्शो कली मान बारपाइक्तु। सु कली दिप्चा दाक्ता, मेको कली दिप्तु।
गो इन राज्य ङा ठेयब कोव़ब, आइक्च नु ठेयब हुकुम पाइब, अर्ती गेब नु इन रागी ङा ठेयब मुर नेल्ल नु गारशा, गे पिपमी, कानुन का सेल्चा माल्नीनी। मार कानुन सेल्चा माल्नीनी देंशा हना, मुल ३० नाक्त सम्म इन क्येङा लाक्शा, सुइ मुरपुकीम आंम देवी देवता नु मुर आन कली मारेइ पुंइने मचाप्नीम। इन क्येङा लाक्शा अरु सुइ कली पुंइतेक्म हना, मेको मुर गुप्स वोइक्तीकेमी ताइक्चा पुंइसीब, दे ब्रेक्शा छाप थोक्शा वोतीन।
ကြော်ငြာတွေ