दानीएल 3:27 - Sunuwar Bible

²⁷ मिनु मेको पारसी रागी ङा हुकुम पाइब नेल्‍ल नु पिप कली अर्ती गेब नेल्‍ल बुक्‍शा “मीम एको सां आन कली मारेइ मपव। आन चां यो मग्रोंइश्‍शो बाक्‍त। मिनु आन वा यो मग्रोइक्‍थु, मी आ रिना यो मबाक्‍शो बाक्‍त” देंतेक्‍म। हिब्रू ११:३३-३४

दानीएल 3:27 ပူးပေါင်းရင်းမြစ်များ

१ राजा 13:28

मिनु मेको लमेनु, मेको मुर बेक्‍शा लांम गोल्‍शा बाक्‍शो नु गधा नु गुप्‍स मेको आ नेक्‍था राप्‍शा बाक्‍शो थिदा बाक्‍त। मेको गुप्‍सम मेको बेक्‍शो मुर कली मब्‍वशो बाक्‍माक्‍त। गधा कली यो मसाइश्‍शो बाक्‍माक्‍त।

२ राजा 19:19

मुल परमप्रभु यावे, आंइ परमप्रभु आंइ कली मेको आ गुइ रे प्रोनीन, दे पुंइनुङ। मिनु रागी नेल्‍ल ङा मुरपुकीम परमप्रभु यावे, गे का ला परमप्रभु बाक्‍नीनी, दे तुइक्‍तमेक्‍ल” दे पुना बाक्‍त।

भजन संग्रह 83:18

मेकोपुकीमी इन नें परमप्रभु यावे बाक्‍ब, दे तुइक्‍तमेक्‍ल। गे रागी ङा नेल्‍ल क्‍येङा ठेयब बाक्‍नीनी” दे परमप्रभु कली ठेयब सेल्ता। होसे १२:१६

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 43:2

गे ब्‍वाक्‍कु शोक्‍शा, गाक्‍चा माल्‍ते हना यो, गो गे नु बाक्‍नुङ। खोला शोक्‍साक्‍वे हना यो, मेकोम इ कली मयोल्‍ब। मीम गाक्‍शा लवेनु, मेकोम इ कली मजेप्‍ब। मेको मीम इ कली मदाक्‍ब। प्रस्‍थान १४:२१; भजन संग्रह ६६:१२; दानीएल ३:२५-२७

दानीएल 3:21

मिनु मेकोपुकीमी मेको आन कली आन फेक्‍शो वा नु ताकी सुन्‍दा फ्रेंशा, ठेयब मी ब्रतीकेमी हुम्‍ताक्‍म।

दानीएल 6:23

मिनु पिप थाम्‍पा ग्‍येरसीशा “दानीएल कली गुप्‍स वोइक्‍तीके रे ग्रुंइदीन” दे हुकुम पाप्‍तु। मिनु दानीएल कली कीशा ग्रुंइताक्‍म। मिनु मेको मारेइ मदुम्‍शो बाक्‍त। मारदे हना मेकोमी आ परमप्रभु कली थमा सुइश्‍शो बाक्‍त।

दानीएल 6:7

गो इन राज्‍य ङा ठेयब कोव़ब, आइक्‍च नु ठेयब हुकुम पाइब, अर्ती गेब नु इन रागी ङा ठेयब मुर नेल्‍ल नु गारशा, गे पिपमी, कानुन का सेल्‍चा माल्‍नीनी। मार कानुन सेल्‍चा माल्‍नीनी देंशा हना, मुल ३० नाक्‍त सम्‍म इन क्‍येङा लाक्‍शा, सुइ मुरपुकीम आंम देवी देवता नु मुर आन कली मारेइ पुंइने मचाप्‍नीम। इन क्‍येङा लाक्‍शा अरु सुइ कली पुंइतेक्‍म हना, मेको मुर गुप्‍स वोइक्‍तीकेमी ताइक्‍चा पुंइसीब, दे ब्रेक्‍शा छाप थोक्‍शा वोतीन।

मत्ती 10:30

इन पिया ङा चां का का पा हिक्‍शा, गिश बाक्‍मा, दे तुइश्‍शो बाक्‍ब। अस्‍सारीयोन का आइक्‍च तांबा के क्‍येट बाक्‍त। प्रेरित २७:३४

प्रेरित 26:26

अग्रीप्‍पा सरकारमी आं देंशो लोव़ नेल्‍ल रुप्‍शो बाक्‍ब, दे तुइक्‍ताक्‍ङ। मोपतीके आं ग्राकी लोक्‍शा लोव़ पाता। सरकारमी ख्रीस्‍त आ पर्बम ब्रशो शुश लोव़ नेंशा रुप्‍शो बाक्‍माक्‍त। ख्रीस्‍त आ पर्बम दुम्‍शो चहिं का निक्‍शीमी ला तुइश्‍शो मनमी। शुशेमी तुइश्‍शो बाक्‍नीमी। यूहन्‍ना १८:२०

प्रेरित 27:34

मोपतीके मुल इच्‍ची खोइ जय। मिनु बोल ताइनय। महिनीन। मारदे हना सुइ के चां का यो महेम्‍ब” दे नेल्‍ल आंइ थुं बारपाइक्‍तु। मत्ती १०:३०

हिब्रू 11:34

मीम हुम्‍चा पुंइसीशा यो मबेक्‍मा बाक्‍त। तरवारमी क्‍योरचामेनु यो ब्रोंइमा बाक्‍त। मारेइ पने मचाप्‍ब बाक्‍मा बाक्‍त हना यो, पने चाप्‍ब दुम्‍मा बाक्‍त। लडाइ पामेनु यो ठेयब थुं पाइश्‍शो दुम्‍शा, आन जोरी सत्रु आन कली फ्रुशा खेरमे बाक्‍त।