दानीएल 3:18 - Sunuwar Bible

¹⁸ तन्‍न आंइ कली मप्रोंइतु हना यो, हजुर, इन कली एको लोव़ तुइक्‍पाइक्‍चा दाक्‍नीकी ‘गोपुकी इन देवी देवता आन कली सेउ मपाइनीकी। मिनु इन राप्‍पाइश्‍शो सुन के मूर्ति आ ङोंइती खुम्‍की पा मबाप्‍नीकी’ देंतेक्‍म” दे पिप कली माइक्‍तेक्‍म। प्रस्‍थान २०:३-५

दानीएल 3:18 ပူးပေါင်းရင်းမြစ်များ

१ राजा 19:14

मिनु मेकोमी “परमप्रभु यावे, मुर नेल्‍ल आन परमप्रभु गो इन पर्बम शुश गेय पाता। इस्राएलीमी इन कबल प्रोंइतेक्‍म। इन कली चढ़ेतीक प्रेत्‍तेक्‍म। मिनु इन लोव़ पाइब आन कली तरवारम क्‍योरशा साइक्‍तेक्‍म। गो आं का ला लीशो बाक्‍नुङ। मिनु मुल मेकोपुकीमी आं कली यो साइक्‍चा माल्‍शो बाक्‍नीम” देंमाक्‍त।

१ राजा 19:18

मो हना यो, गो ७ हजार जना आन कली इस्राएलम प्रोंइशा वोइक्‍नुङमी। मेकोपुकीमी बाल आ ङोंइती आन पोक्‍च मथेक्‍शो बाक्‍नीम। मिनु मेकोपुकीम बाल कली पुक्‍पु मपाइश्‍शो बाक्‍नीम” देंमाक्‍त। रोमी ११:४

अय्‍युब 13:15

मेकोम आं कली साइक्‍ब। गो आस मपाइनुङ। तन्‍न मुल गो आं लोव़ मेको आ ङोंइती वोइक्‍नुङ।

हितोपदेस 28:1

परमप्रभु यावे आ अरेशो मटीब सुइम खेदा मपथु यो प्रोक्‍नीम। ठीक पाइबपुकी गुप्‍स खोदेंशो पा महिंथु बाक्‍नीम। यसैया ५७:२१

दानीएल 3:28

मिनु नेबुकदनेसरमी “शद्रक, मेशक नु अबेद-नेगो आन परमप्रभु नेल्‍ल क्‍येङा ठेयब बाक्‍ब। मेकोमी आ स्‍वर्ग ङा गेय पाइब सोइश्‍शा, आ कली थमा सुइक्‍ब आन कली प्रोंइतु। मारदे हना मेकोपुकीमी पिप, आं देंशो मबित्‍थु, साइक्‍चा पुंइसीब दुम्‍शा यो, आंम परमप्रभु कली ङा लाक्‍शा, अर्को तेकोइ देवी देवता आन ङोंइती बाप्‍शा सेउ मपामे। दानीएल ६:२३

लेवी 19:4

गे मूर्ति कली पूजा मपने। मिनु गे आंम कली मूर्ति मसेलीन। गो परमप्रभु यावे, इन परमप्रभु नङ। प्रस्‍थान २०:३; प्रस्‍थान ३४:१७

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

मत्ती 10:39

आंम कली प्रोंइचा दाक्‍ब जाम्‍शा लाइब। आं पर्बम जाम्‍शा लाइब चहिं ब्रोंइचा ताइब। लूका ९:२४; यूहन्‍ना १३:२०; गलाती ४:१४

मत्ती 16:2

मिनु येसुमी मेको आन कली “नां पेरचावानु ‘दीसा हाक्‍ब। मारदे हना सरीङ लल जिशो बाक्‍ब’ देंनीनी।

प्रेरित 4:19

मिनु पत्रुस नु यूहन्‍नामी “परमप्रभु यावे आ देंशो टिचा देय इन देंशो टिचा? एको निक्‍शीमी परमप्रभु यावेमी तेको पचा देंबा, दे आंमा मिम्‍तीने। प्रेरित ५:२८-२९

हिब्रू 11:25

पापीपुकी नु काथा बाक्‍शा, सुख जचा क्‍येङा परमप्रभु यावे आ मुर नु बाक्‍शा, श्‍येत जशा बाक्‍चा योव़तु।

यहोसु 24:15

तन्‍न परमप्रभु यावे आ नें ठेयब सेल्‍चा मदाक्‍नीनी हना, सु कली ठेयब सेल्‍नीनी? मुलाक्‍ती योव़ङीन। गे इन किकी पिपीमी खोला आइक्‍ची हांबुम पूजा पशो देवी देवता आन कली ठेयब सेल्‍नीनी देय मुल बाक्‍शो एमोरी आन रागी ङा देवी देवता आन कली ठेयब सेल्‍नीनी? योव़ङीन। तन्‍न गो नु आ खिं ङा मुरुमी परमप्रभु यावे कली ला ठेयब सेल्‍नीकी” देंत। ब्‍यवस्‍था ६:१३-१४

प्रकाश 12:11

मिनु थमा सुइक्‍बपुकीमी सैतान कली ग्राशो बाक्‍तेक्‍म। दोपा सैतान कली ग्राशो बाक्‍तेक्‍म देंशा हना, पाठा आ हुश चढ़ेशोमी नु आन सांकछी आन पतीके सैतान कली ग्राशो बाक्‍तेक्‍म। मेकोपुकीमी आंम कली ममिम्‍थु, येसु ख्रीस्‍त आ पर्बम साइक्‍चा पुंइसीचा यो महिंम। प्रकाश ७:१४; प्रकाश ६:९