दानीएल 3:15 - Sunuwar Bible

¹⁵ गेपुकीमी मुल ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, आं सेल्‍शो मूर्ति आ ङोंइती खुम्‍की पा बाप्‍शा, सेउ पाइतीनी हना, मेको इन कली रिम्‍शो दुम्‍ब। तन्‍न खुम्‍की पा बाप्‍शा, सेउ मपाइतीनी हना, इन कली ठेयब मी ब्रतीकेमी बो हुम्‍चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्‍म?” दे माइक्‍तीमी। प्रस्‍थान ५:२; २राजा १८:३५

दानीएल 3:15 ပူးပေါင်းရင်းမြစ်များ

२ राजा 18:35

मार, मेको रागी ङा देवी देवता आन दाते ङा तेकोइमी आ रागी कली आं गुइ रे प्रोंइने चबा ङा? मिनु परमप्रभु यावेमी यरूसलेम कली आं गुइ रे दोपा प्रोंइने चाप्‍बा ङा?’ ” दे इस्राएली आन कली देंमाक्‍त। दानीएल ३:१५

प्रस्‍थान 32:32

मो हना यो गे मेको आन पाप क्‍याम्‍दीन, दे पुंइनुङ। मक्‍याम्‍ताक्‍नी हना, इन ब्रेक्‍शो किताब रे आं नें क्‍याम्‍दीने” दें‍त। भजन संग्रह ६९:२९; लूका १०:२०; रोमी ९:३

प्रस्‍थान 5:2

मिनु फाराओमी “परमप्रभु यावे सु बाक्‍म, गो मतुइक्‍नुङ। मार, आ देंशो लोव़ टिचा माल्‍नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्‍नुङ। मोपतीके इस्राएल ङा मुर, इन कली लचा मगेनन्‍नी” दें‍त।

यसैया 37:23

गे सु कली शुक्‍शी पवी? सु आ पर्बम गे ठेयब लेश्‍शो लोव़ पवी? गे इस्राएली आन का ला बाक्‍शो परमप्रभु आ ङोंइती ठेयब लेश्‍शो दुमे?

दानीएल 2:47

मिनु पिपमी दानीएल कली “थमान, इन परमप्रभु देवी देवता आन परमप्रभु नु पिप आन परमप्रभु बाक्‍ब। मिनु ख्रुइश्‍शो लोव़ तुइक्‍पाइक्‍ब बाक्‍ब। मोपतीके गे एको ख्रुइश्‍शो लोव़ रुप्‍पाइक्‍ने चाप्‍तीनी” देंत। दानीएल ३:२९; यहोसु २:११; भजन संग्रह ८६:८; यसैया ४२:८

दानीएल 2:9

गेपुकीमी आं कली आं तशो ङोमु शोव़ने मचाप्‍तीनी हना, गे साइक्‍चा पुंइसीनीनी। गे आं कली जोल पा, शेंखु पतीक आ पर्बम गारशो बाक्‍नीनी। मोपतीके आं कली आं तशो ङोमु मशोव़तीनी हना, आ अर्थ मार बाक्‍बा, दे शेंने मचाप्‍नीनी, दे तुइक्‍नुङ” दे माइक्‍तीमी।

दानीएल 3:17

गो आंइ परमप्रभु कली ठेयब सेल्‍नीकी। मेकोमी आंइ कली मेको ठेयब मी ब्रतीके रे प्रोंइने चाप्‍बा कों, मचाप्‍बा। तन्‍न इन गुइ रे प्रोनल। ब्‍यवस्‍था ४:२०; भजन संग्रह ६६:१२

दानीएल 6:16

मिनु नोले पिपमी “दानीएल कली चाक्‍कीन। मिनु गुप्‍स आन कली वोइक्‍तीकेमी तोक्‍कीन” दे हुकुम पाप्‍तु। मिनु मेकोपुकीम दानीएल कली गुप्‍स आन बाक्‍तीकेम तोक्‍तेक्‍म। मिनु पिपमी दानीएल कली “इ मप्रोंइथु, ठेयब सेल्‍शो परमप्रभुमी इ कली प्रोनल” देंत। दानीएल ३:१५

दानीएल 6:20

मिनु गुप्‍स आन बाक्‍तीके आ नेक्‍था जाक्‍दीश्‍शा, शुश हिंशा दानीएल कली “दानीएल, ब्रोंइशा बाक्‍ब परमप्रभु आ गेय पाइब, इ गेना हना यो ठेयब सेल्‍ना सेल्‍न बाक्‍शो परमप्रभुमी इ कली गुप्‍स रे प्रोना?” दे हिल्‍लो पा ब्रेत्‍ताक्‍व। दानीएल ३:१७

मत्ती 10:19

इन कली मोपा राप्‍पदमेनु, मार लोव़ पका? मार देंका? दे सुर्ता मपने। मार देंचा माल्‍बा, मेको लोव़ तुइक्‍पाइक्‍चा पुंइसीनीनी। प्रस्‍थान ४:१२; लूका १२:११-१२; प्रेरित ४:८

मत्ती 27:43

परमप्रभु यावे कली थमा सुइक्‍बाक्‍माक्‍त। मोपतीके परमप्रभु यावेमी एको कली दाक्‍ताक्‍व हना, एको श्‍येत रे प्रोनल। ‘परमप्रभु यावे आ तौ नङ’ देंत, मोपतीके परमप्रभु यावे आ दाक्‍शो बाक्‍माक्‍त” दे शुक्‍शी पामे बाक्‍त। भजन संग्रह २२:९

मर्कूस 13:11

मिनु इन कली ठेयब मुर आन ङोंइती राप्‍पदमेनु, मार लोव़ पय, मार देंय? दे हिंशा, मिम्‍स ङा मिम्‍स मबाक्‍कीन। इन कली दोदेंशो लोव़ पचा गेशो बाक्‍मे, मोदेंशो लोव़ पने। मारदे हना गे लोव़ मपाइनीनी, परमप्रभु यावे आ सोक्‍तीम इन कली लोव़ पपाइक्‍ब।

लूका 12:11

इन कली आन ग्रुम्‍तीक खिं ङा ठेयब मुर नु हुकुम पाइब आन ङोंइती लाइश्‍शा राप्‍पदमेनु ‘मुल मार देंचा, मार लोव़ लेत्‍चा’ दे सुर्ता मपने।

लूका 13:9

मिनु सित्‍त हना, बाक्‍ल। मसित्‍त हना, तिम्‍शा ताइक्‍चा’ देंमाक्‍त” दे शेंदीमी बाक्‍त। लूका ३:९

प्रेरित 4:19

मिनु पत्रुस नु यूहन्‍नामी “परमप्रभु यावे आ देंशो टिचा देय इन देंशो टिचा? एको निक्‍शीमी परमप्रभु यावेमी तेको पचा देंबा, दे आंमा मिम्‍तीने। प्रेरित ५:२८-२९

प्रेरित 5:29

मिनु पत्रुस नु येसु आ सोइश्‍शो नेल्‍लेमी “गोपुकीमी मुर आन लोव़ क्‍येङा परमप्रभु यावे आ लोव़ टिचा, दे थुं फ्रेंताक्‍क। प्रेरित ४:१९; दानीएल ३:१७-१८

प्रेरित 6:15

कछडीम बाक्‍बपुकीमी स्‍तीफानस गे कोव़ङमेनु, आ कुल परमप्रभु यावे आ स्‍वर्ग ङा गेय पाइब आन कुल खोदेंशो पा महिंथु बाक्‍शो तामे बाक्‍त। मिनु कोव़स ङा कोव़स दुम्‍मा बाक्‍त।