दानीएल 3:10 - Sunuwar Bible

¹⁰ हजुर, गे ङोंइती ‘सुइ सुइमी ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, सुन के मूर्ति आ ङोंइती खुम्‍की पा बाप्‍शा, सेउ पचा माल्‍नीम। दानीएल ६:१३

दानीएल 3:10 ပူးပေါင်းရင်းမြစ်များ

१ इतिहास 15:16

मिनु दाऊदम लेवी आन ठेयब मुर आन कली “इन खिं खिं ङा मुर कुम्‍सो पाइब योव़शा, वोइक्‍चा माल्‍नीनी। मेकोपुकी तार पाइश्‍शो ताप्‍तीके, बीना नु बुप्‍केल ताप्‍शा, ग्‍येरशा ठेयब सेंदा पा कुम्‍सो पचा माल्‍नीम” दे अरेमी बाक्‍त।

१ इतिहास 15:28

मोपा इस्राएली नेल्‍लेमी ठेयब रेयके पा नु ग्रोव़, तुराही, बुप्‍केल, तार पाइश्‍शो ताप्‍तीके नु बीना ताप्‍शा परमप्रभु यावे आ कबल पशो सन्‍दोस कुइश्‍शा कु‍मा बाक्‍त।

२ इतिहास 29:25

मिनु पिपम लेवी आन कली परमप्रभु यावे आ खिंम बुप्‍केल नु ठेयब नु आइक्‍च तार पाइश्‍शो ताप्‍तीके ताप्‍चा कली ठीक दुम्‍पाइक्‍मी बाक्‍त। मारदे हना ङोंइती दाऊदम, परमप्रभु यावे आ लोव़ ताइब, गाद नु नाथान रे पा मोदेंशो शेंशो बाक्‍माक्‍त। १इतिहास २५:१

भजन संग्रह 94:20

मार, इन अरेशो मटीब हुकुम पाइबपुकी गे नु गारनीमी ङा? मेकोपुकीमी इन फुल्‍लुम मुशा ब्रेक्‍शो लोव़ दूली सेल्‍शो बाक्‍नीमी।

प्रस्‍थान 1:16

मिनु फाराओमी “गे निक्‍शी हिब्रू मीश मुर आन कली आल थिची ना वारच पाइनीसी। तौ थिम्‍तेक्‍म हना, सतीसे। तमी बाक्‍त हना, मसतीसे” दे माइक्‍सी बाक्‍त।

प्रस्‍थान 1:22

मिनु पिप फाराओमी आ मुर आन कली “हिब्रूपुकीमी दोशो तौ थीमे, मेको नेल्‍ल नील खोलाम लाइश्‍शा ताइक्‍तीन। आन तमी आन कली चहिं ब्रोंइचा गेने” दे हुकुम पवा बाक्‍त।

उपदेसक 3:16

मिनु गो रागीम अर्को का यो ताता। मार ताता देंशा हना, ठीक निसाफ पतीक आ पा ङा काइ मरिम्‍शो पतीक बाक्‍बाक्‍त। ठीक पतीक आ पा ङा जोल पतीक बाक्‍बाक्‍त।

यसैया 10:1

आबी, सु सुमी ठीक मदुम्‍शो ऐन कानुन सेल्‍नीमी, मुर आन कली दिप्‍चा ङा अरेशो लोव़ ब्रेक्‍नीमी, यसैया ५:८-२३

दानीएल 3:11

मिनु सु सुमी खुम्‍की पा सेउ मपाइनीमी, मेको ठेयब मी ब्रतीकेमी हुम्‍चा पुंइसीनीम’ दे हुकुम पाइतीनी।

दानीएल 3:15

गेपुकीमी मुल ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, आं सेल्‍शो मूर्ति आ ङोंइती खुम्‍की पा बाप्‍शा, सेउ पाइतीनी हना, मेको इन कली रिम्‍शो दुम्‍ब। तन्‍न खुम्‍की पा बाप्‍शा, सेउ मपाइतीनी हना, इन कली ठेयब मी ब्रतीकेमी बो हुम्‍चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्‍म?” दे माइक्‍तीमी। प्रस्‍थान ५:२; २राजा १८:३५

दानीएल 6:12

मिनु नोले मेकोपुकी पिप आ दरवार लशा, मेको ब्रेक्‍शो कानुन आ पर्बम “हजुर पिप, गे ३० नाक्‍त सम्‍म सुइमी इन क्‍येङा लाक्‍शा, अरु देवी देवता नु मुर आन कली मारेइ यो मपुंइचा, मो पाम्‍तेक्‍म हना, मेको आन कली गुप्‍स वोइक्‍तीकेमी पिक्‍चा, दे कानुन सेल्‍नी ममाइ?” देंतेक्‍म। मिनु पिपमी “एको लोव़ थमा बाक्‍ब। मादी नु पारसी आन कानुन गेनायो मफांइसीब” दे लोव़ पाप्‍तु। दानीएल ३:१०

आमोस 6:5

मेकोपुकीम हें‍थे कुम्‍सो पा तार पाइश्‍शो ठेयब ताप्‍तीक ताप्‍नीमी। मिनु ‘गो दाऊद खोदेंशो पा ताप्‍तीक सेल्‍नुङ’ दे मिम्‍नीम। यसैया ५:१२

यूहन्‍ना 11:57

मिनु ठेयब चढ़ेब नु फरिसीपुकीमी “सुमी येसु ते बाक्‍बा, दे तुइक्‍ता, मेकोमी आंइ कली यो तुइक्‍पदल” दे मुर आन कली देंशो बाक्‍मा बाक्‍त। मोपा येसु कली ग्‍याइक्‍चा माल्‍मे बाक्‍त।