दानीएल 2:9 - Sunuwar Bible

⁹ गेपुकीमी आं कली आं तशो ङोमु शोव़ने मचाप्‍तीनी हना, गे साइक्‍चा पुंइसीनीनी। गे आं कली जोल पा, शेंखु पतीक आ पर्बम गारशो बाक्‍नीनी। मोपतीके आं कली आं तशो ङोमु मशोव़तीनी हना, आ अर्थ मार बाक्‍बा, दे शेंने मचाप्‍नीनी, दे तुइक्‍नुङ” दे माइक्‍तीमी।

दानीएल 2:9 ပူးပေါင်းရင်းမြစ်များ

१ राजा 22:22

मिनु परमप्रभु यावेमी मेको कली ‘दोपा?’ दे हिल्‍लो पाप्‍तु। मिनु मेकोमी ‘गो लशा मेको आ नोले दुम्‍ब लोव़ पाइब नेल्‍ल आन शोव़मी जोल पाइब सोक्‍त का दुम्‍नुङ’ दें‍त। मिनु परमप्रभु यावेम मेको कली ‘गे थमा पा मेको कली क्‍युक्‍ने चाप्‍नेवे। गे लावो। मिनु इ देंशो पावो’ दें‍त। १यूहन्‍ना ४:६

१ राजा 22:6

मोपतीके इस्राएल ङा पिपम ४ सहे जना खोइ परमप्रभु यावे आ लोव़ पाइब आन कली पुक्‍शा, मेको आन कली “गो रामोथ-गिलाद कली लडाइ तोङ देय मतोङ” दे हिल्‍लो पामी बाक्‍त। मिनु मेकोपुकीमी “तोन, परमप्रभु यावेम मेको इन गुइमी गेब” देंमा बाक्‍त।

एस्‍तर 4:11

“पिप आ गेय पाइब नु रागी ङा मुर नेल्‍ल पिपमी मब्रेत्‍थु, वोंइश मुर नु मीश मुर सुइ पिप आ ङोंइती लाम्‍तेक्‍म हना, साइक्‍चा पुंइसीनीम। मेको ऐन कानुनम ब्रेक्‍शो बाक्‍ब। तन्‍न पिपमी आ राज दन्‍ड मेको मुर गे दिंशा कोंइताक्‍व हना ला, मेको मुर ब्रोंइचा ताइब। मिनु गो ३० नाक्‍त सम्‍म मब्रेस्‍सीशो बाक्‍नुङ” दे देंचा कली सोइक्‍ताक्‍व। एस्‍तर ५:२; एस्‍तर ८:४

हितोपदेस 12:19

थमा लोव़ पाइब मुर गेना हना यो लीनीम। तन्‍न जोल पाइब मुर याम का ला लीनीम।

यसैया 41:23

नोले मार दुम्‍बा आंइ कली तुइक्‍पतीन। मोपा ला गे गेय पने चाप्‍ब बाक्‍नीनी, दे तुइक्‍नीकी। गे रिम्‍शो पने कि मरिम्‍शो पने। मोपा गो इन कली तशा तुइश्‍शा शुश हिं‍नीकी।

यसैया 44:25

गो जोल पाइब आन नोले दुम्‍ब लोव़ शोर गाक्‍शो सेल्‍नुङ। लिंक्‍यु कोव़ब आन निप्‍स क्‍यातामी। जोक्‍ब तुइक्‍ब आन कली दिप्‍शा, मेको आन जोक्‍तीके तुइक्‍तीके नेल्‍ल मूर्ख सेल्‍ता। यसैया २९:१४

इजीकीएल 13:17

मेकोमी ‘मुल ए मुर, इ मुर आन तमी आन कली हुइक्‍तो। मेकोपुकीम आन थुंम मिम्‍शा लोव़ पाइनीम। गे परमप्रभु यावे आ लोव़ मेको आन कली पावो’ देंत।

इजीकीएल 13:19

मुठी का निक्‍शी क्‍योव़ज, नु टुक्रा का निक्‍शी शोब्‍ले आ पर्बम साइक्‍चा ममाल्‍शो मुर आन कली साइक्‍तीनी। मिनु ब्रोंइचा मगेचा माल्‍शो मुर आन कली ब्रोंइचा गेतीनी। मिनु आं मुर आन कली जोल पा मोदेंशो पाइ‍तीनी’ दे परमप्रभु, परमप्रभु यावेमी मेको आन कली माइक्‍मी” देंत।

इजीकीएल 13:6

मेको आन तशो लोव़ जोल बाक्‍शा, आन लिंक्‍यु कोव़तीक जोल बाक्‍ब। मेकोपुकीम ‘परमप्रभु यावेमी देंशो बाक्‍ब’ देंनीम। तन्‍न मेको परमप्रभु यावेमी सोइश्‍शो मनम। मो हना यो मेकोम आन लोव़ गाप्‍ल, दे आस पाइनीम। इजीकीएल २२:२८; येरमीया ५:३१

दानीएल 2:16

मिनु मेको तुइक्‍ता नोले दानीएल पिप आ बाक्‍तीकेम लशा ‘इच्‍का नाक्‍त रिम्‍दीन। मिनु गो मेको ङोमु नु मेको आ अर्थ इन कली शोव़नन्‍नी’ ” दे पुंइतु।

दानीएल 2:21

गे हिउंद नु बर्खा फाइक्‍ब, पिप आन कली वोइक्‍ब नु तिल्‍ब बाक्‍नीनी। गे जोक्‍ब तुइक्‍ब आन कली तुइक्‍तीक थुं गेनीनी। मिनु रुप्‍ब थुं पाइश्‍शो मुर आन कली जोक्‍तीक थुं गेनीनी। दानीएल ४:१४,२२,२९

दानीएल 2:8

मिनु पिपमी “गो थमा पा तुइक्‍नुङ, गेपुकीमी आं कली क्‍योल्‍नीनी। मारदे हना इन कली साइक्‍तीक हुकुम थमा बाक्‍ब।

दानीएल 3:15

गेपुकीमी मुल ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, आं सेल्‍शो मूर्ति आ ङोंइती खुम्‍की पा बाप्‍शा, सेउ पाइतीनी हना, मेको इन कली रिम्‍शो दुम्‍ब। तन्‍न खुम्‍की पा बाप्‍शा, सेउ मपाइतीनी हना, इन कली ठेयब मी ब्रतीकेमी बो हुम्‍चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्‍म?” दे माइक्‍तीमी। प्रस्‍थान ५:२; २राजा १८:३५

दानीएल 5:28

पेरेस आ अर्थ, इन राज्‍य निक्‍शी दुम्‍शा, मादी नु पारसी आन कली गेशो बाक्‍ब, देंशो रुम्‍सीब। मेको आ अर्थ एको बाक्‍ब” दे दानीएलमी देंत।

दानीएल 5:31

मिनु मादी रागी ङा पिप दारामी राज्‍य ताप्‍तु। मेना पिप दारा ६२ बर्स दुम्‍शो बाक्‍माक्‍त। दानीएल ९:१; यसैया १३:१७

दानीएल 7:25

मिनु मेकोमी नेल्‍ल क्‍येङा ठेयब आ पर्बम मरिम्‍शो लोव़ पा, नेल्‍ल क्‍येङा ठेयब आ मुर आन कली यो खतम सेल्‍ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्‍चा दाक्‍ब। मिनु परमप्रभु आ मुर आन पाला का, पाला निक्‍शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७

२ कोरिन्‍थी 2:17

तन्‍न गो परमप्रभु यावे आ लोव़ ग्‍याप्‍ब लेयब खोदेंशो पा मलेयनीकी। गो ठीक पाइब मुर बाक्‍नीकी। गो परमप्रभु यावे आ सोइश्‍शो, परमप्रभु यावे आ ङोंइती ख्रीस्‍त आ नेंमी शेंनीकी। २कोरिन्‍थी १:१२; २कोरिन्‍थी ४:२; १पत्रुस ४:११