दानीएल 2:47 - Sunuwar Bible47 मिनु पिपमी दानीएल कली “थमान, इन परमप्रभु देवी देवता आन परमप्रभु नु पिप आन परमप्रभु बाक्ब। मिनु ख्रुइश्शो लोव़ तुइक्पाइक्ब बाक्ब। मोपतीके गे एको ख्रुइश्शो लोव़ रुप्पाइक्ने चाप्तीनी” देंत। दानीएल ३:२९; यहोसु २:११; भजन संग्रह ८६:८; यसैया ४२:८ အခန်းကိုကြည့်ပါ။ |
दानीएल 2:47
34 ပူးပေါင်းရင်းမြစ်များ
पिपमी मार दाक्बा, मेको पाइब। मिनु मेकोमी ‘देवी देवता नेल्ल आन क्येङा ठेयब नङ’ देंब। मिनु परमप्रभु नेल्ल आन क्येङा ठेयब परमप्रभु आ पर्बम गेनायो मनेंसीशो मरिम्शो लोव़ पाइब। मेको आ नोले ङा नाक्त मजाक्म सम्म आ माल्शो ताइब। परमप्रभुमी मेको कली सजाइ मगेवा सम्म मोदेंशो दुम्ब। मारदे हना परमप्रभुमी मार पचा मिम्बा, मेको पाइब। २थिस्सलोनिकी २:४; दानीएल ७:८,२५; प्रकाश १३:५-६
गेपुकीमी मुल ग्रोव़, मुराली, ठेयब नु आइक्च तार पाइश्शो नु मार मार ताप्तीक ताप्शो नेंनीनु, आं सेल्शो मूर्ति आ ङोंइती खुम्की पा बाप्शा, सेउ पाइतीनी हना, मेको इन कली रिम्शो दुम्ब। तन्न खुम्की पा बाप्शा, सेउ मपाइतीनी हना, इन कली ठेयब मी ब्रतीकेमी बो हुम्चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्म?” दे माइक्तीमी। प्रस्थान ५:२; २राजा १८:३५
मिनु नेबुकदनेसरमी “शद्रक, मेशक नु अबेद-नेगो आन परमप्रभु नेल्ल क्येङा ठेयब बाक्ब। मेकोमी आ स्वर्ग ङा गेय पाइब सोइश्शा, आ कली थमा सुइक्ब आन कली प्रोंइतु। मारदे हना मेकोपुकीमी पिप, आं देंशो मबित्थु, साइक्चा पुंइसीब दुम्शा यो, आंम परमप्रभु कली ङा लाक्शा, अर्को तेकोइ देवी देवता आन ङोंइती बाप्शा सेउ मपामे। दानीएल ६:२३
मोपतीके गो ‘जात जात ङा, रागी रागी ङा नु आंम आंम लोव़ पाइब मुर नेल्ल, सु सुमी शद्रक, मेशक नु अबेद-नेगो आन परमप्रभु आ पर्बम मरिम्शो लोव़ पा शुक्शी पाइनीमी, मेको आन गुइ खोइल ख्रोइश्शा साइक्चा पुंइसीनीम। मिनु मेको आन खिं यो प्रेश्शा गेचा पुंइसीनीम’ दे हुकुम पाइनुङ। मारदे हना मेको आन परमप्रभु का ला बाक्ब। देवी देवताम मोदेंशो पा प्रोंइने मचाप्नीम” देंत। दानीएल २:४७
गे मुर आन बाक्तीके रे खेरचा पुंइसीनीनी। मिनु गे जन्तुपुकी नु बाक्नीनी। बी ब्यफोमी खोदेंशो पा घांस ब्वाइनीनी। मिनु नाक्दो ङा सीतम जित्नीनी। मिनु ७ बर्स सम्म मोदेंशो दुम्नीनी। नेल्ल क्येङा ठेयब परमप्रभुमी मुर आन राज्यम सासन पाइब। मिनु परमप्रभुमी मेको राज्य आ दाक्शो मुर आ गुइमी गेब, दे इन कली तुइक्पाइक्चा कली मोदेंशो पाप्तु।
गे मुर आन बाक्तीके रे खेरचा पुंइसीनेवे। मिनु गे जन्तुपुकी नु बाक्नेवे। बी ब्यफोमी खोदेंशो पा घांस ब्वाइनेवे। मिनु नाक्दो ङा सीतम जित्नेवे। मिनु ७ बर्स सम्म मोदेंशो दुम्नेवे। नेल्ल क्येङा ठेयब परमप्रभुमी मुर आन राज्य कली सासन पाइब। मिनु परमप्रभुमी मेको राज्य आ दाक्शो मुर आ गुइमी गेब, दे इन कली तुइक्पाइक्चा कली मोदेंशो पाइब” देंत। दानीएल ५:२१
इन राज्यमी ठेयब देवता आन सोक्त पाइश्शो मुर का बाक्ब। इन आफ आ पालामी मेको नु देवी देवता के खोदेंशो पा सोक्त आ मिम्शो रुप्तीके तुइक्तीके नु जोक्ब तुइक्ब थुं बाक्त। मोपतीके इन आफ पिप नेबुकदनेसर मी मेको कली जादू, मन्तर तन्तर पाइब, सोरुल कोव़ब कल्दी नु चिन्ड आ अर्थ जोक्ब आन ठेयब मुर सेल्शो बाक्त। दानीएल ४:५; दानीएल २:४८
मोदेंशो दुम्मेनु, मेकोपुकी पाठा नु लडाइ पाइनीम। मिनु लडाइमी पाठा ग्राब। मारदे पाठा ग्राब देंशा हना, मेको पाठा प्रभु आन प्रभु नु पिप आन पिप बाक्ब। मिनु मेको नु बाक्शोपुकी आ ब्रेश्शो नु योव़शो मुरपुकी बाक्नीमी। मेको नु बाक्बपुकी आ ब्रेश्शो नु योव़शो दीगो पाइब यो बाक्नीमी” दे आं कली देंत। प्रकाश १९:१६; प्रकाश १९:१४
ကြော်ငြာတွေ