दानीएल 2:44 - Sunuwar Bible

⁴⁴ मेको पिप आन पालामी स्‍वर्ग ङा परमप्रभुमी अर्को राज्‍य का सेल्‍ब। मेको राज्‍य गेनायो ब्रोल चिल मदुम्‍ब। मेको राज्‍य ङा मुर खाल का ङा बाक्‍नीम। मेकोमी अरु राज्‍य नेल्‍ल आन कली रोब चिब पा थुम्‍पाइक्‍ब। तन्‍न मेको आ राज्‍य गेना हना यो लीब। दानीएल १४:२७; यसैया ९:६; १कोरिन्‍थी १५:२४; प्रकाश ११:१५

दानीएल 2:44 ပူးပေါင်းရင်းမြစ်များ

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

२ सामुएल 7:13

मिनु मेकोमी आं नेंमी खिं का सेल्‍ब। गो मेको आ राज्‍य गेना हना यो बाक्‍ब सेल्‍नुङ। १राजा ५:१९; १राजा ६:१२; भजन संग्रह ८९:४-५; यसैया ९:६

२ सामुएल 7:16

इ खिं नु इ राज्‍य गेना हना यो आं ङोंइती लीब। इ सासन पतीक गेना हना यो लीब” देंमाक्‍त। भजन संग्रह ७२:-; यसैया ५५:३

भजन संग्रह 145:13

इन राज्‍य गेना हना यो लीब राज्‍य बाक्‍ब। इन सासन पतीके पाला पाला सम्‍म बाक्‍ब। परमप्रभु यावेमी आ देंशो नेल्‍ल पाइब। मिनु आ पशो मारेइ मारेइ शिशीम पाइब।

यसैया 60:12

मिनु तेक तेको रागी नु तेक तेको राज्‍य ङा मुरपुकीमी इ गेय मपाइनीमी, मेकोपुकी खतम दुम्‍नीम। थमा पा क्‍याम्‍चा पुंइसीनीम।

इजीकीएल 37:25

मिनु मेकोपुकी आं गेय पाइब याकूब कली गेशो रागीम बाक्‍नीम। मेकेर आन किकी पिपी बाक्‍शो बाक्‍तेक्‍म। मिनु मेकेर मेको आन आल, चच युइ गेना हना यो बाक्‍नीम। मिनु आं गेय पाइब दाऊद गेना हना यो मेको आन कली सासन पाइब दुम्‍ब। लूका १:३२-३३

दानीएल 2:28

तन्‍न स्‍वर्गमी परमप्रभु का बाक्‍ब। मेकोमी ख्रुइश्‍शो लोव़ कोंइब। मिनु मेकोमी पिप नेबुकदनेसर, इन कली रागी नुप्‍ची ना मार दुम्‍बा, दे कोंइशो बाक्‍ब। मिनु इन इप्‍ची ना तशो ङोमु मार बाक्‍त देंशा हना, उत्‍पत्ती ४१:१६

दानीएल 2:34

गे मेको कली कोव़शा बाक्‍नीनु, फुल्‍लु का यित। तन्‍न मेको फुल्‍लु मुर आन गुइम मख्रोइश्‍शो बाक्‍त। मेकोमी मूर्ति आ फलाम नु खप ब्‍वांइसीशो खोइलीमी ख्राप्‍तु। मिनु मेको मूर्ति कली प्रोल्‍शा, रोब चिब सेल्‍तु

दानीएल 2:35

मिनु मेको फलाम, खप, कांसा, चांदी नु सुन नेल्‍ल ब्रोल चिल दुम्‍तेक्‍म। मिनु फशेमी खला ङा भूस हुरशा लाइश्‍शो खोदेंशो पा मारेइ मवोइक्‍थु, ग्‍यौ फिक्‍शा योल्‍ताक्‍व। मिनु मेको मूर्ति कली ख्रशो फुल्‍लु बारना बारन लशा, ठेयब डांडा दुम्‍शा, रागी नेल्‍ल ब्रीत।

दानीएल 2:37

हजुर, गे पिप आन पिप बाक्‍नीनी। स्‍वर्ग ङा परमप्रभुमी इन कली राज्‍य, सक्ति, अधिकार नु शुश मान गेशो बाक्‍ब। इजीकीएल २६:७

दानीएल 2:43

इन तशो फलाम नु खप ब्‍वांइसीशो खोदेंशो पा मेको राज्‍य ङा मुरपुकी ग्‍युंबे पा ब्‍वांइसीनीम। मिनु फलाम नु खप मगारशो बुद पा मेको राज्‍य यो का दुम्‍शा, लीने मचाप्‍ब।

दानीएल 4:3

मेको आ कोंइशो चिन्‍ड गिश ठेयब बाक्‍नीमी। मिनु आ छक लाक्‍चा ङा गेय गिश सक्ति पाइश्‍शो बाक्‍नीमी। आ राज्‍य गेना हना यो ली‍ब। मिनु आ अधिकार यो गेना हना यो लीब। दानीएल २:४४; दानीएल ४:३१; दानीएल ६:२७; दानीएल ७:१४,२७; भजन संग्रह १४५:१३

दानीएल 4:34

मिनु पिपमी “मेको देंशो नेल्‍ल जाक्‍दीम नोले, गो आं पिया पोक्‍शा सरीङ गे कोव़ता। मिनु आं निप्‍स लेंशा रिम्‍शो दुम्‍त। मिनु गो नेल्‍ल क्‍येङा ठेयब नु गेना हना यो ब्रोंइशा बाक्‍ब परमप्रभु कली ठेयब सेल्‍शा, मान पाता। मेको आ सासन पतीके गेना हना यो लीब। मेको आ राज्‍य पाला पाला सम्‍म लीब। दानीएल ३:३३

दानीएल 6:26

आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।

दानीएल 6:27

मेकोमी आ मुर आन कली प्रोंइशा, श्‍येत रे ग्रुंइने चाप्‍ब। मेको सरीङ नु रागीमी चिन्‍ड नु छक लाक्‍चा ङा गेय पाइब बाक्‍ब। मेकोमी दानीएल कली गुप्‍स आन सक्ति रे प्रोंइतु” दे हुकुम पा ब्रेक्‍ताक्‍व।

दानीएल 7:27

मिनु राज्‍य, सासन पतीक अधिकार नु राज्‍य नेल्‍ल आन ठेयब दुम्‍तीके नेल्‍ल क्‍येङा ठेयब आ मुर आन कली गेचा पुंइसीनीम। मेको आन राज्‍य गेना हना यो लीब राज्‍य दुम्‍ब। मिनु सक्ति पाइश्‍शो नेल्‍लेमी मेको आ गेय पा, मेको कली टीनीम” देंत।

दानीएल 8:25

मेको आ निप्‍समी मुरुम मतुइक्‍चा ङा पा जोल पतीकेमी ग्राब। मिनु आंम थुंमी ‘गो नेल्‍ल क्‍येङा ठेयब नङ’ दे मिम्‍शा, शुश मुर आन कली साइक्‍ब। मिनु मेकोमी पिप आन पिप कली यो मरिम्‍शो पा बोक्‍ब। मिनु मेको खतम सेल्‍‍चा पुंइसीब। तन्‍न मुर आन गुइ रे ममाइ।

मीका 4:7

मिनु खोइल मदुक्‍ब आन कली लीशो मुर आन दातेम वोइक्‍नुङ। खेरचा पुंइसीशो आन कली बोल्‍यो रागी ङा मुर सेल्‍नुङमी। मिनु परमप्रभु यावेमी मेको आन कली सियोन डांडा रे गेना हना यो कली सासन पाइब।

हाग्‍गै 2:22

गो पिप आन राज्‍य खतम पोक्‍नुङ। गो रागी रागी ङा राज्‍य थुम्‍पाइक्‍चा चिक्‍शो बाक्‍नुङ। गो बग्‍गी नु बग्‍गी ङोइक्‍ब आन कली थिप्‍पाइक्‍नुङमी। शारा नु शारा ङोइक्‍बपुकी आंम लोक्‍ब आन तरवारम क्‍योरचा पुंइसीनीम’ देनो” देंत।

हाग्‍गै 2:7

गो रागी रागी ङा मुर आन कली हिम्‍नुङ। मिनु रागी रागी ङा शोंप नेल्‍ल एकेर चाक्‍नीम। मिनु गो एको खिं कली आं दारसीम प्रिंनुङ।

मत्ती 28:18

मिनु येसु नेल्‍ल आन नेक्‍था जाक्‍शा “स्‍वर्ग नु रागी ङा अधिकार नेल्‍ल आं कली गेशो बाक्‍ब। मत्ती ११:२७; एफिसी १:२०-२२

यूहन्‍ना 12:34

मिनु मुरपुकीमी येसु कली “परमप्रभु यावे आ लोव़ ब्रेक्‍शो किताबमी ‘ख्रीस्‍त गेनायो मबेक्‍थु बाक्‍ब’ देंशो नेंतक। गे चहिं ‘रागीमी जरमेशो क्‍युक्‍शा साइक्‍चा पुंइसीब’ देंनीनी। मिनु मेको रागीमी जरमेशो चहिं सु बाक्‍म?” दे हिल्‍लो पाम्‍तेक्‍म। भजन संग्रह ११०:४; दानीएल ७:१४

हिब्रू 12:28

मोपतीके गेनायो महिम्‍सीब राज्‍य ओव़चा ताइनय, दे तुइश्‍शा, परमप्रभु यावे कली मान पा ठेयब सेल्‍ना सेल्‍न “गे रिम्‍शो पाइब बाक्‍नीनी” देंशा, ग्‍येरशा आ दाक्‍शो गेय पना पन बाक्‍य।

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।

प्रकाश 2:27

मिनु मेकोपुकीमी खप के ग्‍योंब आन कली फलाम के कोक्‍केमी चोंइटा चोंइटा पशो बुद पा रागी ङा मुर आन कली सासन पाइनीम। गो यो मोदेंशो सक्ति आं आफ रे तशो नङ। भजन संग्रह २:८-९