दानीएल 2:23 - Sunuwar Bible

²³ आं किकी पिपी आन परमप्रभु, गो इन कली ‘गे रिम्‍शो पाइब बाक्‍नीनी। गे नेल्‍ल क्‍येङा ठेयब बाक्‍नीनी। मारदे हना गे आं कली तुइक्‍तीक थुं नु सक्ति गेतीनी। मिनु आंइ पुंइशो नेल्‍ल गेतीनी। पिप आ तुइक्‍चा माल्‍शो नेल्‍ल आंइ कली तुइक्‍पाइक्‍तीनी’ ” दे परमप्रभु कली ठेयब सेल्‍शा, देंत।

दानीएल 2:23 ပူးပေါင်းရင်းမြစ်များ

उत्पत्ती 18:17

मिनु परमप्रभु यावेमी “गो मार पचा चिक्‍तु, मेको मख्रुइक्‍थु अब्राहाम कली शेंनुङ। आमोस ३:७

उत्पत्ती 31:42

आं आफ आ परमप्रभु, अब्राहाम आ परमप्रभु नु इसहाक आ मान पा हिंशो परमप्रभु गो नु मबाक्‍शो हना, गे आं कली मुल श्‍येत्‍थ सोइक्‍तीनी वा। परमप्रभुमी आं श्‍येत नु आं गेय तशा, सिनाक्‍दो इन कली हुइक्‍ताक्‍व” देंमाक्‍त। उत्‍पत्ती ३१:२४,५१

१ राजा 18:36

मिनु नाक्‍त किंत किंत ङा नाक्‍दो ङा चढ़ेची ना परमप्रभु यावे आ लोव़ पाइब एलीयामी मेको आ चढ़ेतीक आ ङोंइती लशा “परमप्रभु यावे, अब्राहाम, इसहाक नु इस्राएल आ परमप्रभु, गे का ला इस्राएल रागीम परमप्रभु बाक्‍नीनी, दे मुलाक्‍ती एको आन कली तुइक्‍पतीन। मिनु गो इन गेय पाइब बाक्‍नुङ। मिनु गो एको नेल्‍ल इन देंतीके पशो बाक्‍नुङ, दे यो एको आन कली तुइक्पतीन।

१ राजा 8:57

परमप्रभु यावे इं परमप्रभु इं किकी पिपी नु बाक्‍शो खोदेंशो पा गोपुकी नु यो बाक्‍ल। मेकोमी इं कली गेनायो मप्रोनल।

१ इतिहास 29:10

मिनु दाऊदमी मुर नेल्‍ल आन ङोंइती परमप्रभु यावे कली “परमप्रभु यावे, आंइ किकी पिपी इस्राएल आ परमप्रभु, गे गेना हना यो ठेयब बाक्‍नीनी।

१ इतिहास 29:13

मुल आंइ परमप्रभु, गो इन कली ‘गे रिम्‍शो पाइब बाक्‍नीनी’ दे इन नें ठेयब सेल्‍नीकी।

२ इतिहास 20:6

“आंइ परमप्रभु यावे, आंइ किकी पिपी आन परमप्रभु गे स्‍वर्गम बाक्‍ब परमप्रभु मननी ङा? गे रागी रागी ङा राज्‍य सासन पाइब मननी ङा? सक्ति नु अधिकार नेल्‍ल इन के बाक्‍ब। गे इन क्‍येङा ग्राब सुइ मबाक्‍नीम। उत्‍पत्ती १८:२५; १इतिहास २९:१२

भजन संग्रह 21:2

गे आ थुं ङा दाक्‍शो गेतीनी। आ पुंइशो “मगेनुङ” मदेंनी। ठेयब सेंदा पा।भजन संग्रह २०:५; भजन संग्रह ३७:४

भजन संग्रह 21:4

मेकोमी “ब्रोंइचा गेयी” दे इन कली पुंइतु। मिनु गे मेको कली गेना हना यो ब्रोंइशा, बाक्‍चा गेतीनी। भजन संग्रह ६१:७

भजन संग्रह 25:14

परमप्रभु यावे आ कली मान पा हिंब आन वारच बाक्‍ब। मिनु मेको आन कली आ कबल शेंब।

भजन संग्रह 50:14

गे आं कली ‘गे रिम्‍शो पाइब बाक्‍नीनी’ देनीन। मिनु नेल्‍ल क्‍येङा ठेयब, आं कली इन कसम जशो खपीन। योना २:१०

प्रस्‍थान 3:15

मिनु लेंशा परमप्रभुमी मोसा कली “इस्राएल ङा मुर आन कली मार देंचा माल्‍नेवे देंशा हना ‘परमप्रभु यावे, इन किकी पिपी अब्राहाम, इसहाक नु याकूब आन परमप्रभुमी इन कली ग्रुम्‍थ सोइक्‍ताक्‍यी। आं नें गेना हना यो लीब। नेल्‍ल पाला ङा मुरुम आं नें आन थुंमी मिम्‍शा वोइक्‍चा माल्‍नीम’ देंचा माल्‍नेवे। प्रस्‍थान ६:२-३; यसैया ४२:८

हितोपदेस 21:22

जोक्‍ब तुइक्‍ब मुर कामी बोल्‍यो लडाइ पाइब आन सहर कली लडाइ तोप्‍तु। मिनु मेकोमी आन बोल्‍यो, थमा सुइश्‍शो, ब्रोंइशा बाक्‍तीक सहर ग्रात।

हितोपदेस 24:5

बोल्‍यो लडाइ पाइब आन क्‍येङा जोक्‍ब तुइक्‍ब लडाइ पाइब रिम्‍शो बाक्‍नीम। मिनु बोल पाइश्‍शो मुर आन क्‍येङा जोक्‍ब तुइक्‍ब मुरुमी अधिकार ताइब।

हितोपदेस 8:14

अर्ती नु ठीक पा तुइक्‍तीक गो नु बाक्‍नीस। गो नु जोक्‍तीक तुइक्‍तीक नु बोल यो बाक्‍नीम।

उपदेसक 7:19

जोक्‍तीक तुइक्‍तीकेमी जोक्‍ब तुइक्‍ब मुर कली सहर ङा १० जना हुकुम पाइब आन क्‍येङा यो सक्ति पाइश्‍शो सेल्‍ब।

उपदेसक 9:16

मिनु गो “सक्ति क्‍येङा जोक्‍तीक तुइक्‍तीक ठेयब बाक्‍ब” देंती। तन्‍न मेको प्रुङग मुर आ जोक्‍तीक तुइक्‍तीक कली आइक्‍च मिम्‍ताक्‍म। मेको आ लोव़ कली सुइमी यो ममिम्‍तेम।

उपदेसक 9:18

लडाइ पतीक या क्‍येङा जोक्‍तीक तुइक्‍तीक रिम्‍शो बाक्‍ब। तन्‍न पाप पाइब कामी शुश रिम्‍शो गेय आन कली खतम सेल्‍ब।

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

येरमीया 33:3

मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।

दानीएल 1:17

मिनु परमप्रभुमी मेको ४ जना आन कली नेल्‍ल ब्रेक्‍तीकेमी नु तुइक्‍तीकेमी जोक्‍ब तुइक्‍ब सेला बाक्‍त। मिनु दानीएल कली मार पचा, दे ततीके नु ङोमु रुप्‍तीक थुं यो गेप्‍तु। इजीकीएल २८:३

दानीएल 2:18

दानीएलमी मेको आन कली “गोपुकी नु बेबीलोन ङा जोक्‍ब तुइक्‍ब नेल्‍ल साइक्‍चा मपुंइसीचा कली स्‍वर्ग ङा परमप्रभु कली मेको ख्रुइश्‍शो ङोमु तुइक्‍पांइसीचा कली आ शिशी पुंइय” देंत।

आमोस 3:7

थमा पा, परमप्रभु यावेमी आ लोव़ पाइब आन कली मदेंथु, मारेइ मपाइब। उत्‍पत्ती १८:१७

मत्ती 11:25

काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९

लूका 10:21

मिनु येसु परमप्रभु यावे आ सोक्‍तीम पतीके ग्‍येरशा “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ रुप्‍तीक थुं मगेनी। मजोक्‍ब मतुइक्‍ब आन कली रुप्‍तीक थुं गेतीनी। गे मोदेंशो पचा दाक्‍ताक्‍नी। १कोरिन्‍थी २:७

यूहन्‍ना 11:41

मिनु मुरपुकीमी पुक्‍खी आ ङोंइती थारशो फुल्‍लु तिल्‍तेक्‍म। मिनु येसुमी सरीङ गे कोव़शा “आं आफ, गे आं लोव़ नेंतीनी, गो ग्‍येरसाक्‍यी।

यूहन्‍ना 15:15

मुल रे गो इन कली वाइल मदेंनुङ। मारदे हना वाइल आ ठेयब मुरुमी मार गेय पचशो बाक्‍मे, मेको वाइलम मतुइक्‍ब। गो चहिं इन कली आं आफ आ देंशो नेल्‍ल शेंताक्‍न्‍नी। मोपतीके इन कली वारच देंनुङ।

प्रकाश 1:1

परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।

प्रकाश 5:5

मिनु मेको शेंब खाल्‍पा कामी आं कली “मङाक्‍को। मेको गुप्‍स, यहूदा आ थर ङा पिप दाऊद आ खिं ङा बाक्‍ब। मेकोमी सैतान कली ग्रात। मोपा मेको कागज ङा ७ ओटा छाप प्रुइश्‍शा प्राक्‍ने चाप्‍ब” देंत। उत्‍पत्ती ४९:९-१०; यसैया ११:१