दानीएल 2:20 - Sunuwar Bible

²⁰ “परमप्रभु, इन नें गेना हना यो ठेयब बाक्‍ब। मारदे हना सक्ति नु जोक्‍ब तुइक्‍ब थुं इन केन बाक्‍ब।

दानीएल 2:20 ပူးပေါင်းရင်းမြစ်များ

उत्पत्ती 14:20

मिनु नेल्‍ल क्‍येङा ठेयब परमप्रभु मान ताइब बाक्‍ब। मारदे हना इ जोरी सत्रु इ गुइमी गेशा, इ कली ग्रापाइक्‍तु” दे ठेयब सेला बाक्‍त। मिनु अब्राममी नेल्‍ल थोव़क १० भाग ङा भाग का मेल्‍कीसेदेक कली गेवा बाक्‍त। उत्‍पत्ती २८:२२; लेवी २७:३०-३२

१ राजा 8:56

मेकोमी “आ मुर इस्राएली आन कली आ देंशो खोदेंशो पा नाइक्‍चा गेब परमप्रभु यावे ठेयब बाक्‍ल। मेकोम आ गेय पाइब मोसा रे पा पाइनुङ देंशो रिम्‍शो गेय नेल्‍ले का सम्‍म यो मख्राइक्‍थु, पाप्‍तु। यहोसु २१:४५

१ इतिहास 29:20

मिनु नोले दाऊदमी मुर नेल्‍ल आन कली “परमप्रभु यावे, इन परमप्रभु कली ठेयब सेलीन” देंमाक्‍त। मिनु मुर नेल्‍लेमी परमप्रभु यावे, आन किकी पिप आन परमप्रभु कली ठेयब सेल्‍शा बाम्‍मा बाक्‍त। मिनु परमप्रभु यावे नु पिप आ ङोंइती बाप्‍शा, सेउ पामे बाक्‍त।

२ इतिहास 20:21

मिनु मेकोमी मुरपुकी नु सल्‍ला पशा, लडाइ पाइब आन ङोंइती रिम्‍शो वा फेक्‍शा, परमप्रभु यावे कली ठेयब सेल्‍तीक कुम्‍सो पाइब योव़मी बाक्‍त। मिनु मेकोपुकीम “परमप्रभु यावे कली ‘गे रिम्‍शो पाइब बाक्‍नीनी। मारदे हना इन दाक्‍तीक गेना हना यो लीब’ ” दे कुम्‍सो पामे बाक्‍त। भजन संग्रह १०६:१

नेहेम्‍याह 9:5

मिनु लेवी येशुआ, कदमीएल, बानी, हशाब्‍नैयाह, शेरेब्‍याह, होदीयाह, शेबान्‍याह नु पेथायाहमी मुर आन कली “बोक्‍कीन, गेना हना यो बाक्‍ब परमप्रभु यावे, इन परमप्रभु कली ठेयब सेलीन। ‘इन नें ठेयब बाक्‍ब। नेल्‍ल आन ठेयब सेल्‍तीके आन क्‍येङा इन नें ठेयब सेल्‍चा पुंइसीशो बाक्‍ब’ देंचा माल्‍नीनी” देंतेक्‍म।

अय्‍युब 12:13

मिनु परमप्रभु नु तुइक्‍तीक नु सक्ति बाक्‍शो बाक्‍ब। मेको नु अर्ती गेतीके नु रुप्‍तीक थुं बाक्‍शो बाक्‍ब।

भजन संग्रह 113:1

परमप्रभु यावे कली ठेयब सेलीन। परमप्रभु यावे आ गेय पाइबपुकी परमप्रभु यावे आ नें ठेयब सेलीन। गे “परमप्रभु यावे आ नें ठेयब बाक्‍ब” देनीन।

भजन संग्रह 113:2

परमप्रभु यावे आ नें मुल रे गेना हना यो ठेयब सेल्‍मेक्‍ल।

भजन संग्रह 115:18

तन्‍न गो दा मुल रे गेना हना यो परमप्रभु यावे कली ठेयब सेल्‍नीकी। परमप्रभु यावे कली ठेयब सेलीन।

भजन संग्रह 147:5

आंइ परमप्रभु ठेयब बाक्‍ब। मेको आ सक्ति नेल्‍ल क्‍येङा ठेयब बाक्‍ब। आ रुप्‍तीक सक्ति सुइम तुइक्‍ने मचाप्‍नीम। लूका १:५२

भजन संग्रह 41:13

परमप्रभु यावे, इस्राएली आन परमप्रभु कली “गे गेना हना यो ठेयब बाक्‍नीनी। मेको थमा बाक्‍ब” देंमल। आमेन आमेन। भजन संग्रह ७२:१८; भजन संग्रह ८९:५३; भजन संग्रह १०६:४८; भजन संग्रह १५०:६

भजन संग्रह 50:23

सु सुमी ‘गे रिम्‍शो पाइब बाक्‍नीनी’ देंनीमी, मेकोपुकीमी आं कली ठेयब सेल्‍नीम। मिनु गो मेको आन कली लां सेल्‍नुङ। गो मेको आन कली आं पाप रे प्रोंइतीके कोंइनुङमी” दे परमप्रभुमी देंत।

भजन संग्रह 62:11

परमप्रभुमी लोव़ पाप्‍तु। गो लोव़ निक्‍शी नेंता “परमप्रभु के सक्ति बाक्‍ब।

हितोपदेस 8:14

अर्ती नु ठीक पा तुइक्‍तीक गो नु बाक्‍नीस। गो नु जोक्‍तीक तुइक्‍तीक नु बोल यो बाक्‍नीम।

येरमीया 32:19

इन अर्ती ठेयब नु इन गेय नेल्‍ल क्‍येङा सक्ति पाइश्‍शो बाक्‍नीम। मुर आन पशो मारेइ मारेइ इन ङोंइती तचा ङा पा बाक्‍नीम। गे मुर नेल्‍ल आन कली कोव़नीनी। गे नेल्‍ल आन लां नु आन पशो तशा इनाम गेनीनी। रोमी २:६

इजीकीएल 28:3

गे दानीएल क्‍येङा यो जोक्‍ब तुइक्‍ब बाक्‍नेवे। मारेइ ख्रुइक्‍तीक लोव़ इ रे मख्रुंइसी‍शो बाक्‍ब। इजीकीएल १४:१४; दानीएल १:१७

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

यहूदा 1:24

येसु ख्रीस्‍तमी इन कली पाप मपाइब सेल्‍ने चाप्‍ब। इन कली दोस मताइब सेल्‍शा, ग्‍येरसीशा, परमप्रभु यावे आ छेङछेङ आ ङोंइती राप्‍पाइक्‍ने चाप्‍ब। १थिस्‍सलोनिकी ५:२३

प्रकाश 5:12

मिनु मेकोपुकीमी “मेको साइक्‍चा पुंइसीशो पाठा का ला सक्ति पाइश्‍शो, शोंप पाइश्‍शो, जोक्‍तीक तुइक्‍तीक, बोल, मान, छेङछेङ नु रिम्‍शो पाइब बाक्‍नीनी देंचा शिरशो बाक्‍ब” दे ठेयब सेंदामी देंतेक्‍म। १इतिहास २९:११; फिलिप्‍पी २:९-१०