दानीएल 2:14 - Sunuwar Bible

¹⁴ मिनु दानीएलमी मेको नेंशा, शुश मिम्‍शा, पिप आ साइक्‍तीक गेय पाइब अरयोक नु लोव़ पाप्‍तु। मेको बेबीलोन ङा जोक्‍ब तुइक्‍ब मुर आन कली साइक्‍चा कली लशो बाक्‍त। दानीएल १:२०

दानीएल 2:14 ပူးပေါင်းရင်းမြစ်များ

उत्पत्ती 37:36

मिनु मेको मिदयान ङा मुरपुकीमी योसेफ कली इजीप्‍त रागी ङा फाराओ आ नेल्‍ल क्‍येङा ठेयब गेय पाइब पोतीफर कली लेयङमे बाक्‍त।

येरमीया 39:9

मिनु पिप कली कोव़ब आन कप्‍तानम नेबुजरादानमी सहरमी प्रोंइचा पुंइसीशो लीशो मुरपुकी, मेको आन बाक्‍तीक प्रोक्‍शा जाक्‍ब नु अरु लीशो मुर आन कली फ्रेंशा बेबीलोन लाइक्‍तीमी।

येरमीया 52:12

बेबीलोन ङा पिप नेबुकदरेसरमी सासन पवा आ १९ बर्स ५ महिना १० नाक्‍ती पिप कली खाल पाइब आन कप्‍तान नेबुजरादान यरूसलेममी जाक्‍त।

येरमीया 52:14

मिनु पिप कली खाल पाइब आन कप्‍तान नु बाक्‍शो कल्‍दी ङा लडाइ पाइब नेल्‍लेम यरूसलेम आ एर ओंथ बाक्‍शो गारो नेल्‍ल प्रेत्‍तेक्‍म।

दानीएल 2:15

मिनु दानीएलमी मेको पिप आ गेय पाइब कली “मारदे पिप आ हुकुम मोदेंशो रीब पा पचा माल्‍नीमी? दे हिल्‍लो पाप्‍तु। मिनु अरयोकमी दानीएल कली नेल्‍ल शेंताक्‍व।

दानीएल 2:24

मिनु दानीएल बेबीलोन रागी ङा जोक्‍ब तुइक्‍ब मुर नेल्‍ल आन कली साइक्‍चा, दे योव़चा पुंइसीशो मुर अरयोक आ बाक्‍तीकेमी लशा, मेको कली “बेबीलोन रागी ङा जोक्‍ब तुइक्‍ब मुर आन कली मसतीन। आं कली पिप आ ङोंइती चाक्‍दीय्‍यीनी। मिनु गो पिप कली आ ङोमु शोव़नुङ। मिनु मेको रे मार रुम्‍सीबा नेल्‍ल शेंनुङ” देंत।