दानीएल 2:11 - Sunuwar Bible

¹¹ पिपमी हिल्‍लो पशो लोव़ सुइमी शोव़ने मचाप्‍चा ङा बाक्‍ब। देवी देवतामी ला तुइक्‍पाइक्‍ने चाप्‍नीम। तन्‍न मेको देवी देवता मुर आन दातेमी मबाक्‍नीम” देंतेक्‍म।

दानीएल 2:11 ပူးပေါင်းရင်းမြစ်များ

उत्पत्ती 41:39

मिनु फाराओमी योसेफ कली “परमप्रभुमी मेको नेल्‍ल इ कली तुइक्‍पाइक्‍तु। इ खोदेंशो जोक्‍ब तुइक्‍ब मुर सुइ मथिंसीब।

उत्पत्ती 41:8

मिनु आ थुं मनुथु सुनी कना इजीप्‍त ङा जादू पाइब नु जोक्‍ब तुइक्‍ब नेल्‍ल आन कली ब्रेत्‍थ सोइक्‍तीमी बाक्‍त। मेको जाक्‍मानु, आ ङोमु मेको आन कली शेंदीमी बाक्‍त। तन्‍न सुइमी फाराओ कली मेको ङोमु आस अर्थ देंने मचाप्‍मे बाक्‍त। दानीएल २:३

१ राजा 8:27

मेकोमी “मार, थमा पा परमप्रभु रागीम बाक्‍बा ङा? कोव़ङीन, इर ङा ठेयब सरीङम ला यो गे मरिक्‍नीनी हना, एको आं सेल्‍शो खिंम दोपा रिक्‍नीनी ङा? यसैया ६६:१; प्रेरित १७:२४

२ इतिहास 6:18

मिनु मार, परमप्रभु थमा पा मुर नु रागीम बाक्‍बा ङा? सरीङ नु स्‍वर्गम इन कली मरिक्‍ब हना, इन कली सेल्‍शो खिंम इन कली दोपा रिक्‍बा ङा? १इतिहास २:५

भजन संग्रह 132:14

मिनु परमप्रभुमी “एकेर नाइक्‍नुङ। एकेर गेना हना यो बाक्‍नुङ, मारदे हना गो मेको दाक्‍नुङ।

भजन संग्रह 68:18

गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। एफिसी ४:८-१०

प्रस्‍थान 29:45

गो इस्राएली आन दातेमी बाक्‍नुङ। मिनु मेको आन परमप्रभु दुम्‍ती। प्रस्‍थान २५:८; जकरिया २:१४; लेवी २६:१२

प्रस्‍थान 8:19

मिनु जादू टुना मुना पाइबपुकीमी फाराओ कली “एको परमप्रभुमी पाप्‍तु” देंमा बाक्‍त। फाराओ चहिं काइ मटीब दुम्‍माक्‍त। मिनु मोसा नु हारून आस देंशो लोव़ मटिव। परमप्रभु यावेम ङोंइती देंशो खोदेंशो दुम्‍त। भजन संग्रह ६४:१०; भजन संग्रह ७२:१८; लूका ११:२०

यसैया 47:12

गे इ टुना मुना नु मन्‍तर तन्‍तर शुश पावो। गे आल रेन मोदेंशो पाप्‍तीवी। मेको पवीनु, ठीक दुम्‍बा कों? मेको श्‍येत मजाक्‍बा कों? दानीएल २:२

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 8:18

मुर नेल्‍ल आन परमप्रभु यावे सियोन डांडाम बाक्‍ब। परमप्रभु यावेमी आं कली नु आं कली गेशो आलपुकी इस्राएली आन दातेमी चिन्‍ड नु कोंइतीक सेल्‍तीकी। यसैया ८:३; यसैया ७:३; हिब्रू २:१३

दानीएल 4:4

गो, नेबुकदनेसर, आं खिंमी मारेइ मारेइमी गाप्‍शा, आं दरवारमी थुं नाइश्‍शा बाक्‍शो नङ।

दानीएल 5:11

इन राज्‍यमी ठेयब देवता आन सोक्‍त पाइश्‍शो मुर का बाक्‍ब। इन आफ आ पालामी मेको नु देवी देवता के खोदेंशो पा सोक्‍त आ मिम्‍शो रुप्‍तीके तुइक्‍तीके नु जोक्‍ब तुइक्‍ब थुं बाक्‍त। मोपतीके इन आफ पिप नेबुकदनेसर मी मेको कली जादू, मन्‍तर तन्‍तर पाइब, सोरुल कोव़ब कल्‍दी नु चिन्‍ड आ अर्थ जोक्‍ब आन ठेयब मुर सेल्‍शो बाक्‍त। दानीएल ४:५; दानीएल २:४८

योएल 3:21

गो मेको आन हुश ख्राक्‍श पोक्‍शो क्‍येक्‍क लेत्‍नुङमी। मिनु आन पाप मक्‍याम्‍नुङ” दे परमप्रभुमी देंत। परमप्रभु यावे सियोनम बाक्‍ब। ब्‍यवस्‍था ३२:४३; इजीकीएल ४८:३५

गन्‍ती 35:34

गे इन बाक्‍शो रागी ग्रांग्रा दिशो मसेलीन। गो यो मेकेर बाक्‍नुङ। मारदे हना गो परमप्रभु यावे इस्राएली आन दातेमी बाक्‍नुङ’ दे इस्राएली आन कली देनो” देंत। लेवी १८:२४-२८; प्रस्‍थान २९:४५

मत्ती 19:26

मिनु येसुमी मेको आन कुल गे कोव़शा “मुरपुकीमी पने मचाप्‍नीम। तन्‍न परमप्रभु यावेमी पने चाप्‍ब। मारदे हना परमप्रभु यावेमी मारेइ मारेइ पने चाप्‍ब” दे माइक्‍तीमी। अय्‍युब ४२:२

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

यूहन्‍ना 14:17

मेको वारच पाइब थमा ङा सोक्‍त बाक्‍ब। आं कली थमा मसुइक्‍बपुकीमी मेको सोक्‍त ताक्‍ने मचाप्‍नीम। मारदे हना मेकोपुकीमी मेको सोक्‍त कली मतुइक्‍नीम। गेपुकी चहिं मेको कली तुइक्‍नीनी। मारदे हना मेको गेपुकी नु बाक्‍ब। मिनु इन आगामी बाक्‍ब। यूहन्‍ना १६:१३

यूहन्‍ना 14:23

मिनु येसुमी “सुमी आं कली दाक्‍बा, मेकोम आं देंशो लोव़ पाइब। आं आफोमी मेको कली दाक्‍ब। मिनु गो नु आं आफ मेको नु बाक्‍नस्‍कु। हितोपदेस ८:१७; एफिसी ३:१७

२ कोरिन्‍थी 6:16

परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्‍ब परमप्रभु यावे आ खिं बाक्‍नीकी। मिनु परमप्रभु यावेमी “आं मुर आगाम बाक्‍नुङ। मेको आन दातेम गाक्‍नुङ। मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम” देंशो बाक्‍त। लेवी २६:११-१२; इजीकीएल ३७:२७; १कोरिन्‍थी ३:१६

प्रकाश 21:3

मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३