दानीएल 12:7 - Sunuwar Bible

⁷ मिनु मेको आइक्‍ची हांबु बाक्‍ब बुश सुती वा फेक्‍शोमी आ गुइ निम्‍फा सरीङ गे पोक्‍तु। मिनु गेना हना यो ब्रोंइशा बाक्‍ब आ नें थिशा कसम जशो नेंता। मिनु मेकोमी “एको पाला का बाक्‍शो ना, पाला निक्‍शी बाक्‍शो ना नु आधा पाला बाक्‍शो ना कली दुम्‍ब। मिनु परमप्रभु यावे आ मुर आन कली श्‍येत जची ना नु्म्‍मेनु, मेको देंशो लोव़ नेल्‍ल गा‍प्‍ब” दे गेना हना यो ब्रोंइशा बाक्‍ब आ नेंमी कसम जाप्‍तु। दानीएल ७:२५; प्रकाश १०:५-६

दानीएल 12:7 ပူးပေါင်းရင်းမြစ်များ

अय्‍युब 27:2

“परमप्रभु यावे ब्रोंइशा बाक्‍शो खोदेंशो पा आं ठीक पशो आ पर्बम मारेइ मदे। नेल्‍ल क्‍येङा ठेयब सक्ति पाइश्‍शोम आं थुं खाइक्‍पाइश्‍शो बाक्‍ब।

यसैया 62:12

मिनु मेको आन कली ‘परमप्रभु यावे आ मुर नम। परमप्रभु यावे आ पाप रे प्रोंइशो मुर नम’ दे ब्रेत्‍नीम। मिनु इ कली ‘माल्‍शा, थिश्‍शो नु गेनायो मप्रोंइसीब सहर’ माइक्‍चा पुंइसीनेवे” दे कसम जशा, लोव़ पशो बाक्‍ब। यसैया ३५:१०

येरमीया 4:2

कसम जची ना गेपुकीम ‘परमप्रभु यावे ब्रोंइशा बाक्‍शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्‍शो थुं पाइब मुर दुम्‍तीनी हना, रागी रागी ङा मुर परमप्रभु आ नें थि‍शा आसीक पमुइनीम। मिनु मेकोपुकी आ आल दुम्‍तीके ग्‍येरसीनीम” देंत। ब्‍यवस्‍था १०:२०; यसैया ६५:१६

इजीकीएल 20:5

गो इस्राएल कली योव़ङु नाक्‍ती याकूब आ खिं ङा आ चच युइ नु कसम जाता। इजीप्‍त रागीमी गो मेको आन दातेम तुइक्‍पांइसाक्‍यी। मेको आन कली गो परमप्रभु यावे, इन परमप्रभु नङ, दे कसम जाता। प्रस्‍थान ६:७-८

दानीएल 10:5

मिनु गो इर गे कोव़ङुनु, सुती वा फेक्‍शो मुर का ताता। मेकोमी थम रिम्‍शो ओफीर ङा सुन के किप्‍शुर किप्‍शो बाक्‍त। दानीएल ८:१५; दानीएल १२:६; इजीकीएल ९:२; प्रकाश १:१३-१५

दानीएल 11:13

मिनु उत्तर ङा पिपमी ङोंइती क्‍येङा शुश लडाइ पाइब खुप्‍ब। मिनु बर्स का निक्‍शी नोले लडाइ पचा कली शुश या कुरशा शुश लडाइ पाइब नु बारब।

दानीएल 12:6

मिनु कामी सुती वा फेक्‍शा आइक्‍ची हांबुम बाक्‍ब कली “एको लोव़ गाप्‍चा कली गिश नाक्‍त बाक्‍नीमी?” दे हिल्‍लो पाप्‍तु।

दानीएल 12:8

गो मेको लोव़ नेंता, तन्‍न मरुबु। मोपतीके गो “आं प्रभु, एको नेल्‍ल रे मार दुम्‍बा?” दे हिल्‍लो पाता।

दानीएल 4:31

मिनु पिपमी मेको लोव़ देंमेनु, स्‍वर्ग रे सेंदा कामी “पिप नेबुकदनेसर इ कली मार लोव़ देंशो बाक्‍त देंशा हना, एको राज्‍य इ गुइ रे रोइक्‍ने थुम्‍शो बाक्‍ब।

दानीएल 4:34

मिनु पिपमी “मेको देंशो नेल्‍ल जाक्‍दीम नोले, गो आं पिया पोक्‍शा सरीङ गे कोव़ता। मिनु आं निप्‍स लेंशा रिम्‍शो दुम्‍त। मिनु गो नेल्‍ल क्‍येङा ठेयब नु गेना हना यो ब्रोंइशा बाक्‍ब परमप्रभु कली ठेयब सेल्‍शा, मान पाता। मेको आ सासन पतीके गेना हना यो लीब। मेको आ राज्‍य पाला पाला सम्‍म लीब। दानीएल ३:३३

दानीएल 7:21

मिनु गो कोव़ना कोव़न बाक्‍ङानु, मेको ग्रोव़मी नेल्‍ल क्‍येङा ठेयब आ मुर नु लडाइ पा ग्रात। प्रकाश १३:७

दानीएल 7:25

मिनु मेकोमी नेल्‍ल क्‍येङा ठेयब आ पर्बम मरिम्‍शो लोव़ पा, नेल्‍ल क्‍येङा ठेयब आ मुर आन कली यो खतम सेल्‍ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्‍चा दाक्‍ब। मिनु परमप्रभु आ मुर आन पाला का, पाला निक्‍शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७

दानीएल 8:14

मिनु अर्कोमी आं कली “हजार निक्‍शी सहे सां नाक्‍दो नाक्‍त सम्‍म मोदेंशो दुम्‍‍ब। मिनु नोले परमप्रभु आ खिं लेंशा सेल्‍नीम” देंत।

दानीएल 8:24

मेको शुश बोल्‍यो दुम्‍ब। मिनु मेकोमी मारेइ मारेइ खतम पोक्‍ब। आ पतीक मारेइ मारेइमी ग्राब। मिनु मेकोमी सक्ति पाइश्‍शो मुर नु थमा सुइक्‍ब आन कली खतम पोक्‍ब।

लूका 21:14

‘ठेयब मुर आन ङोंइती मार देंचा?’ दे गेनायो पीर मपाइनुङ, दे इन थुं फ्रेंशा बाक्‍कीन। लूका १२:११

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

ब्‍यवस्‍था 26:19

गो आं सेल्‍शो रागी रागी आन दातेमी इन कली नेल्‍ल क्‍येङा ठेयब सेल्‍नुङ। मान पाइक्‍चा पुंइसीशा, इन नें ठेयब सेल्‍चा नु शुश दारशो सेल्‍नुङ। मिनु परमप्रभु यावे, इन परमप्रभु आ मुरपुकी दुम्‍चा माल्‍नीनी’ दे परमप्रभु यावेमी इन कली देंशो बाक्‍त” देंत। ब्‍यवस्‍था १८:१

ब्‍यवस्‍था 32:36

परमप्रभु यावेमी आ मुर आन कली थमा पा वारच पाइब। आ मुर आन कली शिशी पाइब। मेको आन सक्ति लत हना, मुर नु वाइलीम वाइल यो खतम दुम्‍नीम।

ब्‍यवस्‍था 32:40

मिनु गो आं गुइ सरीङ गे पोक्‍शा, गो गेना हना यो ब्रोंइशा बाक्‍शो खोदेंशो पा कसम जाइनुङ।

ब्‍यवस्‍था 7:6

मारदे हना गे परमप्रभु यावे, इन परमप्रभु आ आंम मुर बाक्‍नीनी। परमप्रभु यावेमी नेल्‍ल जात जात ङा मुर आन दाते रे इन कली आंम मुर सेल्‍चा, दे योव़तु। प्रस्‍थान १९:५-६

१ पत्रुस 2:9

तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८

प्रकाश 12:14

मिनु मेको मीश मुरुमी ठेयब ककाकुली आ फ्रां निक्‍शी ताक्‍तु। मारदे ताक्‍तु देंशा हना, मेको ठेयब बुस्‍स रे ब्रोंइशा, गोरशो रागीमी बेरशा, प्रोक्‍चा कली ताक्‍तु। मेको गोरशो रागीमी परमप्रभु यावेमी आ दाक्‍ची ना सम्‍म मेकेर थुल्‍शो बाक्‍त।

प्रकाश 12:6

मिनु मेको मीश मुर आल थिशा नोले गोरशो रागीमी प्रोक्‍त। मेकेर परमप्रभु यावेमी बाक्‍तीके ठीक पशो बाक्‍त। मिनु मेको कली हजार का सहे निक्‍शी ६० नाक्‍त थुल्‍तेक्‍म। प्रकाश ११:३

प्रकाश 13:5

मिनु मेको जन्‍तु कली ठेयब लेश्‍शा, ब्‍वाक्‍चा नु परमप्रभु आ पर्बम मरिम्‍शो लोव़ पचा कली शोव़ गेशो बाक्‍त। मेको कली ४२ महिना सम्‍म सासन पचा कली अधिकार गेशो बाक्‍त। प्रकाश ११:२

प्रकाश 4:10

मेको २४ जना शेंब खाल्‍पामी मेको ठेयब नित्‍तीकेमी निप्‍ब आ ङोंइती आन पोक्‍च थेक्‍शा सेउ पाम्‍तेक्‍म। मिनु गेना हना यो ब्रोंइशा बाक्‍ब कली मान पाम्‍तेक्‍म। मिनु मेकोपुकीमी आन सिरपेच पुइश्‍शा, मेको ठेयब नित्‍तीकेमी निप्‍ब आ ङोंइती वोइश्‍शा

प्रकाश 4:9

मोपा मेको ४ ओटा सेस जन्‍तुम गेना हना यो ब्रोंइशा बाक्‍ब ठेयब नित्‍तीकेमी निप्‍ब कली “गे छेङछेङ, मान ताइब नु रिम्‍शो पाइब बाक्‍नीनी” देंमानु,