दानीएल 12:4 - Sunuwar Bible

⁴ तन्‍न गे दानीएलमी, एको लोव़ सुइ आन कली मदेनो। एको नोले ङा नाक्‍त कली ब्रेक्‍शो किताब मप्रा‍क्‍थु, छाप थोक्‍शा वोतो। नोले ङा नाक्‍तीम शुश मुर आन थुं मनाइक्‍थु, थमा लोव़ माल्‍शा शुश तुइक्‍ब दुम्‍नीम” देंत। प्रकाश १०:४

दानीएल 12:4 ပူးပေါင်းရင်းမြစ်များ

यसैया 11:9

आं डांडामी मारेइ श्‍येत नु खतम दुम्‍तीके मबाक्‍ब। मारदे हना दोदेंशो पा ब्‍वाक्‍कुम समुन्‍द्र ब्रीबा, मोदेंशो पा परमप्रभु यावे कली तुइक्‍तीकेम रागी नेल्‍ल ब्रीब।

यसैया 29:11

मेको इन कली कोंइशो लोव़ नेल्‍ले, इन कली छाप थोक्‍शो किताब खोदेंशो दुम्‍त। मेको पढेस जोक्‍ब कली “पढेवो” दे गेतीनी हना, मेकोमी “गो पढेने मचाप्‍नुङ, मारदे हना एको छाप थोक्‍शो किताब बाक्‍ब” देंब।

यसैया 30:26

मिनु तास्‍ला आ छेङछेङ नां आ छेङछेङ खोदेंशो दुम्‍ब। नां आ छेङछेङ चहिं ७ ओटा नां आ छेङछेङ खोदेंशो दुम्‍ब। मेको ७ नाक्‍त ङा छेङछेङ दुम्‍ब। मेना परमप्रभु यावेमी आ मुर आन गार फ्रेंब। तुप्‍शो गार सापाइक्‍ब।

यसैया 32:3

कोव़ब मुर आन मिक्‍च ब्राब्रा मदुम्‍नीम। नेंबपुकीमी नोफा दाइश्‍शा नेंनीम।

यसैया 8:16

आं देंशो लोव़ आं शेंसीब आन कली ला नेंपाइक्‍चा कली छाप थोक्‍शा, वोतो” दे माइक्‍ती। दानीएल १२:४

येरमीया 5:1

परमप्रभुमी “यरूसलेम ङा लां आ एर ओंथ कोव़शा गाक्‍को। नेल्‍ल कोव़शा इ तशो नेल्‍ल ब्रेक्‍तो। आ लाङगा मेर माल्‍शा कोव़ङो। मिनु मेकेर ठीक गेय पाइब नु थमा लोव़ माल्‍ब मुर का यो थित्‍तीवी हना, गो यरूसलेम कली माफ गेनुङ। उत्‍पत्ती १८:२२-३२

दानीएल 10:1

मिनु पारसी रागी ङा कोरेस पिप दुम्‍शो बर्स सां दुम्‍‍मेनु, परमप्रभुमी बेल्‍त-शजर माइश्‍शो दानीएल कली लोव़ का तुइक्‍पाइक्‍तु। मेको लोव़ थमा बाक्‍त। ठेयब श्‍येत आ पर्बम बाक्‍त। मेको दानीएलमी मेको कोंइतीक तशा, रुप्‍तीक थुं यो ताप्‍तु। दानीएल १:२१; दानीएल १:७

दानीएल 10:14

नोले ङा नाक्‍त इ मुर आन कली मार दुम्‍बा, दे गो इ कली रुप्‍पाइक्‍थ जाक्‍ती। मारदे हना इ तशो कोंइतीक क्‍येङा नोले ङा नाक्‍त कली अर्को कोंइतीक का यो बाक्‍ब” दे माइक्‍ती।

दानीएल 10:21

मिनु गो थमा लोव़ ङा किताबमी मार ब्रेक्‍शो बाक्‍मे, मेको इ कली शोव़थ जाक्‍ती। मेकेर मिकाएल क्‍येङा लाक्‍शा, अरु वारच पाइब सैतान आ गेय पाइब नु लडाइ पचा कली सुइ मबाक्‍नीम। परमप्रभु यावे आ स्‍वर्ग ङा गेय पाइब, मिकाएल चहिं इस्राएली इन कली कोव़ब बाक्‍ब।

दानीएल 11:33

मिनु मेको आन दाते ङा जोक्‍ब तुइक्‍बपुकीमी शुश मुर आन कली रुप्‍ब सेल्‍नीम। मोपतीके नाक्‍त का निक्‍शी सम्‍म मेको तरवारम क्‍योरचा, मीम हुम्‍चा, ग्‍याइश्‍शा चोक्‍चा नु आन मार मार रोइक्‍चा पुंइसीनीम।

दानीएल 11:40

मिनु नोले ङा नाक्‍ती दक्‍खिन ङा पिपमी मेको कली लडाइ तोइब। मिनु उत्तर ङा पिपमी फश गिवार खोदेंशो पा मेको नु लडाइ पाइब। मेकोमी बग्‍गी, शारा ङोइक्‍ब नु लडाइ पाइब जहाज शुश चाक्‍शा लडाइ पाइब।

दानीएल 12:13

तन्‍न गे, दानीएल, इ लां लशा, थुं नांइसो। मिनु नोले ङा नाक्‍ती इ इनाम तचा कली बेक्‍चा रे सेंचा पुंइसीनेवे” देंत।

दानीएल 12:5

मिनु गो, दानीएलमी, अर्को मुर निक्‍शी तातासी। का खोला आ ओंथ हांबु नु अर्को खोला आ आइक्‍ची हांबुम बाक्‍ताक्‍स।

दानीएल 12:9

मिनु मेकोमी “दानीएल, गे इ लां खोतो। मारदे हना एको लोव़ नोले ङा नाक्‍त सम्‍म ख्रुइश्‍शा छाप थोक्‍शा वोइक्‍‍चा माल्‍ब।

दानीएल 8:17

मिनु मेको परमप्रभु यावे आ स्‍वर्ग ङा गेय पाइब आं राप्‍शा बाक्‍तीके आं नेक्‍था जाक्‍त। मिनु गो थाम्‍पा हिंशा खुम्‍की पा बाप्‍ती। मिनु मेकोमी आं कली “ए मुर, एको कोंइतीके नेल्‍ल क्‍येङा नोले ङा नाक्‍त आ पर्बम बाक्‍ब, दे रुपो” देंत। प्रकाश १०:६

दानीएल 8:19

मिनु मेकोमी “गो इ कली नोले ङा गाइक्‍तीक नाक्‍ती मार दुम्‍बा, तुइक्‍पाइक्‍नन। मारदे हना एको कोंइतीके नेल्‍ल क्‍येङा नोले ङा नाक्‍त कली बाक्‍ब।

दानीएल 8:26

मिनु मेको इ कली कोंइशो नाक्‍दो नाक्‍त आ पर्बम कोंइतीके कोंइशो थमा बाक्‍ब। तन्‍न गे एको कोंइतीके कली इ थुंमी ख्रुइश्‍शा वोइक्‍चा माल्‍नेवे। मारदे हना एको शुश नोले दुम्‍ब लोव़ बाक्‍ब” दे माइक्‍ती। दानीएल ८:१४; दानीएल १२:४

मत्ती 24:14

परमप्रभु यावे आ राज्‍य आ पर्बम चहिं नेल्‍ल रागी ङा मुर आन कली तुइक्‍पांइसीब। मारदे हना नेल्‍लेमी तुइक्‍चा माल्‍नीम। मिनु नोले रागी नुप्‍ची जाक्‍ब।

रोमी 10:18

मार, येसु ख्रीस्‍त आ लोव़ यहूदीपुकीम मनेन्‍मे ङा? नेंतेक्‍म। “एको लोव़ तेइ तेइ रागी नेल्‍लेमी ब्रशो बाक्‍त” दे ब्रेक्‍शो बाक्‍ब। भजन संग्रह १९:४

प्रकाश 10:4

मेको ७ ओटा बुंबु आ लोव़ ब्रेक्‍चाङानु, सरीङ रे सेंदा कामी “मेको ७ ओटा बुंबु आन लोव़ मब्रेक्‍तो, मुर आन कली मशेंदो” देंशो नेंता। दानीएल १२:४,९

प्रकाश 22:10

मिनु मेकोमी आं कली “एको किताबमी ब्रेक्‍शो लोव़ दुम्‍चाप्‍तु। मोपतीके ख्रुइश्‍शा मवोतो, पढेशा नेंपाइक्‍मी। प्रकाश १०:४; प्रकाश १:३

प्रकाश 5:1

मिनु गो मेको ठेयब नित्‍तीकेमी निप्‍ब आ ग्‍युरा गुइमी ओल्‍शो कागज का शेशो ताता। मेको कागजम निम्‍फा गे ब्रेक्‍शो बाक्‍त। मिनु मेको कागज ७ ओटा छाप थोक्‍शा, प्राक्‍ने मचाप्‍चा ङा सेल्‍शो बाक्‍त। प्रकाश ४:३; इजीकीएल २:१-१०