दानीएल 11:6 - Sunuwar Bible

⁶ मिनु बर्स का निक्‍शी नोले मेको निक्‍शी गारशा, दक्‍खिन ङा पिपम आ तमी मेको उत्तर ङा पिप कली ग्‍युंबे पा गेब। तन्‍न मेको आ सक्ति मलीब। मिनु मेको आ तौ चच यो मलीनीम। मेको पिप आ तमी, आ गेय पाइब, आ आल नु मेको कली दाक्‍ब नेल्‍ल खतम पोक्‍‍चा पुंइसीनीम।

दानीएल 11:6 ပူးပေါင်းရင်းမြစ်များ

अय्‍युब 38:15

आं अरेशो मटीबपुकीम छेङछेङ मताइनीम। मिनु मेको आन पोक्‍शो गुइ जिक्‍चा पुंइसीनीम।

भजन संग्रह 10:5

मोपा यो मारेइ मारेइम गाप्‍शा श्‍येत मजाइनीम। मारदे मेकोपुकीमी इन निसाफ पशो मताइनीमी? मेकोपुकीमी आन जोरी सत्रु आन क्‍येङा महिंथु मेको आन कली ग्रानीम। आमोस ६:३

इजीकीएल 30:21

मार लोव़ पाप्‍तु देंशा हना “ए मुर, गो इजीप्‍त रागी ङा पिप फाराओ आ गुइ जिक्‍शा गेता। मेको साचा कली मारेइ मफ्रेंसीशो बाक्‍ब। मोपा बोल्‍यो मदुम्‍ब। तरवार चलेने मचाप्‍ब।

दानीएल 11:13

मिनु उत्तर ङा पिपमी ङोंइती क्‍येङा शुश लडाइ पाइब खुप्‍ब। मिनु बर्स का निक्‍शी नोले लडाइ पचा कली शुश या कुरशा शुश लडाइ पाइब नु बारब।

दानीएल 11:15

मिनु नोले उत्तर ङा पिप जाक्‍शा, दक्‍खिन ङा राज्‍य इन गारो हिरशो सहर पुम्‍शा, आंम के सेल्‍ब। दक्‍खिन ङा लडाइ पाइब ब्रुइनीम। मिनु मेको आन नेल्‍ल क्‍येङा बोल्‍यो लडाइ पाइब आन सक्ति यो जाम्‍शा लाइब।

दानीएल 11:40

मिनु नोले ङा नाक्‍ती दक्‍खिन ङा पिपमी मेको कली लडाइ तोइब। मिनु उत्तर ङा पिपमी फश गिवार खोदेंशो पा मेको नु लडाइ पाइब। मेकोमी बग्‍गी, शारा ङोइक्‍ब नु लडाइ पाइब जहाज शुश चाक्‍शा लडाइ पाइब।

दानीएल 11:7

मिनु नोले मेको पिप आ तमी आ खिं ङा मुर का ग्रूब। मेकोमी उत्तर ङा पिप नु मेको आ मुर नु लडाइ पा, आ गारो हिरशो सहर नु दरवार ओव़नीम। मिनु मेकेर लडाइ पा ग्रानीम।

जकरिया 11:16

मारदे हना मुल गो मेको रागीमी गोठला का सेल्‍नुङ। मेकोमी बेक्‍‍शा लाइब आन कली मकोव़ब। ब्रशा गाक्‍शो आन कली मखुप्‍‍ब। रोइ पशो आन कली मसापाइक्‍ब नु रिम्‍शो भेडा आन कली मयोव़ब। तन्‍न मेकोमी दोम्‍शो भेडा आन श्‍ये ब्‍वशा, आन गेंग्रे यो चेश्‍शा ब्‍वाइ‍ब।