दानीएल 11:38 - Sunuwar Bible

³⁸ तन्‍न बोल्‍यो दरवार ङा देवता कली सेउ पाइब। आ किकी पिपीमी मेको कली मतुइश्‍शो बाक्‍तेक्‍म। मेको आन कली सुन, चांदी, हीरा नु शुश क्‍येट लाइब थोव़क गेशा ठेयब सेल्‍ब।

दानीएल 11:38 ပူးပေါင်းရင်းမြစ်များ

यसैया 44:9

मिनु “मूर्ति सेल्‍ब नेल्‍ल फश खोदेंशो बाक्‍नीम। मेको आन सेल्‍चा दाक्‍शो मूर्ति शोर गाक्‍शो बाक्‍नीम। मेको आन पर्बम शेंबपुकी मिक्‍च मताइब खोदेंशो दुम्‍शा, मारेइ मतुइक्‍नीम। मोपतीके मेको मुने दोक्‍नीम। यसैया ४५:१६; भजन संग्रह ११५:४-८; येरमीया १०:३-१६

दानीएल 11:37

मिनु मेको पिपमी आ किकी पिपी आन देवी देवता आन कली सेउ मपाइब। मिनु मीश मुर आन दाक्‍शो देवी देवता आन कली यो सेउ मपाइब। मारदे हना ‘गो देवी देवता नेल्‍ल आन क्‍येङा ठेयब नङ’ दे मिम्‍सीब। इजीकीएल ८:१४

दानीएल 11:39

मेकोमी अर्को रागी ङा देवी देवता आन कली सेउ पशा, नेल्‍ल क्‍येङा बोल्‍यो दरवार कली ग्राब। सुमी मेको कली मान पाइबा, मेको शुश शोंप पाइश्‍शो दुम्‍ब। मिनु मेको आन कली रू शुश गेशा, शुश मुर आन कली हुकुम पाइब सेल्‍ब।

दानीएल 11:7

मिनु नोले मेको पिप आ तमी आ खिं ङा मुर का ग्रूब। मेकोमी उत्तर ङा पिप नु मेको आ मुर नु लडाइ पा, आ गारो हिरशो सहर नु दरवार ओव़नीम। मिनु मेकेर लडाइ पा ग्रानीम।

१ तिमोथी 4:1

परमप्रभु यावे आ सोक्‍तीमी “नोले ङा नाक्‍तीम का निक्‍शी थमा सुइक्‍बपुकीमी थमा सुइक्‍चा प्रोंइनीम। मेको मुरपुकीमी हेंथे लां कोंइब नु जोल पाइब वोल आन शेंशो नें‍नीम” देंत। मत्ती २४:२४; २थिस्‍सलोनिकी २:३; २तिमोथी ३:१; २पत्रुस ३:३; १यूहन्‍ना २:१८; यहूदा १८

प्रकाश 18:12

आन लेयचा ङा थोव़क मार बाक्‍त देंशा हना, सुन, चांदी, हीरा, मोती, शुश क्‍येट लाइब सुती वा, प्‍याजी रङ ङा वा, रेसम वा, लल वा, ब्रोव़शो रिना पाइश्‍शो शी, हात्ती आन ख्रुइ शुश क्‍येट लाइब शी, कांसा, फलाम नु दारशो फुल्‍लु रे सेल्‍शो थोव़कपुकी बाक्‍तेक्‍म।