दानीएल 11:32 - Sunuwar Bible

³² मिनु मेको पिपमी परमप्रभु यावे आ कबल पशो मटीब मुर आन कली जोल पा आ नोले खोइक्‍ब सेल्‍ब। तन्‍न आन परमप्रभु कली तुइक्‍ब मुरपुकी बोल्‍यो दुम्‍शा, मेको कबल काइ मप्रोंइनीम।

दानीएल 11:32 ပူးပေါင်းရင်းမြစ်များ

१ इतिहास 28:9

आं तौ सोलोमन, इ आफ आ परमप्रभु कली तुइश्‍शा मालो। इ थुं नेल्‍लेमी ग्‍येरशा मेको आ नोले खोतो। मारदे हना परमप्रभु यावेमी इ थुं कोव़ना कोव़न, इन मिम्‍शो नु पशो नेल्‍ल तुइक्‍ब। गे मेको कली माल्‍तीवी हना, गे थित्‍नेवे। तन्‍न गे मेको कली प्रोंइतीवी हना, इ कली गेना हना यो कली प्रोंइब। येरमीया २९:१३-१४; १राजा ११:३१,३३

नेहेम्‍याह 4:14

मिनु गो मेको आन कली हिंशो तशा “महिनीन। नेल्‍ल क्‍येङा ठेयब नु मान पा हिंचा माल्‍शो परमप्रभु कली मिम्‍तीन। मिनु आंम लोक्‍ब, तमी तौ, मीश नु आंम खिं आ पर्बम लडाइ पने” दे ठेयब मुरपुकी, सासन पाइबपुकी नु मुर नेल्‍ल आन कली माइक्‍ता‍मी। नेहेम्‍याह १:५

भजन संग्रह 9:10

परमप्रभु यावे, इन नें तुइक्‍बपुकीमी इन कली थमा सुइक्‍नीम। मारदे हना गे इन कली माल्‍ब आन कली मप्रोंइनीनी।

हितोपदेस 19:5

जोल पा सांकछी बाक्‍ब मुर सजाइ मतथु मब्रोंइब। मिनु जोल पाइब यु बुइश्‍शा प्रोक्‍ने मचाप्‍ब। हितोपदेस २१:२८; ब्‍यवस्‍था १९:१८-२१

हितोपदेस 26:28

जोल पाइबमी सु कली जोल पवा, मेको कली काइ मदाक्‍ब। मिलो शिलो लोव़ पाइब मुरुमी नेल्‍ल खतम सेल्‍ब।

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

दानीएल 11:21

मिनु मेको पिप आ नोले मारेइ मान मपाइश्‍शो मुर का जाक्‍शा, सुइमी मतुइक्‍चा ङा पा, रिम्‍शो लोव़ पखु पा मेको राज्‍य आंम के सेल्‍ब। दानीएल ८:२३-२४

दानीएल 11:34

मिनु मोदेंशो दुम्‍मेनु, इच्‍का वारच पाइक्‍चा पुंइसीनीम। मिनु शुश मुर मेको आन नोले खोइक्‍नीम। तन्‍न थुं पाइश्‍शो मुर ला मेको आन नोले खोइक्‍‍नीम।

जकरिया 10:12

गो मेको आन कली परमप्रभु यावे कली थमा सुइक्‍तीकेम बोल्‍यो सेल्‍नुङ। मिनु मेकोपुकी मेको आं नेंम गाक्‍नीम” दे परमप्रभु यावेमी देंत।

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

प्रकाश 6:11

मिनु परमप्रभु यावे आ स्‍वर्ग ङा गेय पाइबमी मेको आन कली बुश वा का का फेक्‍चा कली गेप्‍तु। मिनु मेकोमी मेको आन कली “इच्‍का रिम्‍दीन, अर्को इन खोदेंशो पा येसु आ गेय पाइब नु अर्को थमा सुइक्‍ब लोक्‍ब इन बुदी साइक्‍चा पुंइसीमा सम्‍म रिम्‍दीन” देंत।