दानीएल 11:2 - Sunuwar Bible

² मेकोमी लेंशा परमप्रभु यावे आ स्‍वर्ग ङा गेय पाइबमी “मुल गो इ कली मेको थमा लोव़ पाइनुङ। पिप दारा आ नोले पारसी रागीमी पिप सां दुम्‍‍नीम। मिनु मेको सांमी नोले जाक्‍ब पिप मेको ङोंइती ङा सां आन क्‍येङा शुश शोंप पाइश्‍शो दुम्‍ब। मिनु मेको पिपमी आ शोंपोमी आ सक्ति बारपाइक्‍ना पाइक्‍न लशा, रागी नेल्‍ल आन कली ग्रीस राज्‍य नु लडाइ पचा कली पोक्‍ब। दानीएल १०:२१

दानीएल 11:2 ပူးပေါင်းရင်းမြစ်များ

एज्रा 4:24

मे नोले यरूसलेममी परमप्रभु आ खिं सेल्‍तीक गेय देक्‍त। मिनु मोदेंशो पा पारसी ङा पिप दारा आ सासन पशो बर्स निक्‍शी जाक्‍दीम सम्‍म मेको सेल्‍तीक गेय देक्‍शा लीत।

एज्रा 4:7

मिनु बिश्‍लाम, मिथ्रेदाथ, ताबेल नु मेको आ वारच नेल्‍ल गारशा पारसी ङा पिप आरता-सास्‍त कली ब्रेक्‍स का ब्रेक्‍ताक्‍म। मेको ब्रेक्‍स अरामी आन लोव़मी ब्रेक्‍शो बाक्‍त। मिनु मेको आ अर्थ यो ब्रेक्‍शो बाक्‍त।

एस्‍तर 1:1

एको लोव़ नेल्‍ल अहासूरस माइश्‍शो पिप आ पालाम दुम्‍शो लोव़ बाक्‍ब। अहासूरसमी भारत रे एथीयोपीया माइश्‍शो कूश रागी सम्‍म पा १२७ ओटा रागी आन कली सासन पाइब बाक्‍‍त।

हितोपदेस 22:21

मारदे ब्रेक्‍ताक्‍ङ देंशा हना, इ कली मार ठीक बाक्‍बा नु मार थमा बाक्‍बा, दे कोंइचा कली ब्रेक्‍ताक्‍ङ। मोपा गे इ कली सोइक्‍ब आन कली थमा लोव़ लेन्‍ने चाप्‍नेवे।

दानीएल 10:1

मिनु पारसी रागी ङा कोरेस पिप दुम्‍शो बर्स सां दुम्‍‍मेनु, परमप्रभुमी बेल्‍त-शजर माइश्‍शो दानीएल कली लोव़ का तुइक्‍पाइक्‍तु। मेको लोव़ थमा बाक्‍त। ठेयब श्‍येत आ पर्बम बाक्‍त। मेको दानीएलमी मेको कोंइतीक तशा, रुप्‍तीक थुं यो ताप्‍तु। दानीएल १:२१; दानीएल १:७

दानीएल 11:25

मिनु उत्तर ङा पिपमी आ बोल्‍यो लडाइ पाइब आन कली लाइश्‍शा, आ सक्ति नेल्‍लेमी दक्‍खिन ङा पिप नु लडाइ पाइब। मिनु दक्‍खिन ङा पिपमी यो ठेयब हिक्‍ने मचाप्‍चा ङा लडाइ पाइब लाइश्‍शा, मेको नु लडाइ पाइब। तन्‍न मेको पिप ब्रुइब। मारदे हना आ मुरुमी मेको कली जोल पा मग्रापाइक्‍नीम।

दानीएल 7:5

मिनु मेको आ नोले अर्को जन्‍तु का ग्रूत। मेको वां खोदेंशो बाक्‍त। मेकोमी का पटटी रे बोक्‍शा, जेरी सां आ शोव़म काम्‍शो बाक्‍त। मिनु मेको कली “बोक्‍को, श्‍ये शुश ब्‍वावो” देंशो नेंता।

दानीएल 8:21

मिनु मेको बोका चहिं ग्रीस रागी ङा पिप बाक्‍ब। मेको आ मिक्‍च आन दाते ङा ठेयब ग्रोव़, मेकेर ङा नेल्‍ल क्‍येङा ङोंइती ङा पिप बाक्‍ब। दानीएल ११:३

दानीएल 8:26

मिनु मेको इ कली कोंइशो नाक्‍दो नाक्‍त आ पर्बम कोंइतीके कोंइशो थमा बाक्‍ब। तन्‍न गे एको कोंइतीके कली इ थुंमी ख्रुइश्‍शा वोइक्‍चा माल्‍नेवे। मारदे हना एको शुश नोले दुम्‍ब लोव़ बाक्‍ब” दे माइक्‍ती। दानीएल ८:१४; दानीएल १२:४

दानीएल 8:4

मिनु गो मेको सांडम पच्‍छिम, उत्तर नु दक्‍खिन गे ख्रुना ख्रुन पशो ताता। अरु जन्‍तु नेल्‍ल मेको आ ङोंइती राप्‍ने मचाप्‍बाक्‍तेक्‍म। मिनु सुइमी मेको आ सक्ति रे प्रोंइने मचाप्‍बाक्‍तेक्‍म। मेकोमी आ दाक्‍शो पशा, आ सक्ति बारत। दानीएल ८:४

आमोस 3:7

थमा पा, परमप्रभु यावेमी आ लोव़ पाइब आन कली मदेंथु, मारेइ मपाइब। उत्‍पत्ती १८:१७

यूहन्‍ना 10:35

परमप्रभु यावेमी आ लोव़ नेंब आन कली आ तमी तौ देंब। मिनु मेको किताब ङा लोव़ मक्‍याम्‍सीब। मत्ती ५:१७

प्रकाश 21:5

मेको ठेयब नित्‍तीकेमी निप्‍बमी “नेनीन, गो नेल्‍ल नक सेल्‍नुङमी” देंत। मिनु नोले मेकोमी आं कली “मेको लोव़ ठीक नु थमा बाक्‍ब। मोपतीके ब्रेक्‍तो” देंत।