दानीएल 11:18 - Sunuwar Bible

¹⁸ मिनु नोले मेकोमी समुन्‍द्र आ नेक्‍था बाक्‍शो रागी नु लडाइ पा, शुश रागी आंम के सेल्‍ब। तन्‍न आ लडाइ पाइब आन ठेयब मुर कामी मेको आ ठेयब लेश्‍शो थुं थमा पा खतम पोक्‍‍शा गेब।

दानीएल 11:18 ပူးပေါင်းရင်းမြစ်များ

एस्‍तर 10:1

मिनु पिप अहासूरसमी आ रागी ङा मुर आन कली नु समुन्‍द्र ङा टापुपुकीम बाक्‍ब मुर आन कली तिरो थाप्‍पाइक्‍तु।

यसैया 66:19

मिनु गो मेको आन दातेमी चिन्‍ड का वोइक्‍नुङ। मिनु मेको आन दाते ङा प्रोंइशो आन कली रागी रागीम सोइक्‍नुङमी। गो मेको आन कली टारशीश, पूत नु लूद सोइक्‍नुङमी। लूद ङा मुर चहिं लिब्रा आप्‍ब बाक्‍‍नीम। गो तूबल, यावान नु समुन्‍द्र आ नेक्‍था ङा रागी मेर सोइक्‍नुङमी। मेकोपुकीमी आं नें मतुइक्‍ब आं छेङछेङ मताइब रागी रागी ङा मुर आन कली आं पर्बम शेंनीम। मत्ती १८:१९ तूबल नु यवान ग्रीस रागी बाक्‍ब।

येरमीया 2:10

कित्तीम माइश्‍शो साइप्रस ङा समुन्‍द्र आ नेक्‍था बाक्‍ब आन कली कोव़ङीन। केदारमी क्‍यारी पाइब मुर सोइश्‍शा कोव़ङीन। मार, मेकेर मोदेंशो गेय दुम्‍शो बाक्‍बा?

येरमीया 31:10

गे रागी रागी ङा मुरपुकी, परमप्रभु यावे आ लोव़ नेनीन। ङोन ङा समुन्‍द्र आ नेक्‍था ङा रागी नेल्‍ल आन कली नेंपतीन। मेको आन कली ‘इस्राएल कली ब्रपाइक्‍बम मेको आन कली ग्रुम्‍पाइक्‍ब। मिनु गोठलाम आन बगाल आन कली खाल पशो खोदेंशो पा, मेकोमी इस्राएली आन कली कोव़ब’ देंत।

इजीकीएल 27:6

मेकोपुकीम इ ब्‍वाक्‍क शाक्‍तीके बाशान ङा बोल्‍यो शी के सेल्‍तेक्‍म। इ थेक्‍शा गाक्‍तीक साइप्रस ङा समुन्‍द्र आ शुंइच रे चाक्‍शो तोव़शी रवा आ शी के सेल्‍शा हात्ती आ दारा के बुटा आप्‍शा सेल्‍तेक्‍म।

होसे 12:14

तन्‍न एफ्राइममी परमप्रभु कली चुरपाइश्‍शो बाक्‍ब। मोपतीके परमप्रभुमी आ पशो हुश ख्राक्‍श पोक्‍तीके आ पर्बम सजाइ गेब। मेकोमी दोदेंशो पवा, मोदेंशो पा क्‍येक्‍क लेत्‍चा पुंइसीब” दे परमप्रभुम देंत।

सेफन्‍याह 2:11

परमप्रभु यावेमी मेको आन कली थम मरिम्‍शो पाइब। रागी ङा देवी देवता नेल्‍ल आन कली खतम पोक्‍ब। नेल्‍ल आन बाक्‍तीकेमी बाक्‍शा, मेको आ ङोंइती बाप्‍चा माल्‍नीम। रागी रागी समुन्‍द्र आ सुंगी नु टापु ङा मुर नेल्‍ल परमप्रभु यावे आ ङोंइती बाप्‍नीम’ देंत।

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

न्‍यायाधीस 1:7

मिनु अदोनी-बेसेकमी “गुइ खोइल ङा बोंग्‍ये ख्रोइश्‍शो ७० जना पिपमी आं निश्‍शा जतीक रे दोक्‍शो जचा थोव़क जाम्‍तेक्‍म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्‍तु” देंमाक्‍त। मिनु यहूदा ङा मुरपुकीमी मेको पिप कली यरूसलेम चाक्‍गमे बाक्‍त। मिनु मेको मेकेर बेक्‍माक्‍त।