दानीएल 11:16 - Sunuwar Bible

¹⁶ मिनु उत्तर ङा पिपम मार पचा दाक्‍बा, मेको पाइब। मिनु सुइमी मेको कली तेक्‍ने मचाप्‍नीम। मिनु मेकोम नेल्‍ल क्‍येङा दारशो रागी आंम के सेल्‍शा, मारेइ मारेइ खतम सेल्‍ब। दानीएल ८:९

दानीएल 11:16 ပူးပေါင်းရင်းမြစ်များ

यसैया 8:8

मिनु मेको बारशा, यहूदा आ शुर सम्‍म जाक्‍दीत्‍नीम। आ लडाइ पाइबपुकीमी हाम्‍शो फ्रांम खोदेंशो पा इन रागी नेल्‍ल सुम्‍नीम। तन्‍न इम्‍मानुएल, परमप्रभु यावे गे नु बाक्‍ब” देंत।इम्‍मानुएल आ अर्थ “परमप्रभु यावे गे नु बाक्‍ब” देंशो बाक्‍ब। यसैया ७:१४

येरमीया 3:19

मिनु गो इन कली आंम आल आन दातेमी बाक्‍चा गेनुङ। गो इन कली रिम्‍शो रागी का गेनुङ। मेको रागी नेल्‍ल आन दाते ङा नेल्‍ल क्‍येङा दारशो रिम्‍शो रागी बाक्‍ब। मिनु गे आं कली ‘आं आफ’ देंनीनी। गे नोले मशोइक्‍ब दुम्‍नीनी, दे मिम्‍ताक्‍ङ। ब्‍यवस्‍था ७:६; ब्‍यवस्‍था ३२:६; ब्‍यवस्‍था ८:७; येरमीया ३:४

दानीएल 11:3

मिनु नोले शुश लडाइ पाइब पिप का जाक्‍ब। मेकोमी शुश रागी कली सासन पाइब। मिनु मेकोमी मार दाक्‍बा, मेको पाइब। दानीएल ८:२१

दानीएल 11:36

पिपमी मार दाक्‍बा, मेको पाइब। मिनु मेकोमी ‘देवी देवता नेल्‍ल आन क्‍येङा ठेयब नङ’ देंब। मिनु परमप्रभु नेल्‍ल आन क्‍येङा ठेयब परमप्रभु आ पर्बम गेनायो मनेंसीशो मरिम्‍शो लोव़ पाइब। मेको आ नोले ङा नाक्‍त मजाक्‍म सम्‍म आ माल्‍शो ताइब। परमप्रभुमी मेको कली सजाइ मगेवा सम्‍म मोदेंशो दुम्‍‍ब। मारदे हना परमप्रभुमी मार पचा मिम्‍बा, मेको पाइब। २थिस्‍सलोनिकी २:४; दानीएल ७:८,२५; प्रकाश १३:५-६

दानीएल 11:41

मिनु मेको रागी रागी नु लडाइ पा, ठेयब खोला खोदेंशो पा बारब। मिनु मेको दारशो रागी ओव़शा, हजार हजार मुर आन कली साइक्‍ब। तन्‍न एदोम, मोआब रागी नु अम्‍मोनी आन रागी ङा नेल्‍ल क्‍येङा ठेयब बाक्‍तीके मेको आ गुइमी मदुम्‍‍नीम। दानीएल ११:१६

दानीएल 11:45

मिनु मेकोमी ठेयब समुन्‍द्र नु नेल्‍ल क्‍येङा दारशो परमप्रभु आ सहर ङा डांडा आस दातेमी आ बाक्‍तीक ताम्‍बु की‍ब। मो पाप्‍तु हना यो, मेको बेक्‍ब। सुइमी मेको कली वारच मपाइनीम” दे स्‍वर्ग ङा गेय पाइबम देंत।

दानीएल 5:19

मोपा परमप्रभुमी मेको कली ठेयब दुम्‍तीके गेतीके जात जात नु रागी रागी ङा आंम आंम लोव़ पाइब मुर नेल्‍ल मेको क्‍येङा हिंशा, ख्रिंख्रि पाम्‍तेक्‍म। मिनु मेकोमी सु कली साइक्‍चा दाक्‍ता, मेको कली साइक्‍तु। सु कली ब्रोंइचा गेचा दाक्‍ता, मेको कली ब्रोंइचा गेप्‍तु। मिनु मान बारपाइक्‍चा दाक्‍शो कली मान बारपाइक्‍तु। सु कली दिप्‍चा दाक्‍ता, मेको कली दिप्‍तु।

दानीएल 8:4

मिनु गो मेको सांडम पच्‍छिम, उत्तर नु दक्‍खिन गे ख्रुना ख्रुन पशो ताता। अरु जन्‍तु नेल्‍ल मेको आ ङोंइती राप्‍ने मचाप्‍बाक्‍तेक्‍म। मिनु सुइमी मेको आ सक्ति रे प्रोंइने मचाप्‍बाक्‍तेक्‍म। मेकोमी आ दाक्‍शो पशा, आ सक्ति बारत। दानीएल ८:४

दानीएल 8:7

मिनु गो मेको सांड गे दोरशो ताता। मेको थाम्‍पा गाइश्‍शा, मेको सांड कली ख्रुशा, आ ग्रोव़ निम्‍फा जिक्‍ताक्‍व। मेको सांड बोल मपाइश्‍शो दुम्‍शा, मेको बोका कली मारेइ पने मचब। मेको बोकामी मेको सांड कली खपीम तोक्‍शा, आ खोइलीमी दिम्‍ताक्‍व। मिनु सुइमी मेको सांड कली बोका आ सक्ति रे प्रोंइने मचबेम।

दानीएल 8:9

मिनु मेको ४ ओटा ग्रोव़ आन दाते ङा का रे अर्को इम्‍चीली ग्रोव़ का ग्रूत। मिनु मेको नक ग्रूशो ग्रोव़ दक्‍खिन, पूर्ब गे नु दारशो रागी गे कोव़शा थाम्‍पा ठेयब दुम्‍शा कोल्‍त। दानीएल ७:८

यहोसु 1:5

गे मबेक्‍ङे सम्‍म इ कली सुइमी यो फ्रुने मचाप्‍नीम। गो दोपा मोसा नु बाक्‍ङा, मोपा गे नु यो बाक्‍नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्‍यवस्‍था ३१:७,८; हिब्रू १३:५