14 मेना शुश रागी ङा मुरपुकी यो दक्खिन ङा पिप नु लडाइ पचा कली बोक्नीम। मिनु आ मुर आन दाते ङा रोइक्ब नु साइक्ब यो बोक्नीम, दे कोंइतीके कोंइशो गाप्चा कली बाक्ब। तन्न मेकोपुकी मग्रानीम।
मिनु उत्तर ङा पिपमी ङोंइती क्येङा शुश लडाइ पाइब खुप्ब। मिनु बर्स का निक्शी नोले लडाइ पचा कली शुश या कुरशा शुश लडाइ पाइब नु बारब।
मिनु नोले उत्तर ङा पिप जाक्शा, दक्खिन ङा राज्य इन गारो हिरशो सहर पुम्शा, आंम के सेल्ब। दक्खिन ङा लडाइ पाइब ब्रुइनीम। मिनु मेको आन नेल्ल क्येङा बोल्यो लडाइ पाइब आन सक्ति यो जाम्शा लाइब।
मारदे मोदेंशो पाइनीम देंशा हना, परमप्रभु यावेमी आ देंशो थमा दुम्पाइक्चा कली मेको आन थुं का दुम्पाइक्तीमी। मिनु मोपा मेको १० जना पिपमी राज्य नु सक्ति ठेयब जन्तु कली गेनीम। परमप्रभु यावे आ लोव़ खाप्चा कली मोदेंशो दुम्ब।