दानीएल 10:6 - Sunuwar Bible

⁶ मिनु मेको आ रां बेरील माइश्‍शो हीरा खोदेंशो बाक्‍त। आ कुल चिला खोदेंशो बाक्‍त। आ मिक्‍च ब्रशो तोव़शी खोदेंशो बाक्‍त। मेको आ गुइ खोइली थाम्‍पा खुइश्‍शो कांसा खोदेंशो पा टल्‍केशो बाक्‍तेक्‍म। मेको आ सेंदा शुश मुर आन लोव़ पशो खोदेंशो नेंसाक्‍ब। इजीकीएल १:२७-२८

दानीएल 10:6 ပူးပေါင်းရင်းမြစ်များ

प्रस्‍थान 28:20

मिनु नेल्‍ल क्‍येङा नोले ङा लस्‍कर पीतमनी माइश्‍शो हीरा, लल रङ ङा ओनीक्‍स नु नीलो बिलौरा माइश्‍शो हीरा वोइक्‍पाइक्‍चा माल्‍नेवे। मोपा हीरा नेल्‍ल आन कली सुनम क्‍येप्‍पाइक्‍चा माल्‍नेवे।

ठेयब कुम्सो 5:14

मेको आ गुइ हीरा केप्‍शो सुन के खोदेंशो बाक्‍ब। मेको आ रां हात्ती आ दाराम नीलो हीरा क्‍येप्‍शो खोदेंशो बाक्‍ब।

इजीकीएल 1:14

मेको सोक्‍त पाइश्‍शोपुकी चिला आप्‍शो खोदेंशो पा एर ओंथ बेरबाक्‍तेक्‍म।

इजीकीएल 1:16

मेको गुगील दोदेंशो बाक्‍तेक्‍म देंशा हना, मेको जिल जिल पाइब पीत मनी माइश्‍शो हीरा खोदेंशो बाक्‍तेक्‍म। मेको गुगील आगाम अर्को गुगील बाक्‍तेक्‍म।

इजीकीएल 1:24

मेको गाक्‍मानु, गो मेको आन फ्रां आन रेयके, ठेयब समुन्‍द्र आ रेयके खोदेंशो नेंता। मेको रेयके नेल्‍ल क्‍येङा सक्ति पाइश्‍शो बुंबु पाइब नु लडाइ पाइब आन ग्रांग्‍ये माग्‍ये पोक्‍शो रेयके खोदेंशो नेंता। मेको सोक्‍त पाइश्‍शोपुकी राम्‍मानु, आन फ्रां लुक्‍च तोक्‍बाक्‍तेक्‍म।

इजीकीएल 1:7

मेको आन खोइल दिंसीशो बाक्‍तेक्‍म। बाछा आन गेंच खोदेंशो बाक्‍तेक्‍म। मेको आन खोइल खुइश्‍शो कांसा खोदेंशो पा टल्‍केशो बाक्‍तेक्‍म।

इजीकीएल 10:9

मिनु कोव़ङुनु, मेकेर ४ ओटा गुगील करूब आन नेक्‍था बाक्‍तेक्‍म। करूब का आ नेक्‍था गुगील का बाक्‍त। मेको गुगीलपुकी टल्‍केशो पित मनी माइश्‍शो हीरा खोदेंशो बाक्‍तेक्‍म।

इजीकीएल 40:3

मिनु मेकोम आं कली मेकेर लदानु, गो मेकेर मुर का ताता। मेकेर कांसा खोदेंशो टल्‍केशो मुर का बाक्‍त। मेको आ गुइम सुती के डोरी नु पुक्‍तीक कोक्‍के का बाक्‍त। मेको ठेयब लाप्‍चो आ नेक्‍था राप्‍शो बाक्‍त। इजीकीएल ४७:३; जकरिया २:५ प्रकाश २१:१५

इजीकीएल 8:2

मिनु गो कोव़ङुनु, मुर खोदेंशो का ताता। मिनु मेको आ क्रातो ङा लुक्‍चु ब्रशो मी खोदेंशो नु आ क्रातो ङा ग्‍येत्‍थ जिलजिल पा टल्‍केशो कांसा खोदेंशो बाक्‍त। इजीकीएल १:२७; इजीकीएल १:४

मत्ती 17:2

मिनु मेको आन ङोंइती येसु फांइसेनु, मेकोपुकीमी आ कुल नां खोदेंशो नु आ फेक्‍शो वा बुबु पा जिलील पा बुश दुम्‍शो तामे बाक्‍त। २पत्रुस १:१६-१८; प्रकाश १:१६

मत्ती 28:3

मेको आ कुल चिला पशो खोदेंशो नु आ वा बुबु पा छेङछेङ तांइसे बाक्‍त। मत्ती १७:२; प्रेरित १:१०

लूका 9:29

मिनु येसुमी प्रार्थना पवानु, फांइसी‍शा आ कुल बुबु देंशो नु आ फेक्‍शो वा यो बुबु पा तांइसे बाक्‍त।

प्रकाश 10:1

मिनु नोले गोमी सक्ति पाइश्‍शो परमप्रभु यावे आ स्‍वर्ग ङा गेय पाइब का गोस्‍सुमी गिल्‍सीशा, रागीमी यिशो ताता। मेको आ पियामी वाक्‍श दाप्‍शो बाक्‍त। मिनु मेको आ कुल नां खोदेंशो नु आ खोइली हुरुर पा ब्रशो मी के थाम खोदेंशो तांइसाक्‍व।

प्रकाश 19:12

मिनु मेको दोदेंब तांइसाक्‍व देंशा हना, मेको आ मिक्‍च हुरुर पा ब्रशो मी खोदेंशो तांइसाक्‍व। आ पियामी शुश मुकुटपुकी बाक्‍तेक्‍म। मिनु मेको तारी नें का ब्रेक्‍शो बाक्‍त। मेको नें सुइमी मतुइक्‍नीम। मेकोम ला तुइक्‍ब। प्रकाश १:३४; प्रकाश ३:१२

प्रकाश 2:18

मिनु परमप्रभु यावे आ तौमी आं कली थिआटीरा सहर ङा थमा सुइक्‍ब आन शेंब कली ब्रेक्‍पाइक्‍ती। एको आ मिक्‍च हुरुर पा ब्रशो मी खोदेंशो तांइसीशो नु आ खोइली याप्‍पाइश्‍शो टल्‍केशो कांसा खोदेंशो तांइसीशो आ लोव़ बाक्‍ब। प्रेरित १६:१४; प्रकाश १:१४-१५

प्रकाश 21:20

मेको आ नोले ङा जग सुन्‍तला रङ ङा सारदोनीक्‍स माइश्‍शो हीरामी ग्‍योम्‍शो बाक्‍त। मेको आ नोले ङा जग लल सारदीस माइश्‍शो हीरामी ग्‍योम्‍शो बाक्‍त। मेको आ नोले ङा जग हौ नु गिगी ब्‍वाइश्‍शो क्रीसोलीथ माइश्‍शो हीरामी ग्‍योम्‍शो बाक्‍त। मेको आ नोले ङा जग सुन रङ ङा बेरील माइश्‍शो हीरामी ग्‍योम्‍शो बाक्‍त। मेको आ नोले ङा जग शुश हौ तोपास माइश्‍शो हीरामी ग्‍योम्‍शो बाक्‍त। मेको आ नोले ङा जग गिगी क्रीसोप्रास माइश्‍शो हीरामी ग्‍योम्‍शो बाक्‍त। मेको आ नोले ङा जग लल नु नीलो ब्‍वाइश्‍शो हीयाचीन्‍त माइश्‍शो हीरामी ग्‍योम्‍शो बाक्‍त। मिनु नेल्‍ल क्‍येङा नोले ङा जग प्‍याजी रङ ङा आमेथीस्‍त माइश्‍शो हीरामी ग्‍योम्‍शो बाक्‍त।