दानीएल 10:3 - Sunuwar Bible

³ मेको हप्‍ता सां सम्‍म गो ब्रोव़शो मारेइ जचा थोव़क मजङ। श्‍ये मब्‍वङ। अङगुर शांबु यो मतूङु। मिनु तेल यो मख्रेक्‍सीङ।

दानीएल 10:3 ပူးပေါင်းရင်းမြစ်များ

२ सामुएल 19:24

सावल आ चच मेफी-बोशेथ यो दाऊद पिप कली ग्रुम्‍थ उइ यिमाक्‍त। मेकोम पिप गाक्‍म रे ग्राशा मलेम्‍म सम्‍म आ खोइल ङा ग्‍ये यो मख्रोदा बाक्‍त। आ गल शोक्रे यो मप्रेक्‍गा बाक्‍त। आ वा यो ममुरशो बाक्‍माक्‍त। २सामुएल ९:६

अय्‍युब 33:20

मोपा मेकोपुकीम आन जचा थोव़क ग्रांग्रा दीनीम। मिनु थम ब्रोव़शो जचा थोव़क यो मदाक्‍नीम।

दानीएल 10:12

मिनु मेकोमी आं कली “दानीएल, महिंनो, गे रुप्‍चा माल्‍शा ङोंइती ङा नाक्‍ती रे इ परमप्रभु आ ङोंइती आंम कली ब्रेम्‍शो सेल्‍साक्‍वे, इ पुंइशो नेंतीके गो एक जाक्‍ती।

दानीएल 11:8

मेकोमी मेको आन देवी देवता आन मूर्तिपुकी नु सुन चांदी के बोसपुकी रोइश्‍शा, इजीप्‍त रागीमी लाइक्‍ब। मिनु मे नोले उत्तर ङा पिप नु बर्स का निक्‍शी सम्‍म लडाइ मपाइब।

दानीएल 6:18

मिनु पिप आ दरवारम लेश्‍शा लशा, मेको नाक्‍दो माइजा बाक्‍शा, मारेइ जचा थोव़क आ बाक्‍तीकेम मचाक्‍पद। मिनु मइप्‍थु, नां सोंइताक्‍व।

आमोस 5:11

मारदे हना गे प्रुङग आन कली दिम्‍‍नीनी। मेको आन कली गेन कि गेन, दे शुश अन्‍न थाप्‍पाइक्‍नीनी। गे ख्रोइश्‍शो फुल्‍लु के खिं सेल्‍तीनी। तन्‍न मेकेर बाक्‍चा मताइनीनी। रिम्‍शो अङगुर रू सेल्‍तीनी। तन्‍न अङगुर शांबु तूचा मताइनीनी। सेफन्‍याह १:१३

नहुम 2:9

मेको आ सुन नु चांदी रोइक्‍तीन। आ शोंप हिक्‍ने मचाप्‍चा ङा पा शुश बाक्‍नीम। शुश क्‍येट लाइब मारेइ मारेइ बाक्‍ब।

मत्ती 6:17

गेपुकी चहिं बर्त बाक्‍नीनु, चांमी तेल ख्रेक्‍शा, कुल चिक्‍शा, इन बुं जिप्‍शा बाक्‍कीन।

लूका 7:46

गेमी आं पियाम तेल मख्रेक्‍ती। एकोमी दा आं खोइलीम तेल ख्रेक्‍ताक्‍यी।

१ कोरिन्‍थी 9:27

तन्‍न आं रां कली हेंथे पचा मगेथु, गेय पाइब वाइल खोदेंशो सेल्‍नुङ। मारदे हना अरु आन कली मोदेंशो शेंताक्‍ङमी। मिनु गो आंम आं देंशो मपाता हना, आं कली सुइमी महिक्‍नीम। रोमी १३:१४