दानीएल 10:20 - Sunuwar Bible

²⁰ मिनु मेकोमी “गो इ बाक्‍तीकेम मारदे जाक्‍ङा, तुइक्‍नेवे? गो पारसी राज्‍य कली कोव़ब सैतान आ गेय पाइब नु लडाइ पचा कली लेत्‍चा माल्‍नुङ। गो ग्राङा नोले ग्रीस रागी ङा सैतान आ गेय पाइब जाक्‍ब।

दानीएल 10:20 ပူးပေါင်းရင်းမြစ်များ

एज्रा 4:4

मिनु नोले मेको रागी ङा मुरपुकीमी यहूदी आन कली आन थुं तोक्‍शा गेम्‍तेक्‍म। मिनु मेको खिं मसेल्‍पाइक्‍‍चा कली हिंच कोंइताक्‍म।

यसैया 37:36

मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८

दानीएल 10:13

तन्‍न पारसी राज्‍य कली कोव़ब सैतान आ गेय पाइबमी गो नु २१ नाक्‍त सम्‍म लडाइ पा तेक्‍ती। मिनु परमप्रभु यावे आ स्‍वर्ग ङा ठेयब गेय पाइब मिकाएल जाक्‍शा, आं कली वारच पाइक्‍ती। मिनु गो जाक्‍चा ताता। यसैया २४:२१

दानीएल 7:6

मिनु गो कोव़शा बाक्‍ङानु, नोले अर्को जन्‍तु का ग्रूत। मेको जोइ खोदेंशो बाक्‍त। मेको आ चीमी ४ ओटा चिक्‍ब आ फ्रां खोदेंशो फ्रां बाक्‍तेक्‍म। मिनु मेको के ४ ओटा पिया बाक्‍तेक्‍म। मिनु मेकोमी सासन पतीक अधिकार ताप्‍तु।

दानीएल 8:21

मिनु मेको बोका चहिं ग्रीस रागी ङा पिप बाक्‍ब। मेको आ मिक्‍च आन दाते ङा ठेयब ग्रोव़, मेकेर ङा नेल्‍ल क्‍येङा ङोंइती ङा पिप बाक्‍ब। दानीएल ११:३

प्रेरित 12:23

पिप हेरोदमी परमप्रभु यावे कली मान मपथु, आंमान ठेयब सेल्‍सीतीके परमप्रभु यावे आ स्‍वर्ग ङा गेय पाइबमी मेको कली रोइ पपदा बाक्‍त। मिनु मेको हेरोद लुस्‍पु जोल्‍शा बेक्‍माक्‍त। दानीएल ५:२०