दानीएल 1:7 - Sunuwar Bible

⁷ मिनु दरवार ङा ठेयब गेय पाइबमी मेको आन नें फाइश्‍शा, दानीएल कली बेल्‍त-शजर, हनान्‍याह कली शद्रक, मीशाएल कली मेशक नु अजारयाह कली अबेद-नेगो वोदा बाक्‍त।

दानीएल 1:7 ပူးပေါင်းရင်းမြစ်များ

उत्पत्ती 41:45

मिनु फाराओमी योसेफ कली साफेनाथ-पानेआह, दे नक नें वोदा बाक्‍त। मिनु योसेफ कली पोतीफेरा माइश्‍शो ओन सहर ङा नाक्‍सो आ तमी आसेनाथ नु ग्‍युंबे पाइक्‍ता बाक्‍त। मिनु योसेफ इजीप्‍त रागी नेल्‍ल कोव़थ हिरचा गोवा बाक्‍त।

२ राजा 23:34

मिनु फाराओ नेकोमी योसीयाह आ तौ एल्‍याकीम कली मेको आ आफ योसीयाह आ पा ङा पिप सेल्‍शा वोदा बाक्‍त। मिनु फाराओ नेकोमी मेको आ नें एल्‍याकीम रे येहो-याकीम वोदा बाक्‍त। तन्‍न मेकोमी येहो-अहाज कली इजीप्‍त रागी लदा बाक्‍त। मिनु मेको इजीप्‍त उइ बेक्‍माक्‍त। १इतिहास ३:१५

२ राजा 24:17

बेबीलोन ङा पिपमी येहो-याकीन आ बकान्‍छा मत्तन्‍याह कली मेको आ पा ङा पिप सेला बाक्‍त। मिनु मेको आ नें सिदकीयाह वोदा बाक्‍त।

दानीएल 1:19

मिनु पिपमी मेकोपुकी नु लोव़ पाप्‍तु। मिनु दानीएल, हनान्‍याह, मीशाएल नु अजारयाह खोदेंशो जोक्‍ब तुइक्‍ब आ रागीमी अरु सुइ मथिद। मोपतीके मेको ४ जना पिप आ दरवारम गेय पचा कली योव़चा पुंइसाक्‍म।

दानीएल 1:3

मिनु पिपमी आ दरवार ङा ठेयब गेय पाइब अश्‍पेनास कली “ग्‍याइश्‍शा लाइक्‍चा पुंइसीशो इस्राएली, पिप आ खिं ङा नु ठेयब मुर आन खिं ङा मुर आन कली योव़शा एक चाक्‍को। २राजा २०:१८

दानीएल 10:1

मिनु पारसी रागी ङा कोरेस पिप दुम्‍शो बर्स सां दुम्‍‍मेनु, परमप्रभुमी बेल्‍त-शजर माइश्‍शो दानीएल कली लोव़ का तुइक्‍पाइक्‍तु। मेको लोव़ थमा बाक्‍त। ठेयब श्‍येत आ पर्बम बाक्‍त। मेको दानीएलमी मेको कोंइतीक तशा, रुप्‍तीक थुं यो ताप्‍तु। दानीएल १:२१; दानीएल १:७

दानीएल 2:26

मिनु पिपमी बेल्‍त-शजर नें वोइश्‍शो दानीएल कली “गे आं तशो ङोमु शोव़शा, मेको आ अर्थ मार बाक्‍बा मेको शेंने चाप्‍नेवे?” दे हिल्‍लो पाप्‍तु।

दानीएल 2:49

मिनु दानीएलमी “शद्रक, मेशक नु अबेद-नेगो आन कली बेबीलोन रागी ङा सासन पतीक गेय गेचा” दे पिप नु लोव़ पा पुंइतु। दानीएल चहिं पिप आ दरवारमीन बाक्‍त। दानीएल ३:१२

दानीएल 4:5

मिनु गो आं दरवारम बाक्‍ङानु, ङोमु का ताता। मेको तशा, थाम्‍पा हिंती। आं थुंमी मार मार मिम्‍शा, मेको कोंइतीके तशा, ख्रिंख्रि पाता।

दानीएल 4:8

मिनु नेल्‍ल क्‍येङा नोले दानीएल आं ङोंइती जाक्‍त। मेको आ नें आं देवता आ नें खोदेंशो पा बेल्‍त-शजर बाक्‍त। मिनु मेको आ आगाम नेल्‍ल क्‍येङा ठेयब देवता आ सोक्‍त बाक्‍त। मिनु मेको कली गो ङोमु का ताता” दे शोव़ता। दानीएल ५:११,१४

दानीएल 5:12

मिनु पिपमी मेको कली बेल्‍त-शजर, दे नें वोइश्‍शो बाक्‍त। मारदे हना मेको बेल्‍त-शजर माइश्‍शो दानीएल तुइक्‍तीक नु ङोमु आ अर्थ शेंतीक, ख्रुइश्‍शो लोव़ तुइक्‍ब नु मारेइ मारेइ ठेयब श्‍येत रे ग्रुंइने चाप्‍ब बाक्‍ब। मिनु मुल मेको दानीएल कली ब्रथ सोइक्‍तीन। मिनु मेकोमी मेको ब्रेक्‍स पढेशा, रुप्‍पाइक्‍ने चाप्‍ब” देंत। दानीएल १:१७