दानीएल 1:6 - Sunuwar Bible

⁶ मिनु मेको योव़चा पुंइसीशो आन दातेमी यहूदा आ थर ङा दानीएल, हनान्‍याह, मीशाएल नु अजारयाह बाक्‍तेक्‍म।

दानीएल 1:6 ပူးပေါင်းရင်းမြစ်များ

इजीकीएल 14:14

मेकेर नोआह, दानीएल नु अय्‍युब सांफा बाक्‍तेक्‍म हना यो, मेकोम आन ठीक पतीकेम आंमा ला ब्रोंइचा ताम वा, दे परमप्रभु, परमप्रभु यावेमी देंशो बाक्‍ब” देंत। येरमीया १५:१

इजीकीएल 14:20

मिनु मेकेर नोआह, दानीएल नु अय्‍युब बाक्‍तेक्‍म हना यो, गो आं ब्रोंइशा बाक्‍शो खोदेंशो पा मेकोम आन तमी तौ आन कली प्रोंइने मचबेम वा। मेको आन ठीक पतीकेम आंमा ला ब्रोंइम वा” देंत।

इजीकीएल 28:3

गे दानीएल क्‍येङा यो जोक्‍ब तुइक्‍ब बाक्‍नेवे। मारेइ ख्रुइक्‍तीक लोव़ इ रे मख्रुंइसी‍शो बाक्‍ब। इजीकीएल १४:१४; दानीएल १:१७

दानीएल 1:19

मिनु पिपमी मेकोपुकी नु लोव़ पाप्‍तु। मिनु दानीएल, हनान्‍याह, मीशाएल नु अजारयाह खोदेंशो जोक्‍ब तुइक्‍ब आ रागीमी अरु सुइ मथिद। मोपतीके मेको ४ जना पिप आ दरवारम गेय पचा कली योव़चा पुंइसाक्‍म।

दानीएल 2:17

मिनु नोले दानीएल आ खिं लशा, आ वारच हनान्‍याह, मीशाएल नु अजारयाह आन कली मेको लोव़ नेंपाइक्‍तु।

दानीएल 2:25

मिनु अरयोकमी दानीएल कली दोरोर पा पिप आ ङोंइती चाक्‍दीश्‍शा, पिप कली “गो यहूदा रागी रे ग्‍याइश्‍शा चाक्‍चा पुंइसीशो मुर आन दातेमी इन ङोमु आ अर्थ शोव़ने चाप्‍ब मुर का थित्‍ता” देंत।

दानीएल 5:13

मिनु नोले दानीएल कली पिप आ ङोंइती चाक्‍तेक्‍म। मिनु पिपमी दानीएल कली “गे दानीएल नवे? आं आफोमी इ कली चाक्‍ङे? गे यहूदा रागी रे ग्‍याइश्‍शा चाक्‍चा पुंइसीशो नवे?

दानीएल 6:14

मिनु पिपमी मेको लोव़ नेंशा, आ थुं शुश लुक्‍च लत। मिनु दानीएल कली “दोपा प्रोंइनुङा?” दे नां मलाक्‍गा सम्‍म शुश मिम्‍शा बाक्‍माक्‍त।

मत्ती 24:15

परमप्रभु यावे आ खिं ग्रांग्रा सेल्‍नीम, दे परमप्रभु यावे आ लोव़ पाइब दानीएलमी ब्रेक्‍शो लोव़ थमा दुम्‍शो तनीनु ‘पढेबपुकीमी रुप्‍मेक्‍ल’ दानीएल ९:२७, दानीएल ११:३१

मर्कूस 13:14

परमप्रभु यावे आ खिं गेनायो मदुम्‍चा ङा पा बिथोलो दुम्‍मेनु, मेको मुल पढ़ेबपुकीमी रुप्‍मेक्‍ल, यहूदीया रागीम बाक्‍बपुकी डांडा ग्‍येत्‍थ प्रोक्‍मल। दानीएल ९:२७; दानीएल ११:३१; दानीएल ११:३१