दानीएल 1:17 - Sunuwar Bible

¹⁷ मिनु परमप्रभुमी मेको ४ जना आन कली नेल्‍ल ब्रेक्‍तीकेमी नु तुइक्‍तीकेमी जोक्‍ब तुइक्‍ब सेला बाक्‍त। मिनु दानीएल कली मार पचा, दे ततीके नु ङोमु रुप्‍तीक थुं यो गेप्‍तु। इजीकीएल २८:३

दानीएल 1:17 ပူးပေါင်းရင်းမြစ်များ

१ राजा 3:12

मुल गो इ पुंइशो गे‍नुङ। गो थमा पा इ कली जोक्‍तीक तुइक्‍तीक थुं नु रुप्‍तीक थुं गेनन। ङोंइती इ खोदेंशो अर्को सुइ मबाक्‍म। मिनु नोले यो इ खोदेंशो सुइ मदुम्‍नीम। ब्‍यवस्‍था २६:१४

१ राजा 3:28

मिनु पिप आ निसाफ नेंशा, इस्राएली नेल्‍ल आन थुंमी रिम्‍शो पशो तुइश्‍शा, हिंमा बाक्‍त। मारदे हना मेकोपुकीम ठीक पा निसाफ पचा कली मेको आ थुंम परमप्रभु आ रुप्‍‍पाइक्‍तीक थुं बाक्‍त, दे तुइक्‍तमे बाक्‍त।

२ इतिहास 1:10

आं कली एको मुर आन कली सासन पाइब सेल्‍तीनी। मोपतीके आं कली रुप्‍तीक नु तुइक्‍तीक थुं गेयीनी। मिनु आं कली एको मुर नु रिम्‍शो पा बाक्‍चा गेयीनी। मारदे हना एको इश्‍का इन मुर आन कली सुम सासन पने चाप्‍बा ङा?” देंमाक्‍त।

२ इतिहास 1:12

मोपतीके गो इ कली रुप्‍तीक नु तुइक्‍तीक थुं गेनन। मिनु गो इ कली शुश क्‍येट, शोंप नु मान ततीके यो गेनन। मेको इ क्‍येङा ङोंइती नु इ क्‍येङा नोले ङा तेकोइ पिपपुकीम मतशो बाक्‍नीम” दे मदा बाक्‍त।

२ इतिहास 26:5

मेना जकरिया पिप कली परमप्रभु यावे कली मान पा हिंचा आ पर्बम शेंब बाक्‍माक्‍त। मिनु पिपमी जकरिया आ पालाम परमप्रभु यावे आ नोले खोइक्‍ना खोइक्‍न बाक्‍माक्‍त। मोपा खोदा सम्‍म परमप्रभुम अमस्‍याह आ पशो नेल्‍ल रिम्‍शो दुम्‍पदा बाक्‍त।

अय्‍युब 32:8

बेक्‍शा लाइब मुरपुकी नु नेल्‍ल क्‍येङा ठेयब सक्ति पाइश्‍शो आ सोक्‍त बाक्‍ब। मिनु मेकोमी मुर आन कली रुप्‍तीक थुं गेब।

हितोपदेस 2:6

मारदे हना परमप्रभु यावे तुइक्‍‍तीक थुं गेब बाक्‍ब। आ शोव़ रे जोक्‍तीक नु रुप्‍तीक लोव़ ग्रूब। दानीएल २:२०-२३

उपदेसक 2:26

परमप्रभुमी आ दाक्‍शो मुर कली जोक्‍तीक तुइक्‍तीके नु रुप्‍शा ग्‍येरतीक थुं गेब। तन्‍न मरिम्‍शो पाइब आन कली खुप्‍तीक नु तेल्‍तीक गेय पपाइक्‍ब। मिनु नोले मेको नेल्‍ल आ दाक्‍शो मुर आन कली गेब। मेको यो जाम्‍शा लाइब नु फश कली खेदा पशो खोदेंशो ला बाक्‍ब। हितोपदेस १३:२२; हितोपदेस २८:८

यसैया 28:26

मारदे हना आन परमप्रभुमी मेको आन कली रिम्‍शो पा शेंताक्‍व।

इजीकीएल 28:3

गे दानीएल क्‍येङा यो जोक्‍ब तुइक्‍ब बाक्‍नेवे। मारेइ ख्रुइक्‍तीक लोव़ इ रे मख्रुंइसी‍शो बाक्‍ब। इजीकीएल १४:१४; दानीएल १:१७

दानीएल 1:18

मिनु पिप आ देंशो नाक्‍ती आ दरवार ङा ठेयब गेय पाइबमी मेको ठिटा नेल्‍ल आन कली पिप नेबुकदनेसर आ ङोंइती राप्‍पाइक्‍तीमी।

दानीएल 1:20

मिनु पिपमी आ माल्‍शो रुप्‍तीके नु तुइक्‍तीके आ पर्बम हिल्‍लो पवानु, आ रागी ङा जादू नु मन्‍तर तन्‍तर पाइब नेल्‍ल आन क्‍येङा मेको ४ जना आन कली १० खेयप शुश जोक्‍ब तुइक्‍ब ताप्‍तु।

दानीएल 1:4

गे ठिटा वोंइश मुर, मारेइ मदुम्‍शो रिम्‍शो रां पाइश्‍शो, दारशो, शुश निप्‍स पाइश्‍शो, जोक्‍ब तुइक्‍ब, रुप्‍तीके थुं पाइश्‍शो नु पिप आ दरवारमी गेय पने चाप्‍ब आन कली योव़ङो” दे अरेवा बाक्‍त। मिनु मेको आन कली कल्‍दी आन ब्रेक्‍स नु लोव़ शेंचा माल्‍बाक्‍माक्‍त।

दानीएल 10:1

मिनु पारसी रागी ङा कोरेस पिप दुम्‍शो बर्स सां दुम्‍‍मेनु, परमप्रभुमी बेल्‍त-शजर माइश्‍शो दानीएल कली लोव़ का तुइक्‍पाइक्‍तु। मेको लोव़ थमा बाक्‍त। ठेयब श्‍येत आ पर्बम बाक्‍त। मेको दानीएलमी मेको कोंइतीक तशा, रुप्‍तीक थुं यो ताप्‍तु। दानीएल १:२१; दानीएल १:७

दानीएल 2:19

मिनु मेको नाक्‍दो परमप्रभुमी दानीएल कली कोंइतीकेमी मेको ख्रुइश्‍शो ङोमु नु आ अर्थ कोंइताक्‍व। मिनु दानीएलमी स्‍वर्ग ङा परमप्रभु कली

दानीएल 2:21

गे हिउंद नु बर्खा फाइक्‍ब, पिप आन कली वोइक्‍ब नु तिल्‍ब बाक्‍नीनी। गे जोक्‍ब तुइक्‍ब आन कली तुइक्‍तीक थुं गेनीनी। मिनु रुप्‍ब थुं पाइश्‍शो मुर आन कली जोक्‍तीक थुं गेनीनी। दानीएल ४:१४,२२,२९

दानीएल 2:23

आं किकी पिपी आन परमप्रभु, गो इन कली ‘गे रिम्‍शो पाइब बाक्‍नीनी। गे नेल्‍ल क्‍येङा ठेयब बाक्‍नीनी। मारदे हना गे आं कली तुइक्‍तीक थुं नु सक्ति गेतीनी। मिनु आंइ पुंइशो नेल्‍ल गेतीनी। पिप आ तुइक्‍चा माल्‍शो नेल्‍ल आंइ कली तुइक्‍पाइक्‍तीनी’ ” दे परमप्रभु कली ठेयब सेल्‍शा, देंत।

दानीएल 2:30

गो मुर नेल्‍ल आन क्‍येङा शुश रुप्‍ने मचाप्‍नुङ। तन्‍न इन ङोमु आ अर्थ तुइक्‍पाइक्‍चा नु इन थुं ङा लोव़ रुप्‍पाइक्‍चा कली परमप्रभुमी मेको आं कली तुइक्‍पाइश्‍शो बाक्‍त। उत्‍पत्ती ४१:३९

दानीएल 4:6

मिनु गो बेबीलोन रागी ङा जोक्‍ब तुइक्‍ब मुर नेल्‍ल आन कली ‘आं ङोमु रे मार रुम्‍सीबा’? मेको तुइक्‍पांइसीचा कली आं बाक्‍तीकेमी ब्रेत्‍ताक्‍ङमी।

दानीएल 5:14

गो इ आगाम ठेयब देवता आन मिम्‍शो तुइक्‍तीक, रुप्‍तीक नु शुश जोक्‍ब तुइक्‍ब थुं बाक्‍ब, देंशो लोव़ नेंता।

दानीएल 7:1

मिनु बेबीलोन ङा बेल-शजर पिप दुम्‍शो ङोंइती ङा बर्समी दानीएल इम्‍मेनु, ङोमु पा, कोंइतीके का ताप्‍तु। मिनु मेकोमी आ तशो ङोमु ब्रेक्‍ताक्‍व। दानीएल ५:१

दानीएल 8:1

मिनु बेल-शजर पिप दुम्‍शो बर्स सां जाक्‍दीमेनु, गो, दानीएलमी लेंशा कोंइतीके ताता। दानीएल ७:१

गन्‍ती 12:6

मिनु मेकोमी “आं लोव़ नेनीन। गेपुकी इन दातेमी परमप्रभु यावे आ लोव़ पाइब बाक्‍त हना, गो मेको कली कोंइतीकेम तपांइसीनुङ। गो मेको नु आ ङोमुमी लोव़ पाइनुङ।

लूका 21:15

मारदे हना मोपा राप्‍पदमेनु, इन जोरी सत्रुमी लेन्‍ने मचाप्‍चा ङा लोव़ इन शोव़ रे पपाइक्‍नन्‍नी। इन कली ठीक लोव़ पपाइक्‍नुङ। मिनु मेकोपुकीमी इन लोव़ ख्रोइक्‍ने मचाप्‍नीम। प्रेरित ६:१०

प्रेरित 6:10

तन्‍न स्‍तीफानस परमप्रभु यावे आ सोक्‍तीम ब्रीशा जोक्‍शो तुइश्‍शो ब्‍वाक्‍मेनु, सुइमी ग्राने मचाप्‍मे बाक्‍त। लूका २१:१५

प्रेरित 7:10

मिनु आ श्‍येत रे प्रोंइबाक्‍माक्‍त। मिनु योसेफ इजीप्‍त रागी ङा पिप फाराओ आं ङोंइती जाक्‍मेनु, मेकोमी आ जोक्‍तीक तुइक्‍तीक थुं तशा, योसेफ कली शुश दाक्‍शो बाक्‍माक्‍त। मिनु पिप फाराओम योसेफ कली आ रागी ङा ठेयब मुर सेला बाक्‍त।

प्रेरित 7:22

मिनु पिप बाक्‍तीक खिंमी बाक्‍मेनु, इजीप्‍त रागी ङा ठेयब मुर आन जोक्‍शो तुइश्‍शो आं यो नेल्‍ल जोक्‍ब तुइक्‍ब दुम्‍माक्‍त। मिनु मोसा आ लोव़ नु आ गेय नेल्‍ल सक्ति पाइश्‍शो दुम्‍माक्‍त।

कलस्‍सी 1:9

मिनु मेको लोव़ नेंस्‍कु रे इन कली मिम्‍शा, प्रार्थना पना पन बाक्‍तस्‍कु। मार प्रार्थना पाइतस्‍कु देंशा हना “कलस्‍सीपुकीमी इन दाक्‍शो मार बाक्‍बा, मेको तुइक्‍तमेक्‍ल। परमप्रभु यावे, इन सोक्‍त ङा तुइक्‍तीके नु रुप्‍तीके शुश तामेक्‍ल। एफिसी १:१५-१७

याकूब 1:17

हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६