7 गेपुकी यो ङोंइती मोदेंशो पना पन बाक्तीनी।
गो येसु ख्रीस्त रे ङोन बाक्यानु, परमप्रभु यावे आ अरेशो लोव़ रे पा पाप तुइश्शा यो पाप आ ग्रांग्रा दिशोमी ब्रीशा शुश मरिम्शो पाइतय। मेको आ गाल्च बेक्तीक बाक्ब। रोमी ६:२१
इन दातेमी का निक्शी मोदेंशो बाक्मा बाक्त। तन्न मुल गे चिक्शो खोदेंशो पा, परमप्रभु यावे आ मुर दुम्शा, प्रभु येसु ख्रीस्त आ नेंमी नु इं परमप्रभु यावे आ सोक्तीम पतीके ठीक मुर सेल्चा पुंइसाक्नी। तीतस ३:३-७; १कोरिन्थी १:२; रोमी ३:२६
मिनु रागी ङा मुर आन लां खोइक्तीनी। मोपा फशेम हुकुम पाइब, सैतान आ देंशो टीब बाक्तीनी। मेको आ सोक्ती परमप्रभु परमप्रभु यावे कली मटीब आन आगाम बाक्ब। तीतस ३:३; एफिसी ६:१२; यूहन्ना १२:३१
ङोंइती गेपुकी मरिम्शो पाइब दुम्शा, ख्रोइक्तीक चिनु इन रांमी मख्रोइक्थु, बेक्शो मुर खोदेंशो बाक्तीनी। परमप्रभु यावेमी इं मरिम्शो पतीके नेल्ल क्याम्शा, इं कली येसु ख्रीस्त नु ब्रोंइपाइक्तु। एफिसी २:१,५
ङोंइती गो मरुप्ब बाक्तय। परमप्रभु यावे कली मटीब बाक्तय, हेंथे गाक्ब, मार मार दाक्तय, मेको दला दाक्स पाइब बाक्तय। ग्रांग्रा दिचा ङा गेय पाइब बाक्तय। गो मरिम्शो पा गेहे पाइतय। मिनु गोपुकी काइ मदाक्मुय। १कोरिन्थी ६:११; एफिसी २:२; एफिसी ५:८; १पत्रुस ४:३
