कलस्‍सी 3:5 - Sunuwar Bible

⁵ मोपतीके इन आगामी बाक्‍शो माइत रागी ङा थुं कली सतीन। रागी ङा मुर आन थुंमी मार बाक्‍ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्‍स पचा, मरिम्‍शो मिम्‍तीके नु शिंम दुम्‍तीके बाक्‍ब। शिंम दुम्‍तीके चहिं मूर्ति पूजा पचा खोदेंशो बाक्‍ब। एफिसी ५:३

कलस्‍सी 3:5 ပူးပေါင်းရင်းမြစ်များ

प्रस्‍थान 37:22

मेको आ राशी नु डल्‍ला नेल्‍ल ठेयब क्‍येख सुन का केन चेम्‍शा सेल्‍तु।

मत्ती 15:19

मुर आन थुंमी मार मरिम्‍शो मिम्‍नीम देंशा हना, मुर साइक्‍चा, मुर आन मीश लाइक्‍चा, तेल्‍लेम पचा, खुइ पचा, जोल पा सांकछी बाक्‍चा, मुर आन पर्बम मरिम्‍शो लोव़ पचा, दे मिम्‍नीम। मेको चहिं शोव़ रे ग्रूशा, उत्‍पत्ती ८:२१

रोमी 1:26

मोपतीके परमप्रभु यावेमी मेको आन कली आन मिम्‍शो ग्रांग्रा दिचा ङा गेय पपाइक्‍चा कली प्रोंइतु। मेको आन मीशेमी यो मगारचा ङा ग्रांग्रा दिचा ङा गेय पाम्‍तेक्‍म।

रोमी 1:29

मिनु आन थुं पापम ब्रीशो दुम्‍तेक्‍म। मिनु मार पाम्‍तेक्‍म देंशा हना, मारेइ मारेइ मरिम्‍शो ला पमुम्‍तेक्‍म, शिंम दुम्‍तेक्‍म, थुं चोमुम्‍तेक्‍मे, रुश पमुम्‍तेक्‍मे, मुर साइक्‍तेक्‍मे, जिम्‍तेक्‍मे, जोल पाम्‍तेक्‍मे, ख्रुइश्‍शा मुर आन लोव़ पाम्‍तेक्‍म।

रोमी 6:13

इन गुइ खोइली, मिक्‍च, शोव़, रां नेल्‍ल कली मरिम्‍शो मपपतीन। तन्‍न बेक्‍शो रे सेंसीशो मुर खोदेंशो पा, परमप्रभु यावे कली जिम्‍मा गेंसीशा, आ रिम्‍शो गेय पने। रोमी १२:१

रोमी 6:6

येसु ख्रीस्‍त कली शीम केप्‍शा कांटी थोक्‍शा साइक्‍तीके इं पापम ब्रीशो थुं आ सक्ति जाम्‍त। मोपतीके मुल गो पाप आ वाइल मबाक्‍नय। गो मेको लोव़ तुइक्‍चा माल्‍नय। गलाती ५:२४

रोमी 7:23

तन्‍न आं रांम अर्को अरेतीक का बाक्‍ब। मेको आं थुं ङा दाक्‍शो अरेतीक नु जीब। मिनु आं रांम बाक्‍शो अरेतीकेमी आं कली ग्‍याइश्‍शा, पाप पपाइक्‍ब। गलाती ५:१७

रोमी 7:5

गो येसु ख्रीस्‍त रे ङोन बाक्‍यानु, परमप्रभु यावे आ अरेशो लोव़ रे पा पाप तुइश्‍शा यो पाप आ ग्रांग्रा दिशोमी ब्रीशा शुश मरिम्‍शो पाइतय। मेको आ गाल्‍च बेक्‍तीक बाक्‍ब। रोमी ६:२१

रोमी 8:13

मो पाइतीनी हना, जाम्‍शा लाइनीनी। तन्‍न गे परमप्रभु यावे आ सोक्‍त रे पा इन रां ङा दला दाक्‍स पतीक कली साइक्‍तीनी हना, ब्रोंइनीनी। रोमी ७:२४; गलाती ६:८; एफिसी ४:२२-२४

१ कोरिन्‍थी 5:1

गे नु बाक्‍ब कामी हेंथे पाप्‍तु देंशो लोव़ नेंता। मोदेंशो पात्‍के अर्को रागी ङा मुर आन दातेमी यो मबाक्‍ब। मुर कामी आ आफ आ मीश वोंइसाक्‍व, देंशो लोव़ नेंता। लेवी १८:८

१ कोरिन्‍थी 6:11

इन दातेमी का निक्‍शी मोदेंशो बाक्‍मा बाक्‍त। तन्‍न मुल गे चिक्‍शो खोदेंशो पा, परमप्रभु यावे आ मुर दुम्‍शा, प्रभु येसु ख्रीस्‍त आ नेंमी नु इं परमप्रभु यावे आ सोक्‍तीम पतीके ठीक मुर सेल्‍चा पुंइसाक्‍नी। तीतस ३:३-७; १कोरिन्‍थी १:२; रोमी ३:२६

१ कोरिन्‍थी 6:13

जचा थोव़क कोव़ज कली बाक्‍ब, कोव़ज जचा थोव़क कली बाक्‍ब। मिनु परमप्रभु यावेमी निम्‍फा आस कली जाम्‍शा लाइब सेल्‍शो बाक्‍ब। मुर आ रां ग्रांग्रा दिशो तेल्‍लेम पचा कली मसेल्‍शो बाक्‍ब। तन्‍न रां प्रभु कली सेल्‍शो बाक्‍ब। मिनु प्रभु यो रां कली सेल्‍शो बाक्‍ब। १थिस्‍सलोनिकी ४:३-५

१ कोरिन्‍थी 6:18

ग्रांग्रा दिशो तेल्‍लेम पतीक रे ङोन बाक्‍कीन। मारदे हना मारेइ मारेइ पाप पनीनु, रां आगामी मपाइनीनी। तेल्‍लेम पनीनु चहिं आंम रां कली पाप पाइनीनी।

२ कोरिन्‍थी 12:21

गो लेश्‍शा जाक्‍ङानु, परमप्रभु यावेमी आं कली आइक्‍च सेल्‍बा कों, दे हिंनुङ। मिनु ङोंइती पाप पाइब नु परमप्रभु यावे गे मलेप्‍ब आन पर्बम सुर्ता पचा माल्‍नुङा कों? ङोंइती मेकोपुकीमी ग्रांग्रा दिचा ङा, तेल्‍लेम नु हेंथे गेय पाम्‍तेक्‍म। २कोरिन्‍थी १३:२

गलाती 5:24

सु ख्रीस्‍त येसु आ मुर दुम्‍शो बाक्‍नीमी, मेकोपुकीमी आंम रां ङा दला दाक्‍स येसु ख्रीस्‍त खोदेंशो पा शीम क्‍याइक्‍ने थुम्‍शो बाक्‍नीमी। रोमी ६:६

एफिसी 4:19

मेकोपुकी रिम्‍शो मुर दुम्‍शा बाक्‍चा ताइश्‍शा, आन दला दाक्‍स पा, ग्रांग्रा दिचा ङा गेय नेल्‍ल शुश दाक्‍नीम।

कलस्‍सी 2:11

मेको आ पशोमी ख्रोइक्‍तीक चिनु पाइश्‍शो खोदेंशो दुम्‍तीनी। मेको ख्रोइक्‍तीक चिनु मुरुमी ख्रोइश्‍शो ममाइ, गेपुकी ख्रीस्‍त कली थमा सुइश्‍शा, इन मरिम्‍शो पशो ताइश्‍शो इन ख्रोइक्‍तीक चिनु दुम्‍त। रोमी २:२९; रोमी ६:५; १पत्रुस ३:२१

१ थिस्‍सलोनिकी 4:3

परमप्रभु यावे आ दाक्‍शो मार बाक्‍ब देंशा हना, मरिम्‍शो मपचा नु ग्रांग्रा दिशो गेय रे ङोन बाक्‍चा बाक्‍ब।

१ थिस्‍सलोनिकी 4:5

अर्को रागी ङा परमप्रभु यावे कली मतुइक्‍ब मुरपुकीमी खोदेंशो पा ग्रांग्रा दिचा ङा गेयमी मबाक्‍कीन।

१ तिमोथी 6:10

क्‍येट कली दाक्‍ब मरिम्‍शो आन क्‍येङा यो मरिम्‍शो बाक्‍ब। मोपा क्‍येट दाक्‍ब का निक्‍शीमी थमा सुइक्‍तीके प्रोंइशा, आंम थुं कली तूशो खोदेंशो पा शुश खाइक्‍पाइक्‍तेक्‍म। एफिसी ५:५; १तिमोथी १:१९

हिब्रू 12:16

सुइ एसाव खोदेंशो मरिम्‍शो मदुम्‍ल। एसावमी काले आ कोव़ज प्रिंचा कली ङोंइती जरमेशो तौमी तचा ङा शोंप नु आसीक आ लोक्‍ब कली प्रोना बाक्‍त। उत्‍पत्ती २५:३३-३४

हिब्रू 13:4

गे नेल्‍लेमी “ग्युंबे पशो रिम्‍शो बाक्‍ब” दे मिम्‍तीने। मुर आ मीश नु मुरु आ वोंइश मइम्‍मल। मीश वोंइश आस नाता ख्रोइक्‍ब नु तेल्‍लेम आन कली परमप्रभु यावेमी निसाफ पाइब।

हिब्रू 13:5

क्‍येट चेम्‍चा गे इन थुं महिरदीने। गेपुकी नु मार मार बाक्‍मा, मेको मोशोमीन इन थुं नाइश्‍शा बाक्‍कीन। मारदे हना मेकोमी “गे नु बाक्‍नुङ, मिनु गेनायो मप्रोंइनन” देंब। यहोसु १:५; १तिमोथी ६:६

याकूब 4:1

इन दातेमी जिचा खे‍चा ते रे जाक्‍बा? गे इन दला दाक्‍स आ पर्बम जीनीनी, ममाइ?

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०