कलस्‍सी 3:23 - Sunuwar Bible

²³ इन गेय मार बाक्‍त हना यो, इन थुं नेल्‍लेमी मुर आन कली ममाइ, प्रभु कली गेय पने।

कलस्‍सी 3:23 ပူးပေါင်းရင်းမြစ်များ

२ इतिहास 31:21

मेकोमी परमप्रभु यावे आ खिं ङा गेय पतीके, परमप्रभु यावे आ अरेशो लोव़ नु आ शेंशो तुइक्‍तीकेमी आ परमप्रभु कली आ थुं नेल्‍लेमी मला बाक्‍त। मिनु आ पशो नेल्‍लेमी रिम्‍शो दुम्‍माक्‍त। भजन संग्रह १:३

भजन संग्रह 103:1

आं थुं, परमप्रभु यावे कली ठेयब सेलो। मिनु गो आं थुं नेल्‍लेमी आ नें ठेयब सेल्‍नुङ।

भजन संग्रह 119:10

गो आं थुं नेल्‍लेमी इन कली माल्‍नुङ। आं कली इन शेंतीके रे ङोन लचा मगेयीनी।

भजन संग्रह 119:145

गो आं थुं नेल्‍लेमी इन कली पुंइनुङ। परमप्रभु यावे आं लोव़ लेत्‍तीनी। गो इन फुल्‍लुम मुशा ब्रेक्‍शो लोव़ टिना टिन बाक्‍नुङ।

भजन संग्रह 119:34

गे आं कली रुप्‍‍तीक थुं गेयीनी। मिनु गो इन अरेशो लोव़ आं थुं नेल्‍लेमी पाइनुङ।

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

येरमीया 3:10

मेको नेल्‍ल दुम्‍त हना यो, मेको आ लोक्‍ब देंखु पशो यहूदा आ थुं नेल्‍लेमी आं गे मले। आं गे लेश्‍शो खोदेंशो ला पखु पाप्‍तु” दे परमप्रभु यावेम देंत।

मत्ती 6:16

बर्त बाक्‍नीनु, राव कीशो कुल मसेलीने। कपटीपुकीमी आंइ बर्त बाक्‍शो तांइसेक्‍ल, दे आन कुल राव कीपा कोंइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब। यसैया ५८:५-६

रोमी 14:6

थमा सुइक्‍बपुकीमी नाक्‍त का कली ठेयब मिम्‍तमेनु, परमप्रभु यावे कली मिम्‍शा ठेयब मिम्‍नीम। श्‍ये ब्‍वामेनु, परमप्रभु यावे कली मिम्‍शा ब्‍वाइनीम। श्‍ये मब्‍वाइबपुकीमी यो परमप्रभु यावे कली “गे रिम्‍शो पाइब बाक्‍नीनी” दे मिम्‍शा मब्‍वाइनीम।

रोमी 14:8

ब्रोंइतय हना यो, परमप्रभु यावे आ नें ठेयब सेल्‍चा कली ब्रोंइय। बेक्‍तय हना यो, परमप्रभु यावे आ नें ठेयब सेल्‍चा कली बेक्‍य। ब्रोंइतय हना यो, बेक्‍तय हना यो, परमप्रभु यावे आ मुर नय। २कोरिन्‍थी ५:१५; गलाती २:२०

एफिसी 5:22

गे मीश मुरपुकी, प्रभु कली टिशो खोदेंशो पा आंम वोंइश कली यो टिने। उत्‍पत्ती ३:१६; तिमोथी २:११-१२; तीतस २:५

कलस्‍सी 3:17

मार मार लोव़पुकी, गेयपुकी, मारेइ मारेइ पनीनु, नेल्‍ल प्रभु येसु आ नेंमी पने। इं आफ परमप्रभु यावे कली “गे रिम्‍शो पाइतीनी” दे येसु आ नेंमी देनीन। १कोरिन्‍थी १०:३१

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ पत्रुस 2:13

प्रभु आ पर्बम सरकारमी अधिकार गेशो मुर आन कली टिने। पिप नेल्‍ल क्‍येङा ठेयब बाक्‍ब। मोपतीके टिचा माल्‍नीनी। रोमी १३:१-७; तीतस ३:१

१ पत्रुस 2:15

परमप्रभु यावे आ दाक्‍शो मार बाक्‍ब देंशा हना, इन रिम्‍शो पतीकेमी मतुइक्‍ब नु निप्‍स मपाइश्‍शो आन कली सिक्‍सी पपतीन। १पत्रुस ३:१६; तीतस २:८