कलस्‍सी 3:20 - Sunuwar Bible

²⁰ गे आलपुकी, इन आंम आफ कली नेल्‍लेम टिने। मो पाइतीनी हना, प्रभु ग्‍येरब।

कलस्‍सी 3:20 ပူးပေါင်းရင်းမြစ်များ

उत्पत्ती 28:7

याकूबमी आम आफ आस कली टिशा, पदान-अराम गे लशो तवा बाक्‍त।

प्रस्‍थान 20:12

इन आम आफ आन कली मान पने। मो पाइतीनी हना, परमप्रभु यावेमी, इन परमप्रभु इन कली गेशो रागीम शुश ब्रोंइचा गेब। प्रस्‍थान २१:१७; ब्‍यवस्‍था २७:१६; मत्ती १५:४-६; एफिसी ६:२-३

हितोपदेस 20:20

सुम आ आम आफ आस कली सराप पाइबा, मेको आ बत्ती नेल्‍ल क्‍येङा छिङछिङमी काप्‍ब। हितोपदेस ३०:१७; प्रस्‍थान २१:१७

हितोपदेस 30:11

का निक्‍शी मुरुमी आन आफ कली सराप पाइनीम। मिनु आन आम कली आसीक मगेनीम।

हितोपदेस 30:17

आफ कली शुक्‍शी पाइब नु आम कली मटीब मुर आन मिक्‍च खदीमी कोक्‍शा ग्रुंइनीम। मिनु गिदपुकीमी ब्‍वाइ‍नीम। हितोपदेस २०:२०

हितोपदेस 6:20

आं तौ, इ आफ आ अरेशो टिवो, इम्‍मा आ शेंशो लोव़ मप्रोनो। हितोपदेस १:८

येरमीया 35:8

मिनु गो आंइ किकी रेकाब आ तौ योनादाब आ शेंशो नेल्‍ल पाइतक। गोपुकी आंमा नु आंइ मीशपुकी नु आंइ तमी तौ नेल्‍लेम गेनायो अङगुर शांबु मतूक।

इजीकीएल 22:7

मिनु मेकेरन आल आन आम आफ तशा महिक्‍नीम। मेकेरन अर्को रागी ङा मुर आन कली दिप्‍‍नीम। मिनु रोम रोइक्‍च नु आन वोंइश बेक्‍शो मीश मुर आन कली मरिम्‍शो पाइनीम। प्रस्‍थान २२:२०-२१

लेवी 19:3

गे नेल्‍लेमी इन आंम आफ आस कली मान पने। मिनु आं नाइक्‍तीक नाक्‍ती नांइसीन। गो परमप्रभु यावे, इन परमप्रभु नङ। प्रस्‍थान २०:१२; प्रस्‍थान २०:८

मलाकी 1:6

मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। प्रस्‍थान २०:१२

मत्ती 19:19

आम आफ आस कली मान पा आस लोव़ टिचा। मिनु इ कली दाक्‍शो खोदेंशो पा इ नेक्‍था बाक्‍ब आन कली दाक्‍तो” देंत। प्रस्‍थान २०:१२-१६, लेवी १९:१८

एफिसी 5:24

दोपा थमा सुइक्‍बपुकीमी ख्रीस्‍त कली टीनीमी, मोपा मीश मुरपुकीमी आंम वोंइश आ देंशो नेल्‍ल टिचा माल्‍नीमी।

ब्‍यवस्‍था 27:16

मिनु “सु मुरुमी आंम आम आफ कली मान मपाइब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २१:१७

ब्‍यवस्‍था 5:16

परमप्रभु यावे, इन परमप्रभुमी अरेशो खोदेंशो पा इन आंम आफ कली मान पने। मो पाइतीनी हना, परमप्रभु यावे, इन परमप्रभुमी इन कली गेशो रागीम रोइ मपथु, शुश नाक्‍त ब्रोंइशा बाक्‍नीनी।

फिलिप्‍पी 4:18

गो मार मार माल्‍ङा, आं माल्‍शो क्‍येङा शुश ताता। इपाफ्रोडीटसमी इन सोइश्‍शो क्‍येट गेती। मेको ब्रोव़शो रिना पाइश्‍शो परमप्रभु यावे कली चढ़ेशो खोदेंशो बाक्‍ब। परमप्रभु यावे इन मो पशो तशा ग्‍येरसाक्‍व। फिलिप्‍पी २:२५

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

कलस्‍सी 3:22

वाइलीम वाइलपुकी, इन ठेयब मुरुमी मार मार देंनीमी, मेको नेल्‍ल टिचा माल्‍नीनी। इन ठेयब मुरुमी कोव़तेक्‍म हना यो, मकोव़तेक्‍म हना यो, थुं का पशा, प्रभु कली मान पा हिनीन।

तीतस 2:9

मिनु वाइलीम वाइल आन कली मार शेंचा माल्‍नेवे देंशा हना, आंम ठेयब मुर आन लोव़ टिचा माल्‍नीम। आन गेय रिम्‍शो पा आन ठेयब मुर आन कली ग्‍येरपाइक्‍चा माल्‍नीम। आन ठेयब मुरुमी लोव़ पामेनु, मेकोपुकीम जोप पचा मदुम्‍नीमी। एफिसी ६:५-६१; तिमोथी ६:१-२; १पत्रुस २:१८

हिब्रू 13:21

परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।

रूथ 3:5

मिनु रूथमी “इन देंशो, नेल्‍ल पाइनुङ” देंमाक्‍त।