कलस्‍सी 3:13 - Sunuwar Bible

¹³ का निक्‍शीमी दोस गेचा पुंइसाक्‍म हना, फाल्‍मुशा, माफ गेमुशा बाक्‍कीन। प्रभुमी दोपा इन कली माफ गेवा, मोपा माफ गेमुने। एफिसी ४:२; मत्ती ६:१४; एफिसी ४:३२

कलस्‍सी 3:13 ပူးပေါင်းရင်းမြစ်များ

हितोपदेस 19:11

निप्‍स पाइश्‍शो मुर ओंखां पा गाइक्‍नीम। मिनु अरुमी थुं खाइक्‍तीक लोव़ पाम्‍तेक्‍म हना यो, मेको सिक्‍सी पा बाक्‍चा आ मान बाक्‍ब। हितोपदेस १४:२९

मत्ती 5:44

गोमी इन कली मार देंनुङ देंशा हना, जोरी सत्रु आन कली दाक्‍तीने। इन कली हेला पा खेदा पाइब आन पर्बम परमप्रभु यावे कली पुनीने। प्रस्‍थान २३:४-५; लूका ६:२७-२८; रोमी १२:१४,२०; लूका २३:३४; प्रेरित ७:५९; लूका ६:२७-२८

मत्ती 6:12

आंइ मरिम्‍शो पशो क्‍याम्‍शा गेने। मारदे हना गो यो आंइ कली मरिम्‍शो पाइब आन कली माफ गेतक। मत्ती १८:२१-३५

मर्कूस 11:25

प्रार्थना पा बाक्‍नीनु, सुइ नु चुरशो बाक्‍तीनी हना, मेको कली माफ गेने। मिनु स्‍वर्गम बाक्‍ब इन आफोमी यो इन मरिम्‍शो पशो क्‍याम्‍शा माफ गेब।

लूका 11:4

आंइ मरिम्‍शो पशो क्‍याम्‍शा गेकी। मारदे हना गो यो आंइ कली मरिम्‍शो पाइब आन कली का का पा माफ गेनीकी। सैतानमी आंइ थुं थाम्‍चा मगेने’ दे प्रार्थना पने” दे शेंदीमी बाक्‍त।

लूका 23:34

मिनु क्‍यद‍मेनु, येसुमी “आं आफ, एको आन कली माफ गेने। मारदे हना एकोपुकीम मारेइ मतुइश्‍शो बाक्‍नीम” दे पुना बाक्‍त। सिपाइपुकीमी फेन्‍टे ग्‍यारशा, आ वा योक्‍समा बाक्‍त। यसैया ५३:१२; प्रेरित ७:१६; प्रेरित ३:१७; भजन संग्रह २२:१९

रोमी 15:7

दोपा येसु ख्रीस्‍तमी इन कली दाक्‍शा ब्रवा। मोपान गेपुकी यो दाक्‍मुशा ब्रमुने। मो पनीनु, परमप्रभु यावे कली ठेयब सेल्‍नीनी।

२ कोरिन्‍थी 2:10

गेपुकीमी सु सु आन कली माफ गेनी, गो यो मेको आन कली माफ गेता। माफ गेङानु, इन पर्बम ख्रीस्‍त आ ङोंइती गेता। यूहन्‍ना २०:२३

२ कोरिन्‍थी 6:6

रिम्‍शो थुं कोंइनीकी, जोक्‍शो तुइश्‍शो गेय कोंइनीकी, मचबु देंब मदुम्‍नीकी, शिशी कोंइनीकी, परमप्रभु यावे आ सोक्‍तीम देंशो टीनीकी, मुर आन कली दाक्‍नीकी। १तिमोथी ४:१२; २कोरिन्‍थी ४:२; १कोरिन्‍थी २:४; एफिसी ६:१४-१७

गलाती 6:2

कामी अर्को कली वारच पने। मोपा गे ख्रीस्‍त आ अरेशो लोव़ खाप्‍नीनी। २कोरिन्‍थी ११:२९

एफिसी 4:2

गेपुकी ब्रेम्‍शो दुम्‍शा, सुइ नु मचुरथु, रिम्‍शो पा बाक्‍कीन। मुर आन कली फाल्‍शा, मेकोपुकी नु रिम्‍शो पा दाक्‍मुने। कलस्‍सी ३:१२-१३

एफिसी 4:32

मिनु रिम्‍शो पा कोव़मुने। दोपा परमप्रभु यावेमी ख्रीस्‍त मिम्‍शा, इन कली माफ गेवा, मोपा गेपुकी यो माफ गेमुने। मत्ती ६:१४; मत्ती १८:२२-३५; कलस्‍सी ३:१३

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

कलस्‍सी 3:12

गेपुकी परमप्रभु यावे आ योव़शो, आंम आ दाक्‍शो मुर दुम्‍तीनी। मोपतीके शिशी पचा, रिम्‍शो पमुचा, ब्रेम्‍शो थुं पाइश्‍शो, ठेयब मलेत्‍थु टीब नु फाल्‍ब मुर दुमीने।

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

१ पत्रुस 2:21

मोदेंशो पचा, दे योव़शो ननी। ख्रीस्‍त यो इन पर्बम श्‍येत जशा, इन कली कोंइतीक दुम्‍त। मोपतीके गे आ खोदेंशो पचा माल्‍नीनी। १पत्रुस ३:१८; मत्ती १६:२४