कलस्‍सी 2:4 - Sunuwar Bible

⁴ मारदे इन कली मो देंती देंशा हना, जोल पा शेंब जाक्‍शा, शुश मिलो शिलो लोव़ पशा, दूली शेंने मचाप्‍मेक्‍ल, दे मो देंती। रोमी १६:१८

कलस्‍सी 2:4 ပူးပေါင်းရင်းမြစ်များ

मत्ती 24:24

मारदे हना शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम। ब्‍यवस्‍था १३:२-४; २थिस्‍सलोनिकी २:८-९; प्रकाश १३:१३

मत्ती 24:4

मिनु येसुमी “सुइमी इन थुं मक्‍यामेक्‍ल, दे होस पा बाक्‍कीन।

मर्कूस 13:22

शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय पा कोंइनीम। मेकोपुकीमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम।

प्रेरित 20:30

गेपुकी नु काथा गाक्‍ब थमा सुइक्‍बपुकी यो मोदेंशो खेदा पाइब फर खोदेंशो दुम्‍नीम। मेकोपुकीमी दूली लोव़ शेंशा, थमा सुइक्‍ब आन थुं ग्‍येत्‍थ लुक्‍च क्‍याल्‍पाइश्‍शा, आन नोले खोइक्‍ब सेल्‍नीम, दे तुइक्‍नुङ। १यूहन्‍ना २:१८-१९

१ कोरिन्‍थी 2:4

मुर आन कली जोक्‍तीक तुइक्‍तीक कोंइशा, ठेयब लोव़ मपङ। तन्‍न परमप्रभु यावे आ सोक्‍तीम कोंइशो सक्ति रे पा शेंताक्‍न्‍नी। मत्ती १०:२०

२ कोरिन्‍थी 11:3

बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३

गलाती 2:4

तन्‍न मेकेर खुम्‍सीशा बाक्‍ब आन मतुइक्‍थु थमा सुइक्‍ब दुम्‍खु पा, दूली शेंब ब्‍वांइ‍साक्‍म। मोपा गोपुकी नु ब्‍वांइ‍सीशा, आंइ थुं कोव़शा बाक्‍तेक्‍म। गोपुकी ख्रीस्‍त येसुमी यहूदी आन रिती थिती पचा प्रोंइशा बाक्‍तक। तन्‍न मेकोपुकीमी यहूदी आन रिती थितीम लेप्‍पाइक्‍चा बोल पाम्‍तेक्‍म।

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

एफिसी 4:17

परमप्रभु यावे कली मतुइक्‍ब मुरपुकी जाम्‍शा लाइब गेय ला मिम्‍शा पाइनीम। मिनु गेपुकी मुल रे मेको आन खोदेंशो मपने, दे प्रभु आ नेंमी इन कली रिम्‍शो पा अरेनुङ। रोमी १:२१-२४

एफिसी 5:6

सुइ मुरुमी इन कली फश लोव़ पा, हेंथे लां खोइक्‍पाइक्‍चा मगेने। मारदे हना परमप्रभु यावे आ कली मटीब आन कली तशा गाइक्‍ब। कलस्‍सी ३:६

कलस्‍सी 2:18

सुइमी इन कली “मतुइक्‍ब मुर ननी” देंचा मगेने। मेकोपुकीमी आंम मिम्‍शो प‍शो बाक्‍नीम, स्‍वर्ग ङा गेय पाइब आन कली सेउ पचा माल्‍नीनी, दे शेंनीमी। “गो ङोमु खोदेंशो पा ततीके तुइक्‍ताक्‍क” देंनीमी। मेको मुरपुकी मो ठेयब लेश्‍शा बाक्‍शा, आन मिम्‍शो ला शेंनीम।

कलस्‍सी 2:8

मिनु गेपुकी दूली लोव़ शेंब आन नोले मखोतीन। मेकोपुकीमी इन कली मुर आन मिम्‍तीके नु फश लोव़ पशा, मुर आन रिती थिती ला शेंनीमी। मेको रागी रागी ङा मुर आन थुं ङा बाक्‍ब, ख्रीस्‍त के ममाइ।

२ तिमोथी 2:16

जाम्‍शा लाइब लोव़ पाइब रे ङोन बाक्‍को। मारदे हना मेकोपुकीमी मुर आन कली परमप्रभु यावे रे ङोन दुम्‍पाइक्‍नीम। १तिमोथी ४:७

२ तिमोथी 3:13

मरिम्‍शो नु ग्रांग्रा दिचा ङा मुरपुकीमी “मुर आन मिक्‍च सिल्‍नीक” दे मिम्‍तमेनु, ङोंइती ङा क्‍येङा मरिम्‍शो दुम्‍शा, आंमान आन मिक्‍च सिल्‍चा पुंइसीनीम। १तिमोथी ४:१

१ यूहन्‍ना 2:18

आं तमी तौपुकी, रागी जाम्‍चशो बाक्‍ब। दोपा तुइक्‍ताक्‍य देंशा हना, ख्रीस्‍त आ पर्बम दूली शेंब का जाक्‍ब, दे ङोंइती रे तुइश्‍शो ननी। ख्रीस्‍त आ पर्बम दूली शेंब शुश जाक्‍तेक्‍म। मोपतीके रागी जाम्‍चशो बाक्‍त, दे तुइक्‍ताक्‍य। १पत्रुस ४:७; मत्ती २४:२४; २थिस्‍सलोनिकी २:३-४

१ यूहन्‍ना 2:26

मुर का निक्‍शीमी इन कली दूली शेंनीमी। मोपतीके गो इन कली एको लोव़ ब्रेक्‍ताक्‍ङ।

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५

२ यूहन्‍ना 1:7

मिनु मुल रागीमी शुश मुर आन कली मरिम्‍शो लां कोंइब जोल्‍फेपुकी जाक्‍तेक्‍म। मेको मुरपुकीमी “येसु ख्रीस्‍त मुर दुम्‍शा रागीमी मजरमेसे” दे शेंनीम। मेको मोदेंशो शेंब चहिं जोल्‍फे नु नेल्‍ल क्‍येङा मरिम्‍शो पाइब बाक्‍नीम। १यूहन्‍ना २:१८; १यूहन्‍ना ४:१-३

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 13:8

मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।

प्रकाश 20:3

मिनु रागी रागी ङा मुर आन कली मरिम्‍शो लां मकोंइदल, दे मेको कली पुं मपाइश्‍शो ढोडोङगामी तोक्‍तु। मिनु परमप्रभु यावे आ स्‍वर्ग ङा गेय पाइबमी मेको एफिसस ढोडोङगा चोक्‍शा, सांचो पाइश्‍शा, छाप थोक्‍ताक्‍व। मोपा मेको ठेयब बुस्‍स कली हजार का बर्स सम्‍म चोक्‍तु। मिनु हजार का बर्स नोले मेको छिन का कली प्रोंइचा पुंइसीब।

प्रकाश 20:8

मोपा ग्रूशा, रागी नेल्‍ल ङा मुर आन कली परमप्रभु यावे कली मटिथु, हेंथे गाक्‍पाइक्‍तु। हेंथे गाक्‍बपुकी चहिं गोग नु मागोग माइश्‍शो ङा मुरपुकी देंनीम। मिनु सैतानमी हिक्‍ने मचाप्‍चा ङा मुर आन कली लडाइ पचा कली खुप्‍ताक्‍व। इजीकीएल ३८:२