कलस्सी 2:16 - Sunuwar Bible16 मोदेंशो दुम्शा इन कली मार मार जचा तूचा दुम्बा, मार मार जचा तूचा मदुम्बा, मार मार चाड मानेचा, तेको औंसी ठेयब सेल्चा, तेक तेको नाइक्तीक नाक्ती ठेयब सेल्चा देंब मुर आन लोव़ मनेनीन। रोमी १४:१-१२ အခန်းကိုကြည့်ပါ။ |
कलस्सी 2:16
42 ပူးပေါင်းရင်းမြစ်များ
मिनु पिपम आ गोठ रे चोशा चढ़ेचा कली मार गेशो बाक्माक्त देंशा हना, नाक्दो ङा चोशा चढ़ेतीके, सुनी ङा चोशा चढ़ेतीके, नाइक्तीक नाक्त ङा चोशा चढ़ेतीके, औंसी ङा चोशा चढ़ेतीके नु देंशो चाड नेल्ल कली चोशा चढ़ेतीक गेशो बाक्माक्त। परमप्रभु यावे आ अरेशो लोव़ दोपा ब्रेक्शो बाक्मे, मोपा पवा बाक्त। गन्ती २८:-
मिनु मेको रागी ङा मुरपुकीमी नाइक्तीक नाक्त मार मार लेयतीक थोव़क नु अन्न लेयथ चाक्तेक्म हना, गोपुकीमी नाइक्तीक नाक्त नु परमप्रभु आ ठेयब नाक्तीम मेको आन के मारेइ मग्याप्नीकी। मिनु गोपुकी ६ बर्स आ नोले ङा बर्सम मारेइ मख्रुम्नीकी। जेर गेशो बाक्तक हना यो, मेको बर्समी जेर नु आ चाइक्ब काइ मपोक्थु, प्रोंइनीकी। ब्यवस्था १५:१-११; नेहेम्याह ५:१०; नेहेम्याह १३:१५-१८; येरमीया १७:२१-२७
मार पचा कली गेनीकी देंशा हना, परमप्रभु आ ङोंइती वोइश्शो कोंइतीक शोब्ले कली अन्न चढ़ेतीक नु चोशा चढ़ेतीक कली, नाइक्तीक नाक्तीम चढ़ेतीक, औंसीम चढ़ेतीक, अरु चाड ङा चढ़ेतीक, नेल्ल इं परमप्रभु आ खिं कली माल्शो थोव़की, पाप क्याम्पाइक्चा कली चढ़ेतीक, मोदेंशो पा इस्राएली आन मरिम्शो पशो क्याम्चा कली नु इं परमप्रभु आ खिंमी पतीक गेय नेल्ल कली गेनीकी।
मिनु परमप्रभु यावे आ अरेशो लोव़ नेंशा, मुर नेल्ल शुश ङाक्तेक्म। मोपतीके पिप आ वोइश्शो हुकुम पाइब, नेहेम्याह, परमप्रभु यावे आ लोव़ जोक्ब तुइक्ब चढ़ेब एज्रा नु मुर आन कली शेंब लेवीपुकीमी “मुलाक्ती परमप्रभु यावे, इन परमप्रभु आ ठेयब नाक्त बाक्ब। हिशेक मपने। मङाक्कीन” दे मुर आन कली माइक्तेक्म।
तन्न सासन पाइबमी मेको चोशा चढ़ेतीक, अन्न चढ़ेतीक नु तूचा थोव़क चढ़ेतीक आं देंशो चाडम चढ़ेचा माल्ब। मेकोमी औंसी, नाइक्तीक नाक्ती नु इस्राएल आ खिं ङा मुर आन चाड नेल्लेमी चढ़ेचा माल्ब। मेकोमी पाप आ पर्बम चढ़ेतीक, अन्न चढ़ेतीक, चोशा चढ़ेतीक नु दुशा बाक्चा आ पर्बम चढ़ेतीक इस्राएली आन पाप क्याम्चा कली चाक्चा माल्ब” दे परमप्रभु यावेमी देंत। २सामुएल ६:१७-१८
गेपुकीमी ‘औंसी गेना लाक्बा ङा? गो अन्न लेयचा ताइनीकी। नाइक्तीक नाक्त गेना लाक्बा ङा? गो चेरब लेयचा ताइनीकी। गो एफाह आइक्च सेल्शा, शेकेल कली हेल्शो सेल्शा नु दूली पा नाक्शा, शुश क्येट चेम्नीकी’ देंनीनी। एफाह का २२ लिटर लाइब पुक्तीक बाक्ब। शेकेल का ११.५ ग्राम ङा क्येट बाक्ब। नेहेम्याह १३:१५
मिनु गेपुकी ग्येरशा बाक्नीनु, गे इन पचा माल्शो चाड मानेनीनु, औंसी ङा चाड मानेनीनु, इन चोशा चढ़ेतीके नु इन दुशा बाक्चा आ पर्बम चढ़ेतीके चढ़ेनीनु, गेपुकीमी तुराही ताप्चा माल्नीनी। मिनु मेको ताप्नीनु, इन परमप्रभुमी इन कली मिम्ब। गो परमप्रभु यावे, इन परमप्रभु नङ” देंत। लेवी २३:२४; २राजा ११:१४; २इतिहास ७:६
आं लोक्बपुकी, शुक्शी लोव़ मपमुने। सुम लोक्ब आ पर्बम शुक्शी लोव़ पाइबा, दोस गेबा, मेकोमी परमप्रभु यावे आ अरेशो लोव़ मटीब। मेकोमी परमप्रभु यावे आ अरेशो लोव़ क्येङा “गो जोक्ब तुइक्ब नङ” दे मिम्शा, निसाफ पाइब खोदेंशो दुम्ब। “परमप्रभु यावे आ अरेशो लोव़ रिम्शो देय मरिम्शो” दे लोव़ पाइब यो दुम्ब। मोपा गे परमप्रभु यावे आ अरेशो लोव़ मपाइब दुम्शा, निसाफ पाइब दुम्तीनी।
ကြော်ငြာတွေ