कलस्‍सी 2:13 - Sunuwar Bible

¹³ ङोंइती गेपुकी मरिम्‍शो पाइब दुम्‍शा, ख्रोइक्‍तीक चिनु इन रांमी मख्रोइक्‍थु, बेक्‍शो मुर खोदेंशो बाक्‍तीनी। परमप्रभु यावेमी इं मरिम्‍शो पतीके नेल्‍ल क्‍याम्‍शा, इं कली येसु ख्रीस्‍त नु ब्रोंइपाइक्‍तु। एफिसी २:१,५

कलस्‍सी 2:13 ပူးပေါင်းရင်းမြစ်များ

भजन संग्रह 119:50

गो श्‍येत जङानु, इन थोक्‍शा पशो लोव़मी आं कली लेम्‍शा ब्रोंइचा गेब।

भजन संग्रह 32:1

सु सु आन हेंथे पशो क्‍याम्‍चा पुंइसीशो बाक्‍मा, मेको ग्‍येरसीशो मुर बाक्‍नीम। मारदे हना आन पाप सुम्‍शो बाक्‍ब। रोमी ४:६-८

भजन संग्रह 71:20

गे आं कली शुश नु ठेयब श्‍येत जपाइक्‍तीनी हना यो, लेंशा ब्रोंइचा गेनीनी। गे आं कली लुक्‍च लतीक रे लेंशा ग्‍येत्‍थ लपाइक्‍नीनी। १सामुएल २:६

यसैया 1:18

मिनु परमप्रभु यावेमी “जाक्‍कीन, गोपुकी बुक्‍शा, लोव़सी पय। इन पाप हुश खोदेंशो लल बाक्‍त हना यो, फुं खोदेंशो बुश दुम्‍ब। शुश लल बाक्‍त हना यो, मेको ऊन खोदेंशो बुश दुम्‍ब। यसैया ४४:२२; भजन संग्रह ५१:९

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

लूका 15:24

मारदे हना आं बेक्‍शो तौ सेस दुम्‍त। आं जाम्‍शो तौ थित्‍ता’ देंमाक्‍त। मिनु जशा तूशा नेल्‍ले ग्‍येरसमा बाक्‍त। एफिसी २:५

लूका 15:32

इ लोक्‍ब चहिं बेक्‍शा रे ब्रोंइत। जाम्‍शो रे थिस्‍साक्‍व। मोपतीके गो नेल्‍ल ग्‍येरसय’ देंमाक्‍त” दे येसुमी शेंदीमी बाक्‍त।

लूका 9:60

मिनु येसुमी मेको कली “बेक्‍शो मुरुमी बेक्‍शो कली थिम्‍मेक्‍ल। गे चहिं परमप्रभु यावे आ राज्‍य ङा लोव़ नेंपाइक्‍थ लावो” दे मदा बाक्‍त।

यूहन्‍ना 5:21

मिनु आं आफोमी बेक्‍शो आन कली दोपा सेंबा, मोपा आ तौमी यो सु कली बेक्‍शो रे सेंचा दाक्‍बा, मेको कली सेंपाइक्‍ब। दानीएल ७:१३-१४; प्रेरित १०:४२

यूहन्‍ना 6:63

परमप्रभु यावे आ सोक्‍त ब्रोंइचा गेब बाक्‍ब। मुरुम चहिं मारेइ पने मचाप्‍नीम। आं देंशो लोव़ परमप्रभु यावे आ सोक्‍ती ङा ब्रोंइचा गेब लोव़ बाक्‍ब।

रोमी 4:17

अब्राहाम आ पर्बम “गो इ कली शुश रागी ङा मुर आन किकी सेल्‍तन” दे ब्रेक्‍शो बाक्‍ब। अब्राहाममी “परमप्रभु यावे बेक्‍शो रे सेंब नु मारेइ मबाक्‍शो कली बाक्‍शो खोदेंशो पा ब्रेश्‍शा सेल्‍ब” दे थमा सुइश्‍शो बाक्‍ब। उत्‍पत्ती १७:५; २कोरिन्‍थी १:९; हिब्रू ११:१९

रोमी 6:13

इन गुइ खोइली, मिक्‍च, शोव़, रां नेल्‍ल कली मरिम्‍शो मपपतीन। तन्‍न बेक्‍शो रे सेंसीशो मुर खोदेंशो पा, परमप्रभु यावे कली जिम्‍मा गेंसीशा, आ रिम्‍शो गेय पने। रोमी १२:१

रोमी 8:11

परमप्रभु यावे आ सोक्‍तीमी दोपा ख्रीस्‍त येसु कली बेक्‍शो रे सेंदा, मोपान इं कली यो सेंशा ब्रोंइचा गेब। मारदे हना मुल मेको सोक्‍त इं आगाम बाक्‍शा, इं कली ब्रोंइचा गेब।

१ कोरिन्‍थी 15:36

गे मूर्खपुकी, वांचेर शोक्‍नीनु, वांचेर मबेक्‍थु, कोच्‍वा मदाप्‍ब। यूहन्‍ना १२:२४

१ कोरिन्‍थी 15:45

मार ब्रेक्‍शो बाक्‍ब देंशा हना “नेल्‍ल क्‍येङा ङोंइती ङा मुर, आदम, ब्रोंइब दुम्‍माक्‍त” दे ब्रेक्‍शो बाक्‍ब। नेल्‍ल क्‍येङा नोले ङा आदम चहिं ब्रोंइतीक सोक्‍त गेब दुम्‍त। उत्‍पत्ती २:७; २कोरिन्‍थी ३:१७

२ कोरिन्‍थी 3:6

मेकोमी आंइ कली जोक्‍ब तुइक्‍ब सेल्‍शा, आ नक कबल ङा लोव़ शेंथ सोइक्‍ताक्‍की। ब्रेक्‍शा ममाइ, तन्‍न आ सोक्‍तीमी गेप्‍तु। ब्रेक्‍शोमी साइक्‍ब, तन्‍न आ सोक्‍तीमी ब्रोंइचा गेब। येरमीया ३१:३१; १कोरिन्‍थी ११:२५; रोमी ७:६; यूहन्‍ना ६:६३

२ कोरिन्‍थी 5:19

परमप्रभु यावेमी ख्रीस्‍त रे पा मुर आन कली आ नु गारपाइक्‍तु। मेको आन मरिम्‍शो पशो नेल्‍ल प्रेंशा, गारपाइक्‍तीक गेय आंइ कली गेप्‍तु। रोमी ३:२४-२५; कलस्‍सी १:१९-२०

एफिसी 2:1

गेपुकी ङोंइती बेक्‍शो मुर खोदेंशो बाक्‍तीनी। दोपा मोदेंशो बाक्‍तीनी देंशा हना, मरिम्‍शो पशा, परमप्रभु यावे कली मटिथु, हेंथे गाक्‍शो बाक्‍तीनी। लूका १५:२४,३२; कलस्‍सी २:१३

एफिसी 2:11

ङोंइती गेपुकी परमप्रभु यावे आ देंशो लोव़ मतुइक्‍ब बाक्‍तीनी। मुर आन गुइ रे ख्रोइक्‍तीक चिनु ख्रोइश्‍शो, इस्राएलीपुकीमी इन कली “ख्रोइक्‍तीक चिनु मख्रोइश्‍शो मुर नम” देंतेक्‍म। मेको मप्रेंदीन। एफिसी ५:८

एफिसी 5:14

मोपतीके “ए निन्‍द्रा पाइब, बोक्‍को। मिनु बेक्‍शो रे सेंसीशा बाक्‍को। मो पवीनु, ख्रीस्‍तमी इ कली आ छेङछेङ गेब” देंशो बाक्‍ब। यूहन्‍ना ३:२०-२१; रोमी १३:११; यसैया ६०:१; यूहन्‍ना ८:१२

कलस्‍सी 2:12

मिनु गेपुकी ब्‍वाक्‍कुम ख्रुम्‍शा ग्रुंइचा पुंइसीनीनु, मेको नु बेक्‍शा थिम्‍शो दुम्‍तीनी। परमप्रभु यावे आ पतीके कली थमा सुइक्‍तीके मेको नु बेक्‍शो रे सेंशो यो बाक्‍नीनी। रोमी ६:४; कलस्‍सी ३:१

१ तिमोथी 5:6

आ दला दाक्‍स पाइब चहिं सेस बाक्‍त हना यो, बेक्‍शो खोदेंशो दुम्‍ब।

१ तिमोथी 6:13

नेल्‍ल आन कली ब्रोंइचा गेब परमप्रभु यावे नु ख्रीस्‍त येसु पन्‍तीयस पिलातस कली रिम्‍शो सांकछी गेब बाक्‍त। गो इ कली परमप्रभु यावे नु ख्रीस्‍त येसु आस ङोंइती अरेनुङ। यूहन्‍ना १८:३६-३७; प्रकाश १:५

हिब्रू 6:1

मोपतीके ख्रीस्‍त आ पर्बम शेंचा माल्‍शो लोव़ लेंशा मशेंचा। में क्‍येङा लाक्‍शा पाको दुम्‍य। ङोंइती शेंचा माल्‍शो लोव़ चहिं मार बाक्‍ब देंशा हना, मरिम्‍शो गेय पचा प्रोंइशा, आन थुं परमप्रभु यावे गे लेत्‍चा, परमप्रभु यावे कली थमा सुइक्‍चा, ब्‍वाक्‍कुम ख्रुम्‍शा ग्रुंइपांइसीचा,

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

याकूब 2:17

इन थमा सुइक्‍तीकेमी गेय मपाप्‍तु हना, मेको थमा सुइक्‍तीके बेक्‍शो बाक्‍ब।

याकूब 2:20

गे दूली पाइबपुकी, गेय मपथु थमा सुइक्‍तीके शोर गाक्‍शो बाक्‍ब, मेको तुइक्‍तीन।

याकूब 2:26

मिनु दोपा सोक्‍त मपाइश्‍शो मुर बेक्‍शो बाक्‍बा, मोपा थमा सुइक्‍बमी थमा सुइश्‍शो गेय मपाप्‍तु हना, आ थमा सुइक्‍तीके बेक्‍शो बाक्‍ब।

१ यूहन्‍ना 2:12

आं दाक्‍शो तमी तौपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, इन पशो मरिम्‍शो नेल्‍ल येसु ख्रीस्‍त आ नेंमी क्‍याम्‍सीशो बाक्‍त। मोपतीके गो इन कली ब्रेक्‍ना ब्रेक्‍न बाक्‍ती।