कलस्‍सी 2:1 - Sunuwar Bible

¹ गो इन पर्बम, लाओडीसीया सहर ङा थमा सुइक्‍ब आन पर्बम नु का निक्‍शी अरु आं कली गेनायो मताइब मुर आन पर्बम गिश श्‍येत जङा, मेको नेल्‍ल इन कली तुइक्‍पाइक्‍चा दाक्‍नुङ।

कलस्‍सी 2:1 ပူးပေါင်းရင်းမြစ်များ

उत्पत्ती 30:8

मिनु राहेलमी “गो आं लोक्‍ब नु परमप्रभु खोदेंशो पा जिशा ग्राती” देंमाक्‍त। मोपतीके मेको आ नें नाप्‍ताली वोदा बाक्‍त।

लूका 22:44

मिनु लेंशा आ थुं खाइश्‍शा पुना बाक्‍त। आ थुं खाइश्‍शा पुनानु, आ पस्‍ना हुश खोदेंशो दुम्‍शा खपीम दोक्‍माक्‍त।

प्रेरित 20:25

गो इन कली परमप्रभु यावे आ राज्‍य ङा लोव़ नेल्‍ल तुइक्‍पाइक्‍ने थुम्‍तन्‍नी। मुल ङा मेरे मग्रुम्‍नय, दे तुइक्‍नुङ।

प्रेरित 20:38

मिनु पावल कली “लेंशा मतांइसीब” दे मुप्‍शा पुक्‍पु पशा, जहाज सम्‍म चोव़तेक्‍म।

गलाती 4:19

आं दाक्‍शो आलपुकी, मीश मुरुमी आल थिचामेनु, श्‍येत जाइनीमी। शुश खाइक्‍ब। आल थिचशो मीश मुरुमी श्‍येत जशा खाइश्‍शो खोदेंशो पा, गो इन कली मिम्‍शा, श्‍येत जाइनुङ। इन थुंमी ख्रीस्‍त बारल, दे मिम्‍शा, मोदेंशो पा आं थुं खाइक्‍ती। १कोरिन्‍थी ४:१५

फिलिप्‍पी 1:30

मुल आं श्‍येत जशो खोदेंशो पा, गेपुकी यो श्‍येत जाइनीनी। प्रेरित १६:२२

कलस्‍सी 1:24

मुल गो इन पर्बम श्‍येत जाता हना यो, ग्‍येरसाक्‍यी। मारदे हना आं रांमी ख्रीस्‍त आ लीशो श्‍येत थुम्‍पाइक्‍नुङ। ख्रीस्‍त आ लीशो श्‍येत थमा सुइक्‍ब आन पर्बम बाक्‍ब। मेकोपुकी ख्रीस्‍त आ रां बाक्‍नीम। एफिसी ३:१३; २तिमोथी २:१०

कलस्‍सी 1:29

मोपतीके गो बोल पा शुश गेय पाइनुङ। येसु ख्रीस्‍तमी आं कली मोदेंशो पा आ सक्तिमी गेय पपाइक्‍ब।

कलस्‍सी 2:5

गो इन नेक्‍था मबाक्‍ती हना यो, आं थुंमी गेपुकी नु बाक्‍नुङ। इन रिम्‍शो पशो नु ख्रीस्‍त कली बोल्‍यो पा थमा सुइश्‍शो तशा ग्‍येरसाक्‍यी। १कोरिन्‍थी १४:४०

१ थिस्‍सलोनिकी 2:2

गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। प्रेरित १६:२०-२४; प्रेरित १७:१-५

हिब्रू 5:7

येसु मुर दुम्‍शा, रागीम बाक्‍मेनु, प्रेक्‍कु तोक्‍शा गोंगों पा ङाक्‍शा आ कली बेक्‍शो रे सेंब कली पुना बाक्‍त। परमप्रभु यावे कली मान पा हिंशा, मुर आन पर्बम पुना बाक्‍त। मिनु आ पुंइशो तवा बाक्‍त। मत्ती २६:३९-४६

१ पत्रुस 1:8

गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। यूहन्‍ना २०:२९; २कोरिन्‍थी ५:७

प्रकाश 1:11

मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।