कलस्‍सी 1:26 - Sunuwar Bible

²⁶ साइ ङोंइती रे परमप्रभु यावे आ मिम्‍शो ख्रुइश्‍शो बाक्‍त। मुल चहिं मेको आ मुर आन कली कोंइशो बाक्‍त। रोमी १६:२५; एफिसी ३:३-६

कलस्‍सी 1:26 ပူးပေါင်းရင်းမြစ်များ

भजन संग्रह 25:14

परमप्रभु यावे आ कली मान पा हिंब आन वारच बाक्‍ब। मिनु मेको आन कली आ कबल शेंब।

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

मत्ती 20:7

मिनु मेकोपुकीमी ‘सुइमी गेय मगेमे। मिनु गो मार पाइनीकी?’ देंमानु ‘गे यो लशा, आं अङगुर रूमी गेय पने’ दे माइक्‍मी बाक्‍त।

मर्कूस 4:11

मिनु येसुमी “परमप्रभु यावे आ राज्‍य दोदेंशो बाक्‍ब दे इन कली रुप्‍‍तीक थुं गेशो बाक्‍त। लाङगाम बाक्‍ब आन कली चहिं कथा सेल्‍शा शेंनुङमी।

लूका 8:10

येसुमी “इन कली परमप्रभु यावे आ राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍ब। अरु आन कली चहिं कथा सेल्‍शा शेंनुङमी। मिनु कोव़शा यो मतामेक्‍ल, नेंशा यो मरुप्‍मेक्‍ल। यसैया ६:९-१०

१ कोरिन्‍थी 2:7

तन्‍न गो दोदेंशो जोक्‍तीक तुइक्‍तीक ङा लोव़ शेंनीकी देंशा हना, परमप्रभु यावे आ जोक्‍तीक तुइक्‍तीक ङा लोव़ शेंनीकी। मेको लोव़ ङोंइती ख्रुइश्‍शा वोइश्‍शो बाक्‍त। मुल इन कली रिम्‍शो दुम्‍मल, दे शेंनीकी। मत्ती ११:२५; कलस्‍सी १:२६

कलस्‍सी 2:2

मेकोपुकी दाक्‍मुशा आन थुं बारपदमेक्‍ल। थमा पा रुप्‍तीके गिश ठेयब बाक्‍बा, परमप्रभु यावेमी ख्रीस्‍त आ पर्बम ख्रुइश्‍शो लोव़ मार बाक्‍बा, मेको नेल्‍ल रुप्‍मेक्‍ल।

कलस्‍सी 4:3

गेपुकीमी आंइ कली यो मिम्‍शा प्रार्थना पने। परमप्रभु यावेमी आंइ कली ख्रीस्‍त आ ख्रुइश्‍शो लोव़ शुश मुर आन ङोंइती शेंने चाप्‍मेक्‍ल, दे पुनीन। मेको लोव़ शेंतीके गो ग्‍याइक्‍चा पुंइसाक्‍यी। रोमी १५:३०; एफिसी ६:१९; २थिस्‍सलोनिकी ३:१; १कोरिन्‍थी १६:९; कलस्‍सी १:२६-२७

२ तिमोथी 1:10

मुल इं कली पाप रे प्रोंइब येसु ख्रीस्‍त कली रागीम सोइश्‍शा, मुर नेल्‍ल आन कली तपाइक्‍तु। ख्रीस्‍त येसुमी बेक्‍तीक कली ग्राशा, ब्रोंइतीके नु गेना हना या ब्रोंइशा बाक्‍शा, परमप्रभु यावे आ ग्‍येरपाइक्‍ब लोव़ आ पतीकेमी छेङछेङमी वोइश्‍शो खोदेंशो पा तुइक्‍पाइक्‍तु। १कोरिन्‍थी १५:५५-५७; हिब्रू २:१४